أنا ما أدري وش احساسك وما أدري وش تظنين ...
أنا الصادق بعينك كنت وصرت الكاذب الخوان ...
أنا أخطيت ما أنكر ولا فيه عذر يكفيني .. سوى إني أحبك حيل وأني دائما إنسان ..
أنا أدري بمدى جرحك وأدري الحظ جافيني .. يطول الوقت ما أخطي وإذا أخطيت كل شي بان ..
أنا شفت الزهر مايل وظنيته يناديني .. قطفته .. يوم ضميته لقيته للأسف ذبلان ..
عرفت إنك زهر عمري .. عرفت إنك بساتيني ..
وغيرك قيض ما يروي .. سراب يشقي العطشان ..
أنا لو ما حصل ما كان .. وش هو اللي يدريني .. بإنك ما سواك أنتي سكنتي القلب والوجدان ..
أنا أسف على أعذاري .. عجزت ألقى عذر فيني .. يليق بغلطتي بحقك .. ويرجع كل شي كان ...
أحبك كثر أخطائي .. وأدري إنك تحبيني .. وأدري لو تفارقنا .. فلا نقدر على النسيان ..
إذا تقوي على فراقي .. وبعدي عنك خليني .. أنا مليت من دور الكرامه ولعبة الغفران ..
قليل العمر ياللي أنتي دموعك ما تساويني .. حرام إنه يضيع فراق .. أهي من قلها الأحزان
الأمير عبد الرحمن بن مساعد