السلام عليكم
عندي حوالي 10 نطاقات بالقليل كاتبهم عندي, على com و net و org و info
نطاقات مميزه مو محجوزه
وبغيت واحد يحجز لي اياهم كلهم
شروط مهمه:
1- ما اقدر اني اذكر النطاقات بالمره, الا للي جاد ومستعد يحجز النطاقات في وقتها, اما اللي يبي يستفسر عنهم او يشوفهم بالاول وبعدها يقرر فانا اعتذر منه
2- العمليه فيها مخاطره لانه الواحد ما يعرف هو راح يحجز نطاقات مميزه او نطاقات ما تستاهل
علشان كذا الاحسن انكم تسوون بحث عن مواضيعي الاولى علشان تشوفون ذوقي اذا اعرف اختار
او ما عندي سالفه
والا اقول راح اكتب لكم النطاقات اللي كانت لي:
www.for-islam.com
www.l-li.com
www.l-le.com
www.9nj.com
www.thedomainname.info
مع العلم انه النطاقات كلها انباعت
3- المتقدم لازم يكون له اسمه في المنتدى وثقه علشان محد يجيني وبعد ما اذكر له النطاقات
يا يحجزها له
او يقول النطاقات مو مميزه ويرجع عن كلامه
ولازم يكون جاهز يحجزها في نفس الوقت واحنا قاعدين نتكلم على الماسنجر
(يعني يحجز النطاقات حتى لو ما اعجبته النطاقات مع انها مميزه برأيي 80%)
((راح اتبع طريقه واللي هي اني اذكر لك نطاق بعدها تسجله في وقتها,
ثم اذكر لك النطاق اللي بعدها وانت تسجله في وقتها,
الى ان ننتهي للضمان, وبعدها اذا شفت النطاقات كلها تسجلت نتناقش ونقرر انا وش اخذ وانت وش تاخذ والعدد المناسب))
4- اللي موافق على الشروط وعنده, اجل يضيفني على الماسنجر
5- اذا حجزنا 10 نطاقات راح تاخذ انت ما بين نطاقين الى 5 حسب الاتفاق, و هذا راح يكون المقابل اللي راح تاخذه بدل المادي
6- اللي لا سمح الله يطلع مو جاد او ما تعجبه النطاقات ويرجع عن كلامه ولا يكون قد كلامه الخ راح اضطر اني وقتها اني انسخ المحادثه اللي صارت بيننا ((بالصور)) واذكر اسم عضويته وايميله الخ, هذي راح تقولون تشهير لكن هذا اقل جزاه
7- النطاقات اكثر من 3 خانات وبعضها طويله للمعلوميه, لكنها مميزه
الموضوع اكيد فيه مخاطره لك؟ لكنه نفس الشي فيه مخاطره لي
تحياتي
مشعل