ممكن حد يشرح لنا هالتصميم العجيب!!!

[العبقري]

السلام عليكم ورحمة الله وبركاته

اخواني التصميم هذا صراحة ابهرني لما شفته :eek2:

كنت اتسال كيف تم عمله هو بالفوتوشوب لكن كيف الله اعلم :con2:

اذا فيه واحد يتكرم لنا ويشرح طريقة عمل التصميم خاصة السحاب اكون له من الشاكرين

تحياتي

[عبد الله هُربي]

فعلاً تصمممممممممميم جممممممممميل ..

ولكن هل من مبدع يشرح لنا ذلك ؟؟

[arabSquad]

واااااو
سبحان الله
اللي سواه مبدددددددع
عبقرييي
الــف شكر ولكن هل يوجد حد يشرحه للان !!

[BOMBER]

استخدم الكثير من البرامج في هذا العمل


ادوبي الليتسريتور...

ادوبي فوتوشوب ....

اتوقع الثري دي ماكس ....

عمل جرافكسي متكامل

[سيڨيل]

وعليكم السلام ورحمة الله وبركاته
بشرح لك أخوي العبقري الأشياء الي أظنها مثل ما أتوقعها:
1- السماء والغيوم ::: عبارة عن شغل عن طريق الفرش brush استخدم فرشاة من النوع العريض والذي يترك أثر حاد والبقية على فنك وأظن المصمم هذا عنده يد رسام لأن الغيوم مطبقها جنه راسمها بيده
2- المآذن والطيور ::: أظن والله أعلم صور جاهزة سواها شفافة بدرجة مناسبة للتصميم.
3- الإشعاع الصادر من خلف كلمة الدعوة أظنه استخدم فلتر باسم luce لأنه يمكن عمل شيء مماثل باستخدامه :con2:
4- كلمة الدعوة الثلاثية الابعاد ::: يبدو والعلم عند الله أنها عن طريق برنامج كتابة ثلاثية الأبعاد وربما السينيما فوردي وقد تكون عن طريق الفوتوشوب وقام بعمل أبعاد لها بالطريقة التقليدية وميزها بهذا التدرج الحلو في اللون. :con2:
5- الزر والرابط للموقع والماوس ::: شغل فوتوشوب

والله أعلم
تصميم مميز بالفعل الله يوفق المصمم لكل خير وخاصةً أنه لموقع دعوة وإلى المزيد من الإبداعات إن شاء الله.
تقبلوا خالص التحية

[عبدالله الكواري]

هذا تصميم فوتوفلاشي الله يذكره بالخير من ايام منتدى المبدعين اللي كان حق متقن

عالعموم ما قصر حدوود الفن في الشرح .. وما اعتقد في طريقه وحده بس للتصميم لكن انت وابداعك

عالعموم صوره المساجد موجوده عندي للي يبغي يستخدمها ... وهي بصيغه ai ادوبي الستريتور تقدرون تفتحونها بالفوتوشوب بأي دقه

اخوكم فنان

[strange man]

ماشاء الله تصميم جميل جدا
ابحث عن من يسوي لي شعار علي نفس نمط كلمة دعوة بمقابل
هي اجمل ما في التصميم :nice:

[العبقري]

مشكورين ياخوان غلى ردودكم

والاخ حدوود الفن ماقصر حط الي عنده

والاخ FaNNaN برضه ماقصر حط صورة المساجد ولكن ماعليك من الصور اهم شيء طريقة عمل التصميم

عموما شكرا لكم

[العبقري]

على فكرة شرايكم نخصص موضوع لاستقبال الطلبات الي زي كذا

او كل اسبوع او ثلاثة ايام يتم اختيار تصميم ونشرحه طريقة عمله بالتفصصيل؟

[عبدالله الكواري]

فكره ممتازه يالعبقري

بس اخوي اذا عندك استفسار عن جزء معين في التصميم عطنا خبر وان شاء الله نشرح ..

لأن ماعندي وقت اشرح التصميم كامل



وحاظرين للطيبين

اخوك

[العبقري]

FaNNaN

تسلم ياغالي طيب ممكن تعلمنا كيف تم تصميم السحاب لان هوه الصعب

وجزاك الله الف خير

[عبدالله الكواري]

هلا والله اخوي

بخصوص تصميم السحاب .. صدقت هذا اصعب شي .. بس يبيلك يد فنيه .. تحاول ترسم السحاب .. وبعدين تطبق عليه فلته Motion Blur عشان يطلع مشابه للموجود في التصميم .. لأن اصعب شي هو رسم السحاب .. تحاول تشخبط بشكل عشوائي وتطبق الفلتر لغايه ما توصل للشكل اللي يرضيك ..

واعتقد في فرش جاهزه لأشكال السحاب .. بحاول ادورلك اياها اذا تبي ..

[EmiDes.Com]

بخصوص الخط هذا معمول بال Illustrator

تسمى هذه الطريقة (( الخط الحر ))


وهذا مثال على هذه الطريقة

[r7l]

وربما يكون كل العمل بالفوتوشوب

لان الذي رأيت يستطيع شخص محترف عمل كل مافي التصميم

حتى كلمة الدعوة تستيطع عملها بالفوتوشوب

==================

على فكرة شرايكم نخصص موضوع لاستقبال الطلبات الي زي كذا

او كل اسبوع او ثلاثة ايام يتم اختيار تصميم ونشرحه طريقة عمله بالتفصصيل؟

==================

فكرة جميلة جداً وبنتظار بقية الأخوة

دمتم بود

بندر

[العبقري]

EmiDes.Com

هو يالغالي سواه بايده وعدل عليه Illustrator

ومشكور على مرورك للموضوع

====================
r7l
يالغالي فكرة حلوة واذا كان كذا بنقدر نستفيد من المصممين المحترفين

وعندي تصاميم جميلة جدا تستاهل انها تنشرح من اولها لنهايتها

تحياتي لكم