السلام عليكم
طلبي بسيط جدا
من يجد في نفسه القدره على برمجه شبكه عربيه متكامله من كل النواحي
فالموضوع بيهمه
طبعا التفاصيل بعد الاضافه
لكن باختصار
شبكه متكامله برمجه من الصفر php
الشكل وطريقه العرض والطلبات كلها موجوده ومرسومه رسم
ما على المبرمج الا التنفيذ
تعاقدنا مع كبار المبرمجين في سوالف
وكان اتفاقنا على شهر وينتهي العمل
واخذ مبلغ كبير
وفي الاخير
مماطله وصلت الى 4 اشهر
وفي الاخير صدمنا بعباره
لا استطيع اكمال المشروع
ضيع علينا وقت ومجهوود
راسمين خطه لهالشبكه ،، والحين بنبدا من الصفر
والسبب
استهتار من المبرمج وعدم مبالاه بالمواعيد اولا
وعدم معرفه قدراته ثانيا
المهم مابي اطول عليكم
المساله ببساطه مثل ما قلت
برمجه شبكه من الصفر
والسعر المطروح
من 15 الى 20 الف
ويكون بينا عقد رسمي
واهم شئ في العقد
اذا ما نال الموقع استحساننا يتم ارجاع المبلغ
وان شاءالله هالبند نتجنبه اذا مشى المبرمج على نفس الطلبات والرسم اللي بنزوده
والبند الاهم
وهو اللي انصح جميع العملاء باتابعه
يتم الاتفاق على يوم تسليم معين
وان تاخر يوم المبرمج
يتم خصم الف من الحسبه فووق
وعن كل يووم الف
المده المطروحه لهذا العمل
شهرين
طلبت من مبرمجين واعطوني 4 اشهر كحد ادنى
وانا ما اقدر انتظر
يكفي انتظرت 4 اشهر واكلت على راسي
.
.
طبعا المبلغ اعلاه بدون التصميم
التصميم علينا
لكن نبغى البرمجه فقط
.
.
اتمنى تضعوون ايملاتكم وقبلها اعمالكم البرمجيه
ومن يعرف شركه قويه
لا يبخل علينا
واحنا الماده ما تهمنا
يعني لو اعجبنا العمل
ينعطي المبرمج اللي يبيه
بس اهم شئ ننتهي من هالعمل باسرع وقت