شوفوا الـ DSL في السعودية كيف ؟!

[طوسي]

السلام عليكم

كلكم تدرون وش صاير من ازمات في السعودية بسبب الدي اس ال الله لايوفقها من شركة اتصالات
و مزودين فاشلين او انه الشركةمخربه عليهم وهذا ما اضنه

اول امس النت صار بطيء جدا جدا جدا جدا

على مايفتح الصفحة ياخذ ربع ساعة واكثر

ودخلت مقياس السرعة الموجود في الاقلاع وشوف كم طلعت سرعتي

اضعط على الرابط في الاسفل

http://www.w6w.net/upload2/11-11-200...45170277c9.JPG

هذا واشتراكي دي اس ال 128 كيلوا وقرب يخلص والاسعار للحين نار :anger2:

تصدقون واحد اعرفه من الرياض (حي السلي ) توه مكمل سنة كااااااااملة من طلبه حق شركة الاتصلات علشان الدي اس ال ولا حياة لمن تنادي :anger2:

الله لايوفقهم نصابين ودعم فني معفن واسعار نار :anger2:

شكلي بنتحر من هاذي الشركة :anger2:

[بووليد]

الله يعينك ..
انا من حي السلي .. ولي 9 شهور مشترك .. وإتصالي عال العال ..
صحيح في البداية يوم قدمت طلب خدمة الدي أس ال .. أخذت شهرين ..

[طوسي]

غريبة ولله

صاحبي له سنة ولا حياة لمن تنادي

انا اخذت يوم اقدم 4 شهور وانا من الدمام

الله لايوفقهم

[Aljazeera]

انا قدمت وركبولي بثلاث ايام..

[طوسي]

انا قدمت وركبولي بثلاث ايام..

حظك :nice:

بس انت من السعودية ؟! :con2:

[أزدي]

أنا والله قدمت الطلب و خلال أسبوع واحد فقط و الـ DSL من أول نت راكب عندي
و إلى الآن ما واجهت أي مشكلة ما عدا إنقطاع في الإتصال مرتين فقط و ماتعدت المدة نص ساعة

لي 5 شهور

[جمال2]

أنا عندي دايل أب عادي .
أدفع كل شهرين تقريباً ( 500 ريال وشوي ).
هل تنصحوني بالدي أس أل . من الناحية التكاليف المادية , بعيداً عن السرعة .. ؟

[عبد الله هُربي]

الله يكون في عونكم ..

[أزدي]

أنا عندي دايل أب عادي .
أدفع كل شهرين تقريباً ( 500 ريال وشوي ).
هل تنصحوني بالدي أس أل . من الناحية التكاليف المادية , بعيداً عن السرعة .. ؟

في رأيي المتواضع انك تقدم على الخدمة
و تكون سرعة 128Kb مناسبة لك

6 شهور بـ 1100 ريال

و رسوم كل شهر 60 ريال يعني تنزل فاتورتك كل شهرين 120 ريال رسوم

و رسم اول ما تبدأ الخدمة 300 ريال أظ

وبعدها ترتاح تنسى شيء أسمه فواتير

غير الإستفادة من السرعة

و ما تشيل هم الفاتورة و تحمل اكبر ملف وانت تضحك :nice:

[فهد000]

لاحياة لمن تنادي

[vB for vB]

في رأيي المتواضع انك تقدم على الخدمة
و تكون سرعة 128Kb مناسبة لك

6 شهور بـ 1100 ريال

و رسوم كل شهر 60 ريال يعني تنزل فاتورتك كل شهرين 120 ريال رسوم

و رسم اول ما تبدأ الخدمة 300 ريال أظ

وبعدها ترتاح تنسى شيء أسمه فواتير

غير الإستفادة من السرعة

و ما تشيل هم الفاتورة و تحمل اكبر ملف وانت تضحك

تصحيح للمعلومه

الرسوم كل شهر
120 ريال وليس 60 ريال
يعني كل شهرين يجيك 240 ريال + 60 ريال رسوم الهاتف
يطلع
300 ريال كل شهرين

شكرا

[][ شهاب ][]

صار لي اسبوعين اقرا مشاكلكم
و ما فكرت ادخل بنقاشات
لاني ما واجهت المشكلة

جاني الاشتراك عن طريق الهيئة الملكية
تركيب و اشتراك عليهم
و انا علي الفاتورة حقة التلفون

لكن اتذكر نصحت عمي بالدي اس ال
و كلمهم اكثر من مرة
كانوا يقولون له شركة نسمة بأن الاتصالات "رفضت طلبه" لا قالت تعال بعد اسبوع ولا اسبوعين ولا مواعيد

[Aljazeera]

حظك :nice:

بس انت من السعودية ؟! :con2:

نعم بالخرج بعد
شوف تركيب الـDSL
انت وحضك
انا اعرف واحد مستعد يدفع دبل بس يوصلون له الخط
واتوقع سرعة تركيبهم لأن السكن جديد يعني الكبينة جديدة
واعرف شخصين وعدوهم بعد ثلاث اشهر بتركيب الDSL
واعرف واحد ركبوله خلال يومين وكلنا في نفس المدينة ما عدا واحد من الي قالو له بعد ثلاث شهور بالرياض ساكن مع انه اللغى الDSL قبل فتره بسيطة وكان يقول ما احتاجه لاكن يوم احتاجه قالو له هه تعال بعد ثلاث اشهر
وفي واحد امس كاتب في مستعمل انه جا من الاجازة ولقا ال DSL مفصول عنه ولما استفسر حصل الشركة ساحبة الخدمة لعميل اخر هددهم ورجعو له هذا دليل انه فعلا فيه عجز بشركة الاتصالات واذا تبي تسوي توسعة بالمقسم راح تكلفها اكثر من ما تستفيدة من الخدمة
اذا لك احد بالشركة بيزبط او انت وحضك
بس فعلا معاناة

[احساس ريماز]

انا ساكن بحي السلي ..

وركب الدي اس ال عند خلال شهر ..
وبصراحه عال العال

تعتمد على الحظ ..
او بالأصح حسب الكبينه اللي فيها رقمك
اذا كانت متطوره وجديده وفاضيه يعني حظك اوكي

[نعمان]

لا تعليق