هلا والله اخوي محمد
وش فيك معصب على الشباب
وتمدح الجامعه
والله ماتستاهل المدح ولا شي
انا (كنت أحد الطلاب وفيها ) والحمدلله تركتها بدون رجعه
لأني اعتبرها عثره في حياتي دخولي فيها
انا كنت من طلاب ادارة الأعمال رقمي 421
والله مافي الجامعه شي يخليك تقعد فيها
والمكافئات الله يهديك تقول تنزل شهريا ً :con2: اي شهرياً الله يرضى عليك
والله كانت تنزل بالقطاره نقعد اربع شهور تنزل حقت شهر واحد ويالله نقعد نردد يالليل مطولك
لكن يمكن الحين الوضع تغير
طبعاً اشياء كثيره تقرف هناك
المواقف زحمه ولاتطلع الا سيارتك مصدمه والا واحد مسكر عليك
الدكاتره نفسياتهم زفت ويطفشون بالطالب ويحبطونه
مافيه الا الدكتور محمد الخشروم الله يذكره بالخير ،،، حتى هو استدعاني يوم شاف ان وضعي تغير
وقلت الله النفس عافت ،،،
شغل الواسطات اللي تشوفه قدامك يقرف
والغش اللي يصير ولاحسيب ولا رقيب :deal:
يعني اذاكر واتعب ويجي واحد داشر ويغش قدامي وياخذ درجات اكثر مني :con2:
والا اللي يغيب وربعه يحضرون له ولانشوفه الا في الأختبارات وفي الأخير ينجح طويل العمر
وعلى طاري طويل العمر
طويلين الأعمار وخصوصاً اللي العلوم الإداريه اللي مواقفهم انت خابرها وينها فيه
مانشوفهم الا اوقات الأختبارات وفي الأخير معدلات فوق الأربعه
امانه مو مهزله كذا :app:
تحياتي لجماعة نوبل
للمعلوميه : انا تارك الجامعه لي سنتين ومدري طوو قيدي او لا
قلي اذا الوضع تغير يمكن افكر ارجع :nice: