والله يا جماعة كلامكم دهب !!
الموضوع هاد ساوي على المفضلة
و ان شاء الله النقاط المهمة رح بطرحها بالجلسة القادمة النا بالجامعة على الدكتور بمادة ادارة المشاريع و مادة تطبيقات الويب ...
بالنسبة لموضوع الأسعار و المضاربة انا رح بطرح كم نقطة كتير تثير عندي التساؤولات
1- هلاء المعلوماتية كهندسة ( هون عم احكي عن الناس المختصين هندسة معلوماتية كدراسة جامعية )
ليش الرواتب ما تكون متل اهل الهندسة المدنية أو العمارة او او او !! مع ان المجال الخاص فينا بده دراسة اكتر بعد الجامعة يعني يلي يطلع و بس معه معلومات الجامعة ... بيلكي معلوماته ما تزيد عن شخص حضران فلمين وثائقيين عن الهندسة المعلوماتية !
2- موضوع الفوضى و الموثوقية !! بالفعل نحن ينقصنا و بدرجة كبيرة موضوع الموثوقية للشركات و الأفراد شو معنى تكون الشركة الها سجل تجاري بدولتها و تنصب علي بدولتي !! انا مع الفكرة يلي طرحها استاذ خليل بموقع يحدد موثوقية الشركات !! و انا مع الفكرة 100% و مستعد استلم موضوع التصميم بدون اي مقابل حتى اني مستعد ساهم بدعم مالي للموقع ... و انا رح بطرح الفكرة على الفريق يلي عندي بالكلية لان إذا في شي ياثر على مستقبلنا كمبرمجين و مهندسين معلوماتيين هوة موضوع الثقة !! يعني لو يكون في موقع هوة يعطي تراخيص للشركات على مستوى الويب و يكون متل ما تقولوا حكومة الكترونية موحدة على الأنترنت العربي بشكل عام تحكم بين الشركات و تضمن الحقوق و تلاحق النصابين !! بعرف تبين افكار وردية زيادة بس فكروا فيها !
3- بالنسبة للasp.net و موضوع التكلفة و انو مافي شي جاهز و و و و !!
صراحة شي بيخوف !! بس صراحة يضل فيها التحكم اسهل بكتييييييييييييير
و كلاسات الc# نفسهم هاد غير العناصر الجاهزة و القوية
4- بالنسبة لمواضيع التسعير برايي لازم نطلع على غير هندسات و صناعات
هلاء مهندس العمارة يلي يصمم برج راتبه ليش ابو 4 و 5 صفار !!
هاد لانه و ببساطة صار له سنين عم يدرس و هوة صمم البرج بس
بشغل كم يوم و رح يصمم كزا واحد غيره اما بناء البرج حبة حبة ! في عمال
منهم اول يوم شغل بظرف 5 دقايق علموه شغله كامل !!
لازم نبلش نفكر بهل نقطة انو يصير الشغل هندسي اكتر يعني بالبرمجة مثلا
يكون في مبرمج خبير مستلم تحليل النظام .. ككل
و تحت ايده كم مبرمج متوسط يستلموا تصميم الخوارزميات الأساسية
و بعدهم يجي الكودرز يلي جديدمخلصين دورة برمجة بس شغله يضربوا كود
و هيك المشروع يلي ياكل 1000 ساعة نلاحظ انو هل 100 ساعة بدل ما يشتغلهم كلهم
مبرمج خبير ساعته ب100 ريال ويطلع المشروع ب100 الف !
ولا انو يشتغله المبرمج المتوسط كله و يطلع شغل ب800 ريال بس بجودة ضعيفة
و الكلاسات فايتة بالحيط
لا الفكرة انو
يتقسم على طبقات كل واحد و خبرته يشتغل
الخبير يشتغل10 20 ساعات
و المتوسط يشتغل 100 200 ساعة
و الكودرز يشتغلوا الباقي
يطلع المشروع شي احترافي 100% بنفس جودة الشغل يلي يقدمه الخبير
و بسعر ما يطلع الربع أو النص !
هون بقا الشركة يكون الها مكانتها و بالفعل دورها كشركة مو متل الشركات هلاء
للأسف !! في مبرمجين كل واحد منهم مبرمج و مصمم و مكود و كلوا
يجي المشروع يسلموه لواحد من اوله لاخره ... بعطوا للشخص هاد راتب شهري
ويقولوا له عجل اشتغل بسرعة !!
تحياتي للجميع ... و تقبلوا فايق احترامي
على الأحترافية و الفكر العالي لديكم
تحياتي و السلام
أهلا بك أخي محمد وشاكر لك ردك
قمنا في غزة منذ أهشر بتكوين فريق يسمى " مجموعة خبراء ومستخدمي تكنولوجيا المعلومات "
وقمنا بضم كبرى العديد من الشركات والاجتماع معهم لمناقشة بعض المواضيع الجديدة في غزة ، وخصوصا ان النقابة والحكومة والمجموعات الأخرى نايمة
اعملنا اجتماع ضم اكبر 9 شركات في غزة ، وكان طرح لأغلب المشاكل وكنت فعلا أغلب المشاكل هي قضية لمناقصات
أخبرنا مدير إحدى الشركات أنه تقدم بمناقصة لمؤسسة بمبلغ 12 ألف دولار في الغرفة التجارية ، وفوجئ بعد أن أخبره صديقه أن هنالك شركة دمرت السوق هنا قدمت عرض ب 900 دولار فقط لا غير ..... والباقي من عندكم
المهم توصلنا إلى ضرورة تفعيل دور الغرفة والمؤسسات حتى لا يتكرر هذا الأمر وتهبط جودة الأعمال للحظيظ ، وقررنا عمل فريق يقوم بتقييم الشركات ووضعها على الإنترنت ، ولكن في النهاية الشركات بعدما راجعت نفسها تراجعت.
المشكلة أن الشركات نفسها لا تريد التقييم ، وهي شركات في منطقة محصورة مثل قطاع غزة ، فما بالكم على الإنترنت
سأكتب مقال إن شاء الله للمبرمجين لكي يعودوا لسابق عزهم ، ولكن سيكون عليهم التعب بعد ذلك
__________________
بريدي :khalilme (at) hotmail.com
مطور: ASP.NET, Windows Phone , Desktop Applications