مانج سيرف ( النصاب ) دش والكل يدش شوفو الأدله

[TrustWork]

لا تسوي نفسك غشيم

مؤسستنا تطالبك 100 دولار مقابل تامين سيرفرك


و للاسف مثل ما وثقنا فيك طلعت منت قد المسؤلية و قاعد تتهرب


و لو مشتهي تكحل عينك باللوغ و الحديث الي صار بيني و بينك ما عندي مانع كل شي موجود و محفوظ


و مو هذا موضوعنا و ما نبي نطلع عن موضوع الرجال الي فية يكفية و الله يعينك يا مبارك و انت عارف الي بايدنا قدمنا لك اياة و ما يحتاج اتكلم و مشاء الله علية الاخ احمد 2 مكفي و موفي جزاة الله خير

[elebda3]

السلام عليكم ورحمة الله وبركاته

أخي الكريم قبل لا تحكم علي الرجال انه نصب عليك وانت تقول انك قبل اخذت منه في بي اس

وما صار شئ منه ، أنا ضايفه عندي وله فتره ما يدخل نت نهائي ممكن يكون حصل شئ له ووالله

ما اقولها مجاملة تعاملي معه بحدود ولكن ماشفت منه شئ غلط غير انه راجل محترم

الله المستعان ، وأنا اقدر اوفرلك المساحة اللى تبيها مجاناً لحين ما تشوف حل بريدي
admin@7lem4host.com
مع المحبة والامتنان

[arabiancoder]

يمننى اعطاؤك رى سيلر بسيرفرى لتشغيل مواقعك لحين حل المشكله وانا تحت امرك

واعتقد العقد ليس سند قانونى لك للاسف لانه ممكن يقول سلمك خدمات بها

لذل عند التعاقد مع اى شركه من اى دوله اطلب فاكس به فاتوره قبل ان تذهب للتحويل لهم مرفق به تاريخ الايجار التالى والمواصفات ومال الى ذلك من بيانات لضمان حقك وياحبذا لو مرفق معها صوره هويه صاحب الشركه او الموظف المسؤول عنك

[q84h.com]

اخوي Sn3s ، الخليج ... اذكرو الله خلاص هذا موضوع غير وانتو موضوعكم غير اخوي الأبداع مثل ماتقول انا قبل ماأحكم عليه تعرف من متى ناطره ؟؟ 25 / 7 وتوني احط الموضوع وبعدها بكم يوم وقف السيرفر وابشرك طارو المواقع والحمدلله مع بعض العملاء باك اب لهم وباقي رديت لهم فلوسهم يعني خساااااارة والعملاء شذنبهم ؟؟ انزين الرجال تقول مو نصاب ليش يتهرب مني ادق عليه يقول شنو شنو يسوي نفسه مايسمع ؟؟؟ ليش وراسلته مليون رساله ومليون مره اتصل مايرد ويصك التلفون بوجهي وادزله رسايل مارد علي ابدا اخر مره رد يوم قاللي عدل الأسم كان خطأ

فهمت شلون انا ماأظلم احد وهذا الوصل انزين اذا اهو كلامه صحيح مايبي ينصب ليش ماسلمني السيرفر


وابي الرد يوصلني منه مانج سيرف عطيت ناس ايميله لقوه شابك وانا عندي فاصل ممكن تقوللي شنو يعني هذا ؟؟


وساامحوني اذا غلطت ..

[q84h.com]

اخوي احمد نسيتك :d عالعموم المبلغ وكل شي مكتوب بالوصل فوق 40 دينار 127 دولار لـ مانج سيرف 10 دولار للويسترن يونيون كعموله ...



تحياتي

[elebda3]

الله المستعان والله يعينك يا أخي واذا حبيت أي خدمه ترا حاضر أضفني وإن شاء الله يصير خير

والسلام ختام ،،،

[q84h.com]

كملت ياناس قبل يومين كلمني بالماسنجر كم كلمه وصكني بلوك قال انه حجز السيرفر امس وقال بكره تستلمه واتفقنا تجيني رساله وصارله يومين وماستلمته ياناس هذا نصاب ابتعدوا عنه

ماأقول الا حسبي الله عليه والله يبعد هالأشكال عننا اللهم امين بس يامانج سيرف فلوس الحرام ماتدوم الله لايوفقك


..................

[البترولي]

الله يكون بعونك أخوي

وأكيد أنخدعت بالاسعار المقدمة منهم

وعندك في الكويت والخليج شركات شدعوى يبه الطمره هذي لهناك

[TrustWork]

قلنا لة و ياما نصحتة

السيرفر تاخذة من مكانين فقط


اما بدولتك او من اجانب دايركت

يعني انت بالكويت تاخذ بالكويت
انت بالسعودية تاخذ بالسعودية

مو انت بالكويت تاخذ من الامارات او مصر

او مثلا بقطر تاخذ بالاردن او باليمن

و يسامحونا الاخوان بالدول هذي لاكن ملاحظة اتمنى الكل يعرفها


اذا تعاملت مع اجنبي التعامل راح يكون دايركت و دربك حضر و ما فية مشاكل باذن الله
و اذا تعاملت مع واحد بدولتك راح تقدر تتصل على الدعم الفني او تروح لة مكانة يعني الاتصالات بنيكم سهلة و هذا يسهل حل المشاكل


اما اذا انت بدولة و اهو بدولة ما ينفع

مثلا انا بالكويت و ماخذ سيرفر من البحرين لا سمح الله السيرفر داون و الي يوفر السيرفر ما رد علي كيف راح اوصلة ؟؟

مثلا وقف السيرفر بخصوص الباندويث و قال لازم تدفع الحين على الاقل تروح لة و تدفع لة يدوي و اذا كان تعامل مع شركة اجنبية راح يكون ثواني

لان عندنا بالعالم العربي اغلب خدمات الدفع تتم عن طريق الحوالات

و هذا تعقيبي للموضوع

[KuwaitNET]

بالظبط يا تستأجر مباشرو من الدانا سنتر او تشوفلك شركة موزع لداتا سنتر بالكويت اسهل لك و آمن لك

[سوا فور]

على حد علمى انك استلمت السيرفر من مانج سيرف

واتمنى تكون وفقت فى سيرفرك وما راح عليك الفلو ولا السيرفر

تحياتى لك مبارك

[TrustWork]

ما اضن انة استلم السيرفر حتى الان لاني اليوم كنت معاة على المسنجر و كان يدور سيرفر

[سكر وملح]

هذه شهادة للموقع من

=======================
محمد العتيبى
كلمة حق وشهادة من صاحب موقع ود القلوب
الي خدمات مانج سيرف , تيم متميز في خدمته وتطويراته بتقنية عالية الجوده ,دعم وحماية سيرفرات لا شك فيها ,شهادتي بهم الامتياز ,جوده بسرعة قواعد البيانات والاتصال ,جوده عالية عن السيرفر والحمدالله شهادة مني لهم بما اني احد عملائهم بالسيرفرات فلا اعتقد انه يوجد ارقا من خدمة مانج سيرف وفريق العمل
صاحب موقع ود القلوب
عميل سيرفر
الواحة للاستضافة


=================

أشوف هذه الشهادات كل صاحب استضافة قاعد يرز لي من الكلمات النصابة

الله يعينك أخوي ومع احترامي للمصريين يا كثر اللي يشتكون من نصبهم
ومثل ما قالو لك الأخوة خذ استضافة من ديرتك ولا تتعدى

[q84h.com]

اخوي سوا انا مكلمك بالماسنجر قبل لاتكتب الرد وقايلك القصه كلها تقول هنا اني استلمته ؟؟

ما اضن انة استلم السيرفر حتى الان لاني اليوم كنت معاة على المسنجر و كان يدور سيرفر

كلامة صحيح

[Q8LiNE]

في مثل شعبي كويتي يقول
عنزة الفريج ماتحب الا التيس الغريب