استفسارات بنكية من الإخوة في الامارات والكويت

[TopUAE]

بالنسبه للامارات

هل يستطيع السعودي فتح حساب في بنك كويتي أو إماراتي ؟

بدون شك
لكن للاسف اغلب البنوك بل كلها ماعدا واحد او اثنين اذا كان رصيدك اقل من مبلغ معين 1000 او 5000 يخصم منك مبلغ شهري من 25 الى 300 درهم

ماعدا بنك دبي الاسلامي حساب التوفيق فقط حتى لو كان حسابك درهم واحد لن يخصم منك شي

هل تستطيع مؤسسة سعودية فتح حساب في بنك كويتي أو إماراتي ؟

نعم

حال يمكننا ذلك أو حتى في حال خلينا واحد كويتي أو اماراتي يسويلنا حساب هناك ايش البنوك الي فيها خدمة الانترنت ..يعني اقدر اشوف حسابي واحول فلوس عن طريق الانترنت ؟ والتي قد تكون مناسبة لأغلب العملاء .يعني أكثر الناس فاتحين حسابات فيها ؟ مثل الراجحي والأهلي عندنا .

شوف
بما انك من السعوديه
وحسابك بتخليه حق ايداعات اعلملاء
افتح لك حساب شخصي توفير في بنك دبي الاسلامي لا رسوم شهريه ولا شي
وخدمه الانترنت متاحه وممتازه

اما اذا رحت بنك ثاني على هذا الوضع راح تنجبر تخلي مبلغ ثابت في حسابك وان قل عنه فيه رسوم وصدعه راس

[هوست دبي]

السلام عليكم

مثل ما قال لك TopUAE

أفضل لك حساب توفير من بنك دبي الإسلامي

و بنك دبي الإسلامي هو البنك رقم 1 في الإمارات

يعني الكثييير من أهل الإمارات يتعاملون معاه

و هو أيضاً يوفر خدمة الإنترنت البنكية للإطلاع على الإيداعات و العمليات من و إلى الحساب

لكن تراهم ما يدعمون خدمة التحويل إلى الحسابات الأخرى من خلال الإنترنت .. إلا لحساب يكون معرف لديك عن طريقهم ؟؟ و علشان تعرف الحساب لازم تروح الفرع اللي فتحت منه الحساب علشان يضيفونه عندك

يعني يمكن تعيبهم هذي النقطة بس !!

لكن إذا تبغي تتعامل مع بنوك في الإمارات .. فأفضل بنك هو بنك دبي الإسلامي

[walidov]

السلام عليكم

مثل ما قال لك TopUAE

أفضل لك حساب توفير من بنك دبي الإسلامي

و بنك دبي الإسلامي هو البنك رقم 1 في الإمارات

يعني الكثييير من أهل الإمارات يتعاملون معاه

و هو أيضاً يوفر خدمة الإنترنت البنكية للإطلاع على الإيداعات و العمليات من و إلى الحساب

لكن تراهم ما يدعمون خدمة التحويل إلى الحسابات الأخرى من خلال الإنترنت .. إلا لحساب يكون معرف لديك عن طريقهم ؟؟ و علشان تعرف الحساب لازم تروح الفرع اللي فتحت منه الحساب علشان يضيفونه عندك

يعني يمكن تعيبهم هذي النقطة بس !!

لكن إذا تبغي تتعامل مع بنوك في الإمارات .. فأفضل بنك هو بنك دبي الإسلامي

أوافقك الرأي أخي الكريم ..

أنا لدي حساب بنكي في بنك دبي الإسلامي .. وفعلا هو الأفضل والأسهل ..

وهذه صورة عن الموقع لكشف الحساب :



والسلام عليكم

[ولد العودة]

qtr4all

ماقصرت الله يحفظك ويطول عمرك على الطاعة


TopUAE
مشكور على ردك وماقصرت .. لكن هل أنت متأكد من اني استطيع فتح حساب بإسم مؤسستي في الإمارات ؟؟
اذا كنت متأكد تقدر تدلني على الطريقة ؟؟

هوست دبي walidov

مشكورين على مروركم وردكم ..خلاص اخترنا دبي الإسلامي ان شاء الله لكن نبي نشوف المستندات المطلوبة

[Giga4Me.com]

بالنسبة الى الامارات اخوي شوف بنك الامارات فهو ايضا سهل لفتح الحساب من خلال الانترنيت وارسال الأوراق بواسطة الفاكس اذا كنت في السعودية

[qtr4all]

ايه صح . اخوي ولد العودة .. اذا كنت من الرياض
يوجد فرع بنك الأمارات في الرياض ..
http://www.emiratesbank.ae

وهم لديهم خدمة الأنترنت ..

[ولد العودة]

مشكورين على تفاعلكم ... أنا في الخبر بس أروح للرياض كل فترة ... بشوف اكلمهم يوم السبت وأشوف الأوراق المطلوبة

الكويت ماحد أفادنا غير تحتح؟؟

[qtr4all]

الكويت اعتقد صعبه ..
الا اذا في طريقة واحدة..

بنك الكويت الوطني عنده فرع في البحرين
واعتقد البحرين تقدر تفتح فيها حساب بجواز سفر
فيمكن تقدر تفتح حساب في بنك الكويت الوطني في البحرين بجواز السفر
بس اتصلهم واستفسر اكثر.. واسمحلنا على الازعاج ..

[yasser_xp]

في السعوديةاعتقد يوجد بنك الكويت الوطني

هذا موجود في جدة اذا تصبر الى يوم السبت بروح اسالهم عشانك طال عمرك