ضابط شرطة سابق يصدر كتابا يشرح فيه للمصري إزاي (متنضربش علي قفاك)

[EISA AHMED]

شكله الكتاب عجيب .....

[صلاح الديب]

arabsdesign
تدري اقسم بالله اول يوم تطلع مني ابتسامه من يوم وفاه والدتي الله يرحمها ؟؟؟

بتتكلم بجد ؟؟ ولا بتهرج انت فى مصر ولا بتتكلم بجد اسمحلي ولا حاجه من الى قولتها صحيحه ولا تنفع فى مصر

خليني لك مثال انا شاب مثلى ومثلك ومثل باقى الشباب بالدنيا وليا اصدقاء طبعا


اتمسكت اكثر من 400 مره من كترهم ما اقدر اعدها سواء بمشكله او من غير مشكله

وفي كل مره اتمسك فيها قصه طبعا اتمسك مع اصحابي

اول سؤال بطاقتك الجواب اتفضل بتدرس ايه ترد عليه ابوك شغال ايه ولما برد عليه حاجه من اتنين يا ابني يا حبيبي خد بالك من نفسك المنطقه دي وحشه او ايه الى ممشيك مع المناظر دي

يسأل صديق ابوك شغال ايه يقوله مثلا موظف - صاحب سوبر ماركت اقسم بالله العلي العظيم بدون ادني سبب يطلع لك مشكله بنفسه انت شكلك شارب انت وانت وانت وسب وشتيمه طبعا الولد هايسمع مش هايسكت طبعا بيرد ينضرب لما يقول يا بس هذه حصلت اكثر من مره امام عيني ومع اصحابي

تدري ان فى يوم يقولى بطاقتك قولتله اتفضل قال فتشوه قولتله انت مين عشان تفتشني اخدت قلم اقسم بالله ماتتخيل الالم الى حسيت بيه وعيني دمعت كرامتي ( هل تعلم اني لما اتصلت بوالدي روحت القسم وضربت الى ضربني نفس القلم تعرف ليه ؟؟؟ عشان والدي مستشار ورئيس محكمه استئناف والى ضربني فى سوهاج دلوقتي اتنقل ؟؟؟ واسطه مثل ما بيقول الشعب المصري

حبيبي خليك واقعي احنا فى بلد زباله وكل الى بيدروها زباله اذا ما عندك دهر هتنداس فيها

بلاش تتدافع عن شىء انت ما عندك اى علم بيه انا كل يوم بسمع قصص من والدي اقسم بالله اذا سمعت 1% منها بتعرف انك عايش بجحيم مصر مش بلد المصريين

سلام

[arabsdesign]

أنا واقعى واعيش بمنطقه شعبيه جدا (مشهوره بتجاره المخدرات) وارى ماتقوله بعينى لكنى لا احسبه لانهم بجد بيحاولوا يساعدوا بقدر امكانهم

بيحمونا من بطش المحششين
بيحمونا من جرائم القتل العشوائى اللى شوفت منها 5
انا مواطن مصرى زيكم وماقلش عنكم وطنيه

انا مره مسكنى تحرى قالى بطاقتك اديتها له من غير لايقولى ابوك مين قالى شكلك ابن ناس وادانى كم نصيحه على الشكل العام الخاص بى بسبب طول شعرى انى شكلى ملفت للنظر وخلص الموضوع ببساطه ...

لو بصيت الخطأ بيجى من فئات دنيا وانا اقول دنيا لانها فعلا دنيا اولا لايفقهوا شىء فى القانون
ثانيا معظمهم تربيه ملاجىء اللى اقصدوا امناء الشرطه واظن ان فكره انك ترد حقك من امين شرطه سهله جدا

اخى انا لا اتكلم من فراغ ( لكن شخص ممسوك هو و5 اصحابه بيربوا حقن ماكس مثلا)
او شخص اغتصب واحده
او شخص حاول يتعدى على واحده ماظنش انت نفسك تتركه اذا كان الحرامى الناس بتضربه مابالك شرطى


لكن انت بذاتك واحترامك بتطغى على كل شىء ومفيش ضرب الا اذا كنت مذنب فعلا لدرجه انك ماتقدرش تدافع عن نفسك

فى مثل مشهور امشى عدل يحتار عدوك فيك

[صلاح الديب]

ماعنديش اختلاف فى الى قولته اكيد فى حلو وفى الوحش

بس صدقني الوحش كتير جدا جدا جدا

وانا مثلك فى بعض الاحيان كانو ينصحون ناس كويسه بس الاكثريه هما فعلا مثل ما قولت تربيه ملاجىء لا يعرفون دين ولا يعرفون احترام

وربنا يبعدنا ويبعد الناس جميعا عنهم

[arabsdesign]

عفوا لا اصدقك ان الوحش كتير مثل مابتقول

انت نفسك شخصيتك متغيره واكيد تعرف ناس بيئه تعاملك معاهم ازاى بيكون

لو تعرف واحد نفس مستواك تعاملك انت كيف بيكون

شوف حضرتك اذا انت صح ماحدش يقدر يعاتبك

اذا انت تعرف اللى لك واللى عليك عمرك ماتتحط ولو ثانيه موضوع احراج او فى مثل المواقف دى

على فكره اعمامى كلهم بسلك الشرطه وعارف انا باقولك ايه

مبدأ الشرطه نحترم اى بنى ادم الا لو واحد دخلنا هنا ( يعنى من الاخر خارج على القانون)

والمتمرد دوما بياكل ايد الكريم اللى اكرمه ياريت تكون وضحت الرؤيا


تصدق بالله موقف تانى واحد صاحبى بيحكيه

كان راكب تاكسى فى كمين وقفوا سواق التاكسى وخدوا بطاقته ودخلوها الماكينه لقوه على قضايا شيكات نزلوا السواق وخلوا اسحابى يدفعوا له اجره التاكسى (ده اول شىء كويس) كان ببساطه ينزلوا وخلاص

ظابط الكمين امر السواق يوصل الركاب بتوع التاكسى للاماكن اللى عايزين يروحوا فى البوكس علشان مايتعطلوش

يا استاذى الفاضل هم بشر ومن شعب مصر لو لهم سلوك مشين زى مانت فاكر ممكن اترصدله

انا مثلا لو ظابط اهان كرامتى ببساطه ممكن اترصد واخفى وجهى اونتهى الامر

دول مش شياطين ولا حتى ملايكه دول مصريين زيي زيك ولهم حقوق وواجبات زيك اللى يفرقهم عنك انك دكتور وده ظابط
انك لك وظيفتك وهو له وظيفته
انت لك مهامك المطلوب منك تؤديها لرفعه بلدنا مصر وهو له نفسه المهمه رفعه اسم مصر وجعل الشارع امن

سؤال بديهى تقدر تعيش 5 دقائق من غير شرطه

[صلاح الديب]

والله بصراحه هيا مسأله شخصيات انا لو الجن الازرق هان شخصيتي حتي لو هو مين هارد عليه بالمثل ودي طبيعتي وبالذات مسأله الكرامه الا دي مافيهاش تهاون

بالنسبه للشرطه مثل ما قولتلك فى الحلو والوحش بس الوحش كتير يمكن انت وقعت فى ناس ولاد حلال لكن غيرك وغيرك وغيرك

ويكون فى عللمك بسبب ان صديق ليا والده موظف رد علي ظابط لفقو له تهمه سلاح ابيض والولد ما بيعرفش اساسا يتكلم بس مجرد الظابط غلط فى والدته رد فعله انه رد عليه الغلط يعني (رد الفعل) هذا انت ما تملكه

مثل ما قولتلك الامثال كثير جدا

واحب اعرفك حاجه كويسه جدا ليا اصدقاء بيشترو المزاج بتاعهم دا من ظابط اقسم بالله العلي العظيم بيشتروه من ظابط لك انت تتخيل

بص انا مش هاقلب الموضوع دردشه بس صدقني فى كتير وحشيين جدا

موفق

[مبرمج قادم]

ان دل على شي فانما يدل على ان حقوق الناس العادية اصبحت منتهكة

من قبل هذه الاجهزة .. ولا حسيب ولا رقيب ...

حسبنا الله ونعم الوكيــــل ...

[ibfathy]

بصراحه عجبتني المناقشه اللي تمت بين الإخوه الكرام

وطبعآ كل واحد وله رأيه لكن لازم كلنا نتفق إن فعلآ فيه تجاوزات كتير جدآ بتحصل من رجال الشرطه اللي هما المفروض بيحموا الشعب

وبصراحه اللي شايف غير يبئى عذرآ

أنت لا تعيش في مصر

مع خالص تحياتي للجميع

[أبو مايد]

أتمنى حقيقة ان نجد مثل هذا الكتاب في الامارات بالنسبه لي ارى انه امر ضروري (توعوي) يحتاجة كل مواطن و مقيم.

[أنس بن مالك]

اخوتي World Of Design و arabsdesign ..شكرا علي النقاش المتحضر بينكم استمعت بقرائته

ربنا يبعدني عن التعامل مع اي حد في الداخلية ...

بخصوص الكتاب بصراحة ... لو لقيته هشتريه ... علشان اعرف حقي ..

[ibfathy]

أتمنى حقيقة ان نجد مثل هذا الكتاب في الامارات بالنسبه لي ارى انه امر ضروري (توعوي) يحتاجة كل مواطن و مقيم.

بصراحه الكتاب ده المفروض يتواجد في جميع الدول العربيه لأنه للأسف معظمنا مش عارف حقه اليومين دول بالذات

تحياتي

[alwannah]

الكتاب مثل ما وصلني


http://www.jeddahbar.com/up/files/3ala-afaak.pdf