السلام عليكم
ماشالله على اللي ردوا بالاول .... اسلوب مجاملات ودعاية لا غبار عليها بغض النظر على المشكله والكل اكتفى بكلمة ( قلعتك انك ماشفت الشروط ) .... والسبب ان صاحب المشكله ليس مضاف لديهم بالماسنجر ومافيه مصالح بينهم .... فراااح حقه الضعيف .
اخوي ( مملكة العرب ) واخوي النماي اعرفهم جيدا وقد تعاملت معهم ونشهد لهم بكل خير ولا نزكي على الله احدا ...
لكن لي وقفات حول الموضوع
هل يتعامل صاحب الاستضاافة مع المواقع المضافة لديه كانها موقعه ؟
يعني لو الموقع ( المشكله ) كانت لاخوي بدر .... ومسوي لها اعلانات ودعايات بحدود 1000 ريال ... فهل يرضى اقفال موقعه عشان الباندويث لثواني ؟؟؟
ونفس الشيء لاخوي ( النماي ) تخيل نفسك صاحب استضافه ثم يجي لك واحد يقول زود الباندويث 5 جيجا اضافيه ... وبعدها بكم يوم يقول زود المساحه الي 200 ميغا ....فصاحب الاستضافة ماعنده الا انت والا كيف ؟؟ فعنده مشاكل مالله به عليم .
يعني المشكله فيها لبس وتسرع من الطرفين ....
وكلي عذرا لهم على هذا لكن قول الحق فضيله
شركات الاستضافة عندهم نفس الاجهزة تقريبا .. ونفس الخبره
لكن الفرق ... بالدعم الفني ... حتى الدعم الفني تلقى دعم فني ينافخ عليك يحسبك تطر منه .. لكن والافضل هو الدعم الفني ودي المعامله .
ومن خلال تجربتي بدون ذكر اسماء حتى مايقولون الحلوين ايه مسوي دعاية ....
عندي حسابين ريسلر
الاول من شركة سعوديه .... طريقة الدعم الفني لديهم عن طرقة بطاقات التذاكر بموقعهم فقط ... لكن اضع استفساري وطلبي يرجع الرد بعد 15 بالكثير .... واطلب منهم تركيب برنامج على السيرفر فيجي عندي الرفض !! .... لكن يوضحون لكن سبب الرفض لانه يتعارض مع برنامج آخر ويرسلون لي وصلات لمواقع تتحدث عن هذه المشكله ... يعني دعم فني ودي وطيب المعامله .
الحساب الاخر .. من شركة اماراتيه ... شاهدت عرضه هنا في سوالف ووالله اني لا اذكر اسمه ولا راح اطلع من صلب الموضوع .... المهم واجهتني مشكله اني لما اضيف نطاقاتي في الريسلر لا يقبل ... والاخ صاحب السيرفر لم يختلف عن الاول فوالله اني اجده بكل وقت متواجد الي ان تم عمل السيرفر على اكمل وجه ...
كل ما اردت ذكره بانك ستجد مئات شركات الاستضافة بنفس الاسعار ولكن ستجد العشرات منها دعم فني ودي المعامله .
واذكر هنا احدى المواقف مع صاحب الريسلر الاول لي غلطت عليه بكلمة في الدعم الفني ... فرجعت واعتذرت ... حتى انه استقبل كل كلامي بصدر رحب .... وهذا ما استغربت عليه اخوي بدر من رده الي ( النماي ) بكلمة ( اقول لا يكثر )
بغض النظر على الفلوس .... ووالله لو انا صاحب المشكله كان ماكتبت فلوس وما فلوس بالعكس .... ولو ايضا انا صاحب الاستضافة كان ماخليت ردي بعد هذا الموضوع بكلمة ( للاسف هذا الموضوع مكانه سلة المهملات ,,, ولن أضيع وقتي بالرد على مثل هذه المواضيع ) ..
نحن هنا لم ولا نبحث عن الاساءة او التجريح والتشهير ... نحن نبحث عن الاسباب والحلول
فخلونا نقول مثلا ان ( النماي ) ارسل قائمة بريديه ( امسحها بوجه يالنماي قلنا مثلا ) فهل ارسال قائمة بريديه كفيله باقفال الموقع دون تنبيه وحتى ان كانت هذه من الممنوعات بالشروط ؟ ام المحافظه على العميل ؟
كذلك انصح اخوي النماي بعدم اكثار الطلبات على اصحاب الاستضافة وتمشي على كيفك بالخطه مره زود الباندويث ومره زود المساحه .... يعني ماعندهم الا انت !!
وكلي امل وثقه ان اخواني بدر والنماي ياخذون كلامي بصدر رحب
ومن الاساس الموضوع فيه ( إن ) ولبس وخفايا لا يعلمها الا الله
حنا ناقصنا مثل ( Q8serv ) اخوي ناصر ... رد عبارة عن الف رد ...ز ما اقول الا الله يعطيه الف عافيه ويزيده خير وعلم ويطول بعمره وعمر كل غالي وعزيز عليه .