[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[qtr4all]

اخوي مهندس كويتي كيف طريقة الشراء من هذا الموقع
Sell mini mobile phone (Shenzhen SSC Trades Co., Ltd.,China)

يعني وين اروح اي مكان عشان ادفع واخليهم يرسلون الجوال على البيانات وكذا ؟
واسف ع الازعاج

[M. Al-Dhafeeri]

لا افا عليك لا ازعاج ولا هم يحزنون


انا نفسك ماعرفت اشتري من الموقع مال علي بابا


بس سالت واحد وعلمني


الطريقه شوي يبيله شغل :\

لما تشوف البضاعه شوف يمها مكتوب Leave me a Message او Talk to me now

او اضغط على Contact Now

ويتطلب التسجيل بالموقع.. عشان تراسل صاحب السلعه وتتفق معاه على السعر..


على فكره كل هالبضايع من الصين..




والله خوش موقع NEO زقرت :| عيل بكنسل مابي اشتري الساعه بشتري اهوا والله عجيب


مشكور على الموقع بس بشوف شلون اشتريه وارد لك خبر

[M. Al-Dhafeeri]

ياخي والله هالتلفون دش بمزاجي :| شوف مواصفاته كل اللي تبيهم موجودين فيه ومستحيل هالايام تلقى تلفون كل شي فيه !!!!



انا راسلتهم عشان يقولولي شنو اشتريه Online وبس يردون ارد لك خبر

[qtr4all]

اخوي مهندس شوف
بخصوص تلفون NEO
سعره 999 درهم اماراتي
لان وكيل هالجوال له فرع في الامارات
انا بنتظر سنه لين ماينزل سعر الجوال وبعدين بشتريه
واذا عندك طريقة الشراء اون لاين تسوي خير ..

ويليتك تدور مواقع صينية تبيع جوالات بنفس حجم جوال NEO
وشكرا لك

[M. Al-Dhafeeri]

لا لا ماعليك اخوي الغالي


افا عليك الحمدلله اشتركت بموقع ebay.co.uk

ولقيت التلفون بالمزاد والاسعار صج خياليه يعني اذا لحقت على المزاد راح تحصله تقريبا بـ 60 او 70 باوند


سعر زقرتي حده.. تعال سجل بموقع ebay.co.uk وشوف الاغراض اللي فيه والله شي خيالي احسن بوايد من امازون..

[Abachy]

اخوي مهندس كويتي ياريت تقولنا شنو طريقة الشحن الى الكويت الي تستخدمها للشراء من الشركات في موقع علي وهل في مواقع ثانية امريكية وبريطانية تبيع البضايع المعروضة من قبل الشركات الي في هالموقع سامحنا على الطوالة ومنكم نستفيد

[qtr4all]

اخوي مهندس انا حصلت الجوال في ebay البريطاني
حصلته ب 43 باوند يعني كم دولار
وكيف طريقة الشراء ؟ لازم مزاد ولا على طول ؟

[t7t7.com]

هلا والله شاعرنا

صراحه متعاجز اقرا كل الردود ههههههه

ابي اسالك عن جوال N95 فل ابشن كم سعره بالدولار والكويتي , مع الشحن للكويت او المملكه

والله لايهينك

[M. Al-Dhafeeri]

Abachy

هلا فيك اخوي الغالي ... بالنسبه لسؤالك الموضوع نصه قاعد نتكلم عن طريقة الشحن وخصوصا صفحه 12 اللي اهيا قبل هالصفحه :| غريبه!!

المهم

بوساطة Aramex أراميكس.. اهما يوصلولك اللي تبي وتشتري اللي تبي واهما اييبونه لك لي الكويت.. واقرى الردود لمزيد من التفاصيل ..


بالنسبه للمواقع ايضا هالموضوع متروس مواقع سواء مني او من اللي ذكرها اخواني الافاضل وراح اقول بعضهم

طبعا ماكو غيرهم هذيلي بالمرتبه الأول amazon.com و amazon.co.uk

و ebay.co.uk و ebay.com


هذيلي بتلقى فيهم اللي تتمناه

شاكر مرورك..

+++++++

qtr4all

هلا اخوي.. انا ذاكر هني بالموضوع الموقع اللي استخدمه لتحويل العملات وايد قوي ودقيق.. وراح اذكره مره ثانيه

Currency Converter for 164 Currencies

وياليت تحط الرابط عشان اقولك اذا مزاد ولا تشتري على طول..

+++++

t7t7.com

طبعا ماكو شحن للكويت او للمملكه.. من اراميكس طبعا.. والشحن معروف واسعاره معروفه..

بالنسبه لنوكيا n95 هذا سعره بأمازون الامريكي << افضل موقع للأسعار حسب نظري :\

$579.99 يعني تقريبا 163.308 دينار كويتي..



بالتوفيق

[qtr4all]

NEO 808i MOBILE PHONE UNLOCKED M.I.B SMALLEST AROUND - eBay, Mobile Phones, Mobile Home Phones (end time 13-Oct-07 14:22:07 BST)

تفضل اخوي وهذا الرابط

[Abachy]

هلا اخوي مهندس كويتي يعطيك العافيه كل الي قلته انا فاهمه واعرفه واطبقه من زمان انا اقصد طريقة الشحن من الصين من موقع علي بابا طبعا لو تلاحظ فوق انا كتبت علي وسقط سهوا البابا ابي اعرف اذا شريت من شركة صينية من موقع علي بابا شنو اخلي عنوان الشحن ارامكس ولا اخليه دايركت عنوان بيتنا في الكويت ولا شنو بالضبط ياريت تفيدني بهالشي ورحم الله والدينك

[M. Al-Dhafeeri]

Abachy

لو تخلي عنوان بيتكم على طول بيصير قصف لوووووووووووول


لما تبي تشتري شي وطلبوا منك عنوان التوصيل حط عنوان امريكا.. لان امريكا اقرب للصين من UK

بالتوفيق ومو تنسى اي شي تشتريه قولنا

++++

اخوي قطر

هذا مزاد الله يسلمك

واهوا الحين واصل £100.00 يعني تقريبا 51 دينار كويتي


وباقي على المزاد 3 ايام ..


انت خلك انتظر اذا تبيه.. قبل لا يخلص المزاد بـ 5 دقايق او 10 دقايق حط المبلغ وراح ينتهي المزاد ويكون التلفون من صالحك


السالفه اهيا سالفة شطاره..


في ساعه كنت مخطط اشتريها وحطيت bid عليها بـ 5 باوند << حدي قوي


تصدق نطرت بس ساعه :| والا جان ايي واحد وحط 7.50 باوند وشراها :| وراحت علي



بالتوفيق... وقولنا شنو يصير معاك

[PasT]

عندي لكم موقع بس مو عارف مصداقيته وتعامله ولكن ارقام وايميلات الشركة موجود بالموقع واسعاره خياليه وهو موقع لشركة بالصين ... والي عنده خبره بالصين يشوف لنا هالموقع

welcome come here!www.66oka.com,www.90nike.com,www.90good.com,

[M. Al-Dhafeeri]

جاري التجيييك (يعني جاري الفحص)

[qtr4all]

اخوي كويتي

يعني لو حطيت 100 باوند
ويجي واحد يحط 150 باوند يسحبون مني ال 100 ؟