معقوله منتخب قطر كذا !!

[NaMr]

احسب سامي الجابر حارق دم بس الاتحاد والنصر والاهلي والفرق الثانيه

اثره حتى الخليج خخخخخخ

كبير ياساميو


بالنسبه لكلامك تقول اخذنا المركز الثاني بكاس الناشئين

يكون بعلمك السعوديه اخذت كاس العالم بالناشئين

وكاس العالم بالمعاقين

اما اهداف تسلل اقدر اجيبلك مليون هدف تسلل لكن وش الفايده منه :looking:

[qtr4all]

يشباب اذكروا الله واغلقوا الموضوع..

[هوست دبي]

شباب هدوا أعصابكم بس ...

كلنا إخوان أفا عليكم

و شو فيها التجنيس يعني ...

كل واحد أبدى رايه في الموضوع، و الأخوة في قطر لهم سياستهم و هم أدرى فيها

دام إنهم يبغون يعطون الجنسية لمن يستحقها فخلاص ... الله يوفقهم إن شاء الله

أنا واحد معارض التجنيس ، لكن هم هم إخواننا و على راسنا من فوق بعد !!

تحياتي لكل الأخوان القطريين .. و لا تشيلون في خاطركم

-------

أرد و أقول الكاس إماراتي

[هوست دبي]

الله يخلي ولد الإمارات ..

اسماعيل مطر

أفضل لاعب في العالم في كأس العالم للشباب

لا تقولون بعد مجنس !!

[qtr4all]

HostDubai.com
خخخخخخخ

وينك ياخي ماتبين في المنسجر
ادخل المنسجر بكلمك شوي خخخخخ

الكاس عنابي

[sh@Gy]

احسب سامي الجابر حارق دم بس الاتحاد والنصر والاهلي والفرق الثانيه

اثره حتى الخليج خخخخخخ

كبير ياساميو


بالنسبه لكلامك تقول اخذنا المركز الثاني بكاس الناشئين

يكون بعلمك السعوديه اخذت كاس العالم بالناشئين

وكاس العالم بالمعاقين

اما اهداف تسلل اقدر اجيبلك مليون هدف تسلل لكن وش الفايده منه :looking:

قاهر قلبنا ها ؟ لايكون ان احنا الي فتحنا الموضوع نتكلم عنه :court:

انتو الي فتحتو الموضوع تتكلموون عن لعيبتنا :1power:

اعتقد كاس العالم للشباب .. مكانته اكبر بكثير من الناشئين والمعااقين

:nice:

وشباب الي بالموضوع وبالخليج كلهم على راسنا وكلنا خليج واحد

والنقاش لايفسد للود قضيه

[البروفسيور]

---

ليش حاسدين خلفان ان خذ الجائزه ؟؟

عشان سامي سنتر ماخذ الجائزه ؟؟

كان تابعت خلفان في الاسياد ولا كان تابعته في الدوري القطري

---

ههههه ضحكتني يا شيخ خلفان اللاعب الخلوق قال بنفسه انه ما يستحق الجائزة لكنه اثبت انه يستحقها باخلاقه العالية

بعدين من متى لاعب موجود بدكة الاحتياط يفوز

اللاعب نفسه مصرح -وانا اكن له كل الاحترام- انه استغرب لما قالوا له انت من العشر المرشحين للجائزة !!

لكن ابن همام ما قصر

---

لو على قولتك الفيفا ماراح تراقبنا .. الخ

كان راح نجنس بسكات

نعرف نغير اسامي اللعيبه وعقب كم شهر نجنسهم نفس بعض الناس

لاكن لا احنا قبل لا نجنس اي لاعب نعلن عن التجنيس وكل حاجه

(( على المكشووف ))
-

ههههههههههههه يا حليلك بس أجل المجاهر بالمعصية أحسن من اللي يستر على نفس

على العموم كل اللاعبين السعويين مولودين في السعودية و حياتهم كلها في السعودية أشك حتى انهم يعرفون حتى اهل قبايلهم في دولتهم

اتركو المهمه لل http://www.aljazeera.net هي اللي تعرفلهم

ترى ردك هالخبيث مردود عليك و خذها نصيحة لا تحاول تدخل قطر ابد في السياسة

[Farasan.org]

هدوا أعصابكم شباب ... قاعدين نسولف بس

بس لا تغيرون السالفة ... الكاس إماراتي

أترك عنك الكلام هذا والله لو نجيب فريق من الحواري راح يأخذ البطولة من دون منافسة ترى ما عندك أحد

[sh@Gy]

HostDubai.com الله يخليه لكم سماعيل

وما شاء الله عليه هل لاعب داخل راسي من زمان

فنان

^_*

والله يخلي لنا احسن لاعب اسيوي خلفان ابراهيم خلفان 17 سنه

^_^

[sh@Gy]

البروفسيور

يوم خلفان قال هل كلام قاله من تواضعه

والي اتحدى لو اي لاعب ثاني خذها راح يقول هل كلام

كل شي يصير لقطر قلتو بن همام

شكله بن همام سوا الاسياد في الدوحه بعد

وشكله بن همام رشا كل المنتخبات الثانيه عشان يخلونا نفوز

وشكله بن همام عطا باقي المنتخبات فلوس عشان يلعبون معانا شوي ها؟

يعني بتقولي سامي سنتر يستاهل الجائزه ؟؟

يستاهل جائزه اكثر لاعب سنتر في كاس العالم ما شاء الله عليه


يعني تقولي ان الي يجنس بالمستور احسن ها ؟؟؟

لا هل اساليب مانتبعها احنا ..

وكل منتخب قطر ماعدا عبدالله كوني محمد صقر وسبستيان

مش من مواليد قطر

ووسام وحسين ياسر مواليد قطر وابهاتهم مواليد قطر

^_^

عاش سبستيااااان قاهرهم

[Vionec]

---

ترى ردك هالخبيث مردود عليك و خذها نصيحة لا تحاول تدخل قطر ابد في السياسة

خبيث؟ جزاك الله خير من طيب اصلك وعلى فكره قطر بالسياسه وبكل شي رافعه الراس وسواء دخلناها ولا مادخلناها هي موجوده وامام الكل..

ثانيا الموضوع موضوع رياضي، لكن انت وبعض الاخوان اللي بديتو بالتكلم عن قطر والخروج عن الموضوع، اذا احترمتو نفسكم احنا نحترم نفسنا، وتذكر ان كلنا اخوان، لكن اللي مايحترم نفسه بنضطر ان نرد عليه الرد اللي يفهمه.

وجزاك الله خير مره ثانيه على اللباقه والاسلوب الرائع :nice:

[البروفسيور]

حبيب قلبي ممكن تعطيني اسم من اللي جنستهم السعودية "عشان الكورة"؟

و بخصوص خلفان شيء ممتاز لكن ما عرفت شي واحد وهو تصريح له للاسف اني ما ادري وينه يقول فيه انه مستغرب انه ترشح من بين العشره المرشحين للجائزة

على العموم مثل ما ذكر الاخ hostdubai هذا سياسة الدولة و حنا نحترمها لكن اتمنى كل واحد يكون كلامه موزون قبل لا يطلع

[sh@Gy]

اهو صرح بهل تصريح لانه شاف انه صغير بالعمر

وخلفان احسن لاعب واعد في السنه الي طافت

واكبر مرشح لاحسن لاعب في قطر هذي السنه

واخذ من شهر افضل لاعب واعد على المستوى العربي

وان شاء الله لي عوده الضهر مع اسامي المجنسين السعوديه لكره القدم

[AbuAnas]

مالي في الكورة و بطولاتها و مشاكلها ..

لكن اذكر في التسعينات الميلادية في بطولة الجامعات الخليجية التي اقيمت في (قطر) ، شاركت قطر بلاعبين المنتخبات الأولى أمام لاعبين (طلاّب) للجامعات الأخرى مع العلم أنهم لم يكونوا طلابا في الجامعات القطرية ..

فالمسألة عااااادي و مو جديدة

[البروفسيور]

خبيث؟ جزاك الله خير من طيب اصلك وعلى فكره قطر بالسياسه وبكل شي رافعه الراس وسواء دخلناها ولا مادخلناها هي موجوده وامام الكل..

ثانيا الموضوع موضوع رياضي، لكن انت وبعض الاخوان اللي بديتو بالتكلم عن قطر والخروج عن الموضوع، اذا احترمتو نفسكم احنا نحترم نفسنا، وتذكر ان كلنا اخوان، لكن اللي مايحترم نفسه بنضطر ان نرد عليه الرد اللي يفهمه.

وجزاك الله خير مره ثانيه على اللباقه والاسلوب الرائع :nice:

العفو عزيزي تعال كل يوم

لكن لما تقول الجزيرة و السعودية اعتقد انك عارف بشكل جيد الاكاذيب اللي تطلعها هالقناة عشان تسبب فتن و مشاكل لا حصر لها في السعودية

و شف عزيزي سالفة انتم بديتم هذي اول ايام الابتدائي و الروضة

لكن الخروج عن الموضوع من رياضة إلى سياسة فهنا مشكلة كبيره

عين الرضا عن كل عيب كليلة . . . وعين السخط تبدي المساويا

اهو صرح بهل تصريح لانه شاف انه صغير بالعمر

وخلفان احسن لاعب واعد في السنه الي طافت

واكبر مرشح لاحسن لاعب في قطر هذي السنه

واخذ من شهر افضل لاعب واعد على المستوى العربي

وان شاء الله لي عوده الضهر مع اسامي المجنسين السعوديه لكره القدم

اهاا زين شي طيب و الله انك عرفت وش مقصده :nice:

و بخصوص اسامي المجنسين خذ راحتك و الله لا يهينك دور زين و اذا لا قدر الله الموضوع اغلق لو سمحت ارسلها على ايميلي في الاسفل

[Vionec]

البروفسيور

يوم خلفان قال هل كلام قاله من تواضعه

والي اتحدى لو اي لاعب ثاني خذها راح يقول هل كلام

كل شي يصير لقطر قلتو بن همام

شكله بن همام سوا الاسياد في الدوحه بعد

وشكله بن همام رشا كل المنتخبات الثانيه عشان يخلونا نفوز

وشكله بن همام عطا باقي المنتخبات فلوس عشان يلعبون معانا شوي ها؟

يعني بتقولي سامي سنتر يستاهل الجائزه ؟؟

يستاهل جائزه اكثر لاعب سنتر في كاس العالم ما شاء الله عليه


يعني تقولي ان الي يجنس بالمستور احسن ها ؟؟؟

لا هل اساليب مانتبعها احنا ..

وكل منتخب قطر ماعدا عبدالله كوني محمد صقر وسبستيان

مش من مواليد قطر

ووسام وحسين ياسر مواليد قطر وابهاتهم مواليد قطر

^_^

عاش سبستيااااان قاهرهم

خلنا نختصرها اخوي وانقول ان مافي منتخب بالعالم مايجنس.. بس الفرق بطريقة التجنيس.. في دول ماعندها مشكله تسويها بالعلن وامام الناس.. وماتخاف من كلام الناس لانه بالقوانين تمشي، وفي دول ثانيه كثيره اتجنس بالمستور مثل ماذكرو الاخوان

هذا شي، الشي الثاني ان مثل ماقال اخوي شاقي ان كل لاعبين منتخب قطر لولا الثلاثه اللي ذكرهم هم مواليد قطر وعايشين ومتربين بقطر ومنهم سيد البشير اللي ذكرتوه.

وعلى طارق التجنيس، سمعتو عن سالمون كالو اللي كانت بتجنسه هولندا قبل فتره بسيطه بس صارت مشاكل مع وزيرة الجنسيه؟ حتى فان باستن مدرب منتخب هولندا كان مختار للمنتخب.. الحين وقفت على قطر يعني


وعلى طاري خلفان.. ماشاءالله عليه لاعب كبير وطبعا الشلهوب لاعب كبير وبدر المطوع لاعب كبير لكن مو شرط ان اذا الشلهوب ما اخذها فخلاص المطوع وخلفان مايعرفون يلعبون وانها تمت بالغش من بن همام ووووووووو..الخ

في شي اسمه لعب بالملعب.. في شي اسمه مستوى.. انسو التاريخ وانسو الاسم.. كاهو رونالدينيو طايح مستواه ليش ماقالو لا مايصير المفروض يظل هو دايما احسن لاعب؟ خلو عندكم حياديه شوي ياجماعة الخير المفروض الحين اتقولون مبروك لكل العرب ان لاعب عربي خذا الجائزه وان الاثنين اللي بعده بعد عرب.. مو اتقولون والله ليش القطري خذاها..

هالمره القطري خذاها بكره السعودي.. وبعد بكره الكويتي.. وكلهم عرب.. ولا اشرايكم؟

[Stylaty]

sh@Gy .. بذمتك أنت مقتنع أن خلفان إبراهيم يستاهلها ؟

إذا كان اللاعب نفسه يقول انه مايستحق الجائزه ..

بالنسبه لإبن همام معروف عنه مايمشيـه إلا الـ$$ .. ولا وش خـلى المنتشـري ياخذهـا إلا الـ$$

لاتحاول تكذب على نفسك وتقـول إنه يستاهل الجائـزه

وتكفيك الحووسه اللي صارت بتسليم الجوائـز .. بدر المطوع اخذ جائزة الشلهوب والشلهوب اخذ جائزة بدر المطوع

ومن كم يوم طلع إبن همام وأعلنها صريحه للملأ وقال .. انه عطاه الجائزه لأنه ولد أخته > بجيـح ابن همام متعودين عليـه


كون أننا نسب أبن همام ترى مايعنـى اننا نسب قطر كلـهـا ..

وياعالـم الموضوع تراه وسعة صـدر

[Vionec]

العفو عزيزي تعال كل يوم

لكن لما تقول الجزيرة و السعودية اعتقد انك عارف بشكل جيد الاكاذيب اللي تطلعها هالقناة عشان تسبب فتن و مشاكل لا حصر لها في السعودية

و شف عزيزي سالفة انتم بديتم هذي اول ايام الابتدائي و الروضة

لكن الخروج عن الموضوع من رياضة إلى سياسة فهنا مشكلة كبيره

عين الرضا عن كل عيب كليلة . . . وعين السخط تبدي المساويا

ولا يهمك حبيبي جايك كل يوم ان شاءالله، والله الجزيره ماتطلع اكاذيب لكن المشكله ان الطرف الثاني مايتقبل الحقيقه.. وهذا الفرق

وعلى فكره القناة ماتستهدف جهه معينه فقط.. روح شوف ردود الفعل نحو الجزيره بباقي دول العالم بتلقى انها ممنوعه بكثير من دول العالم.. لان للاسف الناس اتعودت تقول اللي تبيه واتسوي اللي تبيه بدون ماتسمع للطرف الثاني وبدون محد يتكلم عنها.. وهذا الفرق

اللي وصل الجزيره فوق مو اكاذيب.. بل الحقيقه

وعلى موضوع ايام الابتدائي واحنا بدينا وانتو بديتو فبصراحه شوف جرايدكم وانتو شتقولون وبعدين تعال شوف من اللي عقله اكبر ومن اللي عقله اصغر..

السعوديه دوله نحترمها وشعبها اصيل لكن لو تشيلون شوي قطر من راسكم وماتحطونها بكل شي كان الدنيا بخير

وصح لسانك :nice:

[Fox Mind]

الكأس عماني ... وبدون لاعبين من خارج

وشعاره سيفين وخنجر عمانيه

[Vionec]

sh@Gy .. بذمتك أنت مقتنع أن خلفان إبراهيم يستاهلها ؟

إذا كان اللاعب نفسه يقول انه مايستحق الجائزه ..

بالنسبه لإبن همام معروف عنه مايمشيـه إلا الـ$$ .. ولا وش خـلى المنتشـري ياخذهـا إلا الـ$$

لاتحاول تكذب على نفسك وتقـول إنه يستاهل الجائـزه

وتكفيك الحووسه اللي صارت بتسليم الجوائـز .. بدر المطوع اخذ جائزة الشلهوب والشلهوب اخذ جائزة بدر المطوع

ومن كم يوم طلع إبن همام وأعلنها صريحه للملأ وقال .. انه عطاه الجائزه لأنه ولد أخته > بجيـح ابن همام متعودين عليـه


كون أننا نسب أبن همام ترى مايعنـى اننا نسب قطر كلـهـا ..

وياعالـم الموضوع تراه وسعة صـدر

ويظل الاعب اللي خذاها عربي سواء خلفان او الشلهوب او بدر.. ويظل المستوى بالملعب هو الجائزه مو الجائزه اللي تنعطاله عالمسرح وامام الكاميرات

ولا اشرايك ياخوي؟

[Stylaty]

خلنا نختصرها اخوي وانقول ان مافي منتخب بالعالم مايجنس.. بس الفرق بطريقة التجنيس.. في دول ماعندها مشكله تسويها بالعلن وامام الناس.. وماتخاف من كلام الناس لانه بالقوانين تمشي، وفي دول ثانيه كثيره اتجنس بالمستور مثل ماذكرو الاخوان

هذا شي، الشي الثاني ان مثل ماقال اخوي شاقي ان كل لاعبين منتخب قطر لولا الثلاثه اللي ذكرهم هم مواليد قطر وعايشين ومتربين بقطر ومنهم سيد البشير اللي ذكرتوه.

وعلى طارق التجنيس، سمعتو عن سالمون كالو اللي كانت بتجنسه هولندا قبل فتره بسيطه بس صارت مشاكل مع وزيرة الجنسيه؟ حتى فان باستن مدرب منتخب هولندا كان مختار للمنتخب.. الحين وقفت على قطر يعني


وعلى طاري خلفان.. ماشاءالله عليه لاعب كبير وطبعا الشلهوب لاعب كبير وبدر المطوع لاعب كبير لكن مو شرط ان اذا الشلهوب ما اخذها فخلاص المطوع وخلفان مايعرفون يلعبون وانها تمت بالغش من بن همام ووووووووو..الخ

في شي اسمه لعب بالملعب.. في شي اسمه مستوى.. انسو التاريخ وانسو الاسم.. كاهو رونالدينيو طايح مستواه ليش ماقالو لا مايصير المفروض يظل هو دايما احسن لاعب؟ خلو عندكم حياديه شوي ياجماعة الخير المفروض الحين اتقولون مبروك لكل العرب ان لاعب عربي خذا الجائزه وان الاثنين اللي بعده بعد عرب.. مو اتقولون والله ليش القطري خذاها..

هالمره القطري خذاها بكره السعودي.. وبعد بكره الكويتي.. وكلهم عرب.. ولا اشرايكم؟

بالنسبه للتجنيس هذا فرنسا جنست وهولندا وإيطاليا .. وهذولا هم جابوا كاس العـالم

ومالظاهر فيه دوله خليجيه منتخبها مافيه لاعب مجنس .. عندنا وعندكم خير

أما لخلفان .. حتى اللاعب نفسه ياخي ماصدق عمره يوم اخذ الجائزه

وابن همام أعلنها بنفسه وقال سلمته الجائزه لانه ولد اخته

ياخي وش تبون أكثر من كذا ؟؟؟؟

يعني لو على الأقل أخذها بدر المطوع كان أهون ..

أما ياخذها خلفان !!! والله وماقالت

[Stylaty]

ويظل الاعب اللي خذاها عربي سواء خلفان او الشلهوب او بدر.. ويظل المستوى بالملعب هو الجائزه مو الجائزه اللي تنعطاله عالمسرح وامام الكاميرات

ولا اشرايك ياخوي؟

عارفين ان المستوى بالملعب .. بس خلفان قدم شي بالملعب أصلا ؟؟

والله مايجي ولا ربع اللي قدمه الشلهوب او المطوع ..


الشلهوب مافرقت معه الجائزه ... ناظر مستواه ماتغير وهذاه يبدع مع المنتخب ومع فريقه

والجائزه هي اللي خسرت الشلهوب ... مب الشلهوب اللي خسرها


وابن همام معروف عنه هالحركات الهدره . وتاريخه يشهد بدلاااخته

[البروفسيور]

ههههههههههه اشيد باسلوب ردك اول شيء يا vionce

كلامك مضبوط بخصوص الجزيرة لكن لما تعرض نصف الحقيقة بالللي يدور حقيقة في السعودية هذا يعتبر كذب

اطرح لك قضية سوت مشكلة في المحكمة و خلت الناس كلها تظن ظن سوء بالسعودية

قبل فتره قناة الجزيرة طرحت قضية ان الامير سلمان "استولى" على اموال رجل اعمال سعودي "الراجحي"

لو جينا للحقيقة فالامير سلمان "استرد" امول"وقف/خيرية" كان ماخذها رجل الاعمال السعودي "الراجحي" إلى "عائلة الراجحي"

فهل هذي حقيقة برأيك؟

اما عن جرايدنا دائماً اقرا ما يكتب لكن نادراً ما اجد موضوع يتكلم عن قطر و للمعلومية تراني اقرا جريدة الرياض و مقال مشعل السديري و بعض الكذب في جريدة الشرق الاوسط للتسلية

و انا ايضا اكن كل الاحترام و التقدير لشعب قطر و لي اصدقاء هنا رادين على الموضوع بعد من قطر

لكن اختلافي فقط مع سياسة قطر اما شعبها فلهم كل الاحترام و التفدير

[Stylaty]

احسب سامي الجابر حارق دم بس الاتحاد والنصر والاهلي والفرق الثانيه

اثره حتى الخليج خخخخخخ

كبير ياساميو


بالنسبه لكلامك تقول اخذنا المركز الثاني بكاس الناشئين

يكون بعلمك السعوديه اخذت كاس العالم بالناشئين

وكاس العالم بالمعاقين

اما اهداف تسلل اقدر اجيبلك مليون هدف تسلل لكن وش الفايده منه :looking:

عادي ياخوي اعداء النجاح كثاار..

وكل ناجح محارب :nice:

ياعيني عليك بس يابوعبدالله .. كل ماقالوا عنه شي بالاعلام مايتنزل يرد عليهم بالكلام

دايم تلقى رده بالميداااااان

ويلووموووني فيك ياسـااامـي

[Vionec]

انا ماعترض على من اللي اخذها.. ويمكن بن همام قالها مزحه لان هذي ترى اتوديه بداهيه لو فعلا قاصدها.. لان يعتبر ان في تلاعب واعتراف واضح بالتلاعب والغش

وصدقني اخوي.. ومثل ماقلت.. مو المهم من اللي خذاها.. والجماهير تعرف من احسن لاعب صح؟ خلاص اذن.. مو المهم من اللي خذا.. بذمتكم رونالدو كان يستاهلها عام 2002؟ طول الموسم مصاب وماتألق الا بكأس العالم وعطوه الجائزه..

مو قصدي ان خلفان مايستاهل.. بالعكس خلفان لاعب كبير.. لكن قصدي ان ماتستاهل ان تصير مشكله على ان من اللي خذا الجائزه..

لما المنتشري خذاها كان المفروض الاعب الكوري ياخذها.. بس ماخذاها لانه ماقدر يترك ناديه ويسافر للحفل.. وبالتالي انسحبت منه الجائزه وخذاها المنتشري.. الحين شوف المستوى بين الاعبين.. وشوف كل واحد بأي نادي يلعب..

المسأله مسألة مستوى والجماهير هي اللي تحكم.. والامور الثانيه امور وتكريمات رسميه