المدرب الفرنسي وتاجر النبيذ جان تيغانا

[عربي 2]

اجل الوطن ها
يوم مكتوب رسول الله عادي

ثاني شي المفروض كل الرعايه الشباب تطرد من السعوديه لانه يوم كاس ولي العهد الله يشفيه ويحفظه
اللافته الكبيره اللي بدايه المبارته ورين راحت للزبايل اللي عند الملعب وفيه صوره لها

والظلم مايجوز على الكافر الله **** شيطان أبليس سطان اجل 12 ساعه بس و القرار صادر المفروض يدخل الموسوعة

وأكيد ما راح الهلال ياخذ الدوري لان فيه خطط علمية مدروسه :funny:

وبعدين الوطن مو سطان بن فهد ولا هو كوره
المنتخب حق سلطان جعله يفوز عليه الإمارات بعشرين صفر ولا له دخل في الوطن

وبعدين أستحوا على وجهكم ويا رئيس الرابطه اللي يوم كان هلال ينصح الجمهور بالصلاة يوم صار نصراوي صار العباده عنده مستخره يوم يقول أبو استخاره و الكديش وراه يرددون
عيب والله عيب تراها كوره مالها داعي تتحولون العباده عشانها لعب و استهزاء :deal:

الله يحفظ حامي الوطن سلطان بن فهد من الشوائب والدخلاء على الوطن من باب الرياضه

[عربي 2]

والله انا متعصب نصراوي

لكن لو دخلنا في الجد الهلال في الواقع الحالي افضل بكثير من كل النواحي >>> حتى بمنتداهم لو كننا نتكلم عن تخصص

لكن مشكلتنا في الفترة الاخيره مع نادي بنو هلال هو الاعلام المنحاز للهلال بقوه واللي هو سبب التعصب بين جماهير الاندية ضد الهلال

لعنبو جدكم جريدة حكومية مثل جريدة الرياض تحت سيطرة نادي الهلال ومافي احد يقدر يرد

على العموم لاننسا اننا اخوان
وتلاقي في كل بيت هلالي ونصراوي اخوان وحبايب
اهم شي مانخلي الكوره تفرق بينا ونصير عنصريين

ولازم نتحلى بالاخلاق السعودية

بس والله اكتشفت ان جمهور النصر يصير بعد فترة من اكثر شعوب العالم صبرا ووفاء حتى في خارج التشجيع

ممكن تلاحضون هذا في الواقع


>>> جمهور الهلال تلاحظ اغلبهم اطفال او بنات او شباب مايعين بينما جمهور النصر ناس معاصرين واصحاب مبادء >> طلع التعصب . وغير كذا جمهور النصر تلاقيهم في كل مكان في العالم

خارج نطاق العريجاء ولو تحبون تتأكدون اسئلو اي شخص من قطر والبحرين والامارات واليمن وقوله ايش تشجع من اندية السعودية

على العموم نادي الهلال ماراح يشم ريحة الدوري ان شاء الله

وكلنا اتحاد

الجمهور الهلالي باع شرف الوطن على شان واحد من الروم


قبح الله الرومان والجرمان وترفيان


باي

ههههههههههههه اضحك الله سنك ياحسام :funny:
اقترح تغيير توقيعك إلى
أكره الفوضى والغباء والجهل والتخلف والعادات والتقاليد والبدع والهلال،أعشق العلم والنظام والهدوء والأخلاق والحضارة و النصر

بعد طرد المخلوع كوزمين دخلت على منتدى هلالهم وشاهدت احد الاعضاء كاتب في توقيعه ( كلنـا إيران ) وحاط صوره علم ايران وصورة علي دائي :funny:

[غلا السعودية]

بصراحة السعودية كلها هلالييين بس الي ما يحب السعودية يشجع النصر ( زي سواريه عندنا بالصناعيه يشجعون النصر ) ولا المشجع النصراوي الي شجع الفريق الايراني بشوف عيني بصراحة عن عائلتي وجماعتي فيه ثلاث نصراوين من كل خمسة هلاليين ( طبعا الثلاثه يعيشون بمفردهم شاذين طبعا يعيشون كتب التاريخ وحكايات ماجد عبدالله ومحيسن الجمعان ويووه يا ماجد لو انك موجود < ما لحقو عليه بس سمعو فيه بالتلفزيون واولهم اخوي مره اتحادي ومره نصراوي عمره 17 سنه سالته عمرك شفت النصر شايل كاس استحى اليوم الثاني رجع هلالي ) للحين يوم المدرب راعي نبيذ ولا ان شاء الله سربوت اهم شئ يحط تكتيك هجومي ناكل النصر بخمسه سته ملينا من ثلاثه واحد اثنين صفر نبي صدمات انا عن نفسي متفائل جدا بالدوري وكاس ابطال اسيا رغم الظروف لكن الهلال دائم يأتي من ظروف قاسيه ويخطف كل شئ وانتم ياالنصر احسبو كؤوس ملاعب الحاره الي جنب النادي وفيه كؤوس بمحل رياضه قدام النادي كوؤس ابو عشره ريال جملو فيه صالة الكؤوس ببطولة المخدرات والانتقال من الدوري الدرجة الاولى إلى الممتاز ولا تنسون احسبو بطولات السله والطائره والسباحه واذا فيه رياضات اخرى تمثيل مخرج بلوتوث ضيفوها وكل يوم انتجو بيان عليها

[النجدي]

كل ماخسر الهلال بطوله قالو عنها ( بطوله عاديه - بطوله تمهيديه - بطوله تنشيطيه ) غريب امركم يالهلاليين ! وودي اعرف من اخترع مصطلح ( تنشيطيه ) ولماذا لم تظهر كلمة ( بطوله تنشيطيه ) عندما حقق الهلال هذه البطوله 7 مرات . وظهرت بشكل ملفت عندما حققها النصر على حساب المخلوع كوزمين

حتى بعد تعادل الهلال في كأس ابطال اسيا مرتين قبل يومين طلعت اشاعه ان الهلال لايهتم بهذه البطوله وانها مجرد بطوله تمهيديه :funny:

مع العلم بأن النصر حصل على هذه البطوله وتأهل لكأس العالم للأنديه ( ولذالك لقب "بالعالمي" ) اما هلالكم ( مازال يبحث عن لقب خارج الدوري السعودي منذ تدشينه )

وصحيح خلنا نغير جو . تصدق اكتب واعرب هاك في نفس الوقت

بالعكس من قال ان الهلال مايهتم في بطولة آسيا ؟ حتى رئيس الهلال او ما استلم المنصب قال ان اهم بطولة هي الآسيوية ! ولكن خلال الفترة الماضية ماحالفنا الحظ معها والحمدلله على كل حال .

اما بخصوص ان النصرحصل على البطولة الآسيوية والهلال لا فمع احترامي لك ولكن واضح ان معلوماتك الرياضية قليلة

اولاً آسيا فيها بطولتين .. بطولة آسيا ابطال الدوري وهي اسمها الحين -دوري الأبطال الآسيوي- وكأس الاتحاد الآسيوي .. سابقاً كان الفريق الفائز في بطولة آسيا ابطال الدوري والفريق الفائز بكأس الاتحاد الآسيوي يتأهلون ويلعبون مباراة نهائية على كأس السوبر الآسيوي , النصر يا طويل العمر فاز بكأس الإتحاد الآسيوي وتأهل للسوبر الآسيوي ولعب مع فريق ياباني او كوري والله ما اذكر وفاز عليهم في ارضهم 1-0 ولمى جوا يلعبون هنا في الرياض تعادل معهم النصر 0-0 وبناءً عليه فاز النصر بكأس السوبر .. فهذا يعني ان النصر ماعنده الا بطولتين آسيوية هي كأس الإتحاد الآسيوي وكأس السوبر وهالكلام عام 98 .

وللمعلومية النصر تأهل في كأس العالم عن آسيا مع انه بطل 98 وكل الأندية المتأهله لكأس العالم كانت لعام 99 .. ولكن النصر تأهل بالترشيح مو عن أحقية ! وعن طريق ابو ملف اصفر والا كان مفروض يترشح لها فريق ياباني لأنه هو بطل آسيا لعام 99 .

ثانياً الهلال حقق 6 بطولات آسيوية ! .. حقق كأس الاتحاد الآسيوي مرتين وبطولة آسيا مرتين وكأس السوبر مرتين .. وبكذا تزعم قارة آسيا واصبحها زعيمها وسيدها المطلق

والهلال تأهل لكأس العالم للاندية عام 2001 م ولكن تم إلغاء البطولة بسبب إفلاس الشركة الراعية وتم تعويض الأندية المشاركة وهذي صورة بعد القرعة وتوزيع الفرق :





وللمعلومية قبل فترة أعلن الفيفا أن أول نسخة لبطولة كأس العالم وهي اللي شارك فيها النصر كانت تجريبية خخخخخ يعني النصر صار عالمي تجريبي


معليش طولت في هالرد ولكن لازم توضح الحقائق :app:عشان مايتزور التاريخ بعد فترة مثل ما تحاول تسوي الآن إدارة النصر وملفها الأصفر خخخخ .


في امان الله ,

[النجدي]

ولازم نتحلى بالاخلاق السعودية

بس والله اكتشفت ان جمهور النصر يصير بعد فترة من اكثر شعوب العالم صبرا ووفاء حتى في خارج التشجيع

ممكن تلاحضون هذا في الواقع


>>> جمهور الهلال تلاحظ اغلبهم اطفال او بنات او شباب مايعين بينما جمهور النصر ناس معاصرين واصحاب مبادء >> طلع التعصب . وغير كذا جمهور النصر تلاقيهم في كل مكان في العالم

خارج نطاق العريجاء ولو تحبون تتأكدون اسئلو اي شخص من قطر والبحرين والامارات واليمن وقوله ايش تشجع من اندية السعودية

على العموم نادي الهلال ماراح يشم ريحة الدوري ان شاء الله

وكلنا اتحاد

الجمهور الهلالي باع شرف الوطن على شان واحد من الروم


قبح الله الرومان والجرمان وترفيان

اهلين اخوي ..

اولاً وقبل كل شي , ترى مافيه شي اسمه أخلاق سعودية ! خخخخ اول مرة ادري ان الاخلاق لها جنسية ! ولكن الله يهدي سلطان بن فهد قالها في مداخلة عطني وشوي يطلع لنا خطاب من ناديكم يحمل نفس الكلمة ! مفروض تقول أخلاق إسلامية .. لأن ما اخبر ان فيه اخلاق سعودية واخلاق مصرية واخلاق امريكية


ثانياً انت تقول ان جمهور النصر من اكثر شعوب العالم صبر , وهذا انا معك فيه كونهم يشجعون نادي فقير انجازات وبطولات اللهم لا شماتة .


ثالثاً تقول ان اغلب جمهور الهلال اطفال نقول عصافير الجنة تقول بنات نقول النصف الثاني للمجتمع ولكن تقول مايعين ! هذي ما تنهضم وانا اخوك ! خاصة انك تقول لازم نتحلى بالأخلاق السعودية اتمنى انك توزن كلامك قبل ما تقوله وانا اخوك ولا تخلي الاخلاق تخرب عشان كورة خخخخخخخ , على فكرة الجمهور الهلالي حسب احصائية زوغبي اللي طالبتوا فيها وبعدين اتكرتوها فـ جماهير الهلال تشكل 42% من الشعب السعودي هذا والاحصائية ما شملت اللي اقل من 15 سنة , وبحكم انك تقول اغلب الاطفال هلاليين فـ هذا يعني ان جمهور الهلال بالراحة ممكن يوصل لـ 70% من الشعب , اما خارجياً فما فيه احصائيات تثبت اي شيء , وخل سواليف اسألوا وسألنا .


رابعاً بخصوص الدوري فهذا في علم الغيب ولا ابي ارجم في الغيب ولكن اقول ان شاءالله الوعد نهاية الموسم والله يوفق الهلال .


خامساً واخيراً تقول الهلال باع شرف الوطن ! الهلال اكثر فريق خدم الوطن .. يكفيك ان 7 لاعبين هلاليين في المنتخب الاول ومثلهم اولمبيين في المنتخب الاولمبي , ولا راح اطول في هالسالفة لأني اعرف انكم تستخدمون الوطنية حسب ما يخدم مصالحكم والا كيف ناديكم يصدر بيان يؤيد فيه ابن همام ايام مشكلته مع الهلال ! مو من الوطنية انكم توقفون مع فريق من وطنكم ؟ .


ولك مني التحية ..

[حسام الكثيري]

انا عن نفسي متفائل جدا بالدوري وكاس ابطال اسيا رغم الظروف لكن الهلال دائم يأتي من ظروف قاسيه ويخطف كل شئ وانتم ياالنصر احسبو كؤوس ملاعب الحاره الي جنب النادي وفيه كؤوس بمحل رياضه قدام النادي كوؤس ابو عشره ريال جملو فيه صالة الكؤوس ببطولة المخدرات والانتقال من الدوري الدرجة الاولى إلى الممتاز ولا تنسون احسبو بطولات السله والطائره والسباحه واذا فيه رياضات اخرى تمثيل مخرج بلوتوث ضيفوها وكل يوم انتجو بيان عليها

انا عن نفسي احسك غريب انت واسمك المشكله انك هلالي بعد

كيف العريجاء معاكم

على فكره ترى النصر عالمي

والهلال عريجي

وفشلتونا في اسيا

الهلال دايما الاعلام يصنعهم

خذو على سبيل المثال سامي الجابر (عميد مسنتري العالم)

شي من لاشي واللحين اتابع له مباراة المنتخب مع المغرب في كاس العالم 94 قسم بالله لعب عريجي وشوتات ماتدل على انه محترف

العالمي عالمي والعريجي عريجي

[عربي 2]

انا عن نفسي احسك غريب انت واسمك المشكله انك هلالي بعد

كيف العريجاء معاكم

على فكره ترى النصر عالمي

والهلال عريجي

وفشلتونا في اسيا

الهلال دايما الاعلام يصنعهم

خذو على سبيل المثال سامي الجابر (عميد مسنتري العالم)

شي من لاشي واللحين اتابع له مباراة المنتخب مع المغرب في كاس العالم 94 قسم بالله لعب عريجي وشوتات ماتدل على انه محترف

العالمي عالمي والعريجي عريجي

اضف على كلامك
يوم سأله بتال القوس ( ليه تسنتر 8 مرات في كأس العالم ) قاله السنتره في كأس العالم لها طعم مسوي رد قوي مادرى ان العالم فقعت ضحك عليه :funny:
والي يقول 7 لاعبين في المنتخب من الهلال
عطني الانجازات الي حققها المنتخب مع هالاعبين السبعه ؟

ماجابو لنا غير الفشيله والسنترات

الله يخلي ايام ماجد عبدالله ايام الانجازات الحقيقيه ( كانو 8 لاعبين من النصر في المنتخب ) وكانت كل بطوله يدخل فيها المنتخب يا ياخذها يايكون الوصيف

اضافه الى ان اللون الاصفر والازرق ينتج منه اللون : الاخضر

وعلى قوله خوينا المصري " الهلال منعرفهوش الا في رمضان "

لي عوده للتعقيب على ردود النجدي

[النجدي]

اولاً أتمنى ان الموضوع يبقى داخل نطاق المجال الرياضي , يعني ما يكون فيه احقاد شخصية لأننا نبقى اخوان قبل كل شي , فأتمنى ما ينفهم كلامي خطأ

انا عن نفسي احسك غريب انت واسمك المشكله انك هلالي بعد

كيف العريجاء معاكم

على فكره ترى النصر عالمي

والهلال عريجي

وفشلتونا في اسيا

الهلال دايما الاعلام يصنعهم

خذو على سبيل المثال سامي الجابر (عميد مسنتري العالم)

شي من لاشي واللحين اتابع له مباراة المنتخب مع المغرب في كاس العالم 94 قسم بالله لعب عريجي وشوتات ماتدل على انه محترف

العالمي عالمي والعريجي عريجي

ردك مع احترامي الشديد لك يدل على افلاسك , عندك شي فعلي تضيفه ! او رجاءً بدون إساءات شخصية أياً كان المقصود فيها ! .

سامي الجابر هو سعادة سفير الإنسانية واسطورة الكرة السعودية والآسيوية رضي من رضي وغضب من غضب وسامي رمز وأيقونة وطنية في عالم كرة القدم مفروض اي شخص عنده وطنية يفتخر فيه , هذي إنجازات الأسطورة واتركوا عنكم الكلام الإنشائي اللي ما يقدم ولا ؤخر :


أولاَ أنجازاته الشخصيه :

هداف الدوري موســــــم 1990
الحذاء الذهبي للاعبين العرب 1990
المركز الثاني للهدافين موســـم 1991
أفضل لاعب في البطولة العربية 1995
هداف البطولة العربيه 1995
أفضل لاعب في كأس الكوؤس الأسيوية 1997
أفضل لاعب في كأس السوبر الأسيوية 1997
أفضل لاعب في آسيا شهر يونيو 1997
هداف بطولة الخليج للأنديه 1998
المركز الثامن بين هدافي العالم 1998
أفضل لاعب في آسيا شهر فبراير 1998
أفضل لاعب في آسيا شهر ديسمبر 1999
المركز 32 في أفضل لاعبي العالم 2000
هداف البطوله العربيه 2001
جائزة من أفضل لاعبي العالم الذي قادوا منتخباتهم لكأس العالم 2002
أفضل لاعب عربي 2001 وغيرها من الألقاب والجوائز


الأنجازات مع المنتخب :

سجل 32 هدف دولي الركز الثاني كأس العرب 1992
التأهل لكأس العالم 1994
كأس الخليج 1994 كأس آسيــــــــا 1996
التأهل لكأس العالم 1998
المركز الثاني كأس آسيا 2000
كأس الخليج 2002 التأهل لكأس العالم 2006

الأنجــــــــــازات مع النادي :

سجـــل أكثر من 150 هدف مع النادي
بطولة الدوري تحت 17 1987
كأس الخليج تحت 17 1988
بطولة الدوري تحت 17 1989
بطولة الدوري تحت 19 1989
بطولة الدوري السعودي اعوام 1990 , 1996 , 1998
كأس الأمير فيصل عامي 1995 , 2000
كأس الأتحاد السعودي أعوام 1990 , 1993 , 1996, 1999
البطولة العربية لأبطال الدوري 1995 , 1996
كأس السوبر الأسيوي 1997
كأس الكؤوس الأسيوية 1997
كأس الخليج للأنديه 2001
البطوله العربيه للأنديه 2001
كأس الملك عبد العزيز 2000
كأس الـــــدوري 2003
كأس الأميـــــــــر فيصل 2004
كأس ولي العهد 2005
كاس الدوري2005
كأس الأميــــــــــر فيصل 2005


شيء أخير , عندي ملاحظة على تناقضك في الردود مرة تقول جمهور الهلال مايعين ومرة تقول الهلال عربجي ! وحسب معرفتي ما فيه اي وجه شبه بين الصفتين ! ولكن اعتقد ان هذا احد الدلائل على تناقضاتكم يالنصراوية اللي تعانون منها .

[النجدي]

اضف على كلامك
يوم سأله بتال القوس ( ليه تسنتر 8 مرات في كأس العالم ) قاله السنتره في كأس العالم لها طعم مسوي رد قوي مادرى ان العالم فقعت ضحك عليه :funny:
والي يقول 7 لاعبين في المنتخب من الهلال
عطني الانجازات الي حققها المنتخب مع هالاعبين السبعه ؟

ماجابو لنا غير الفشيله والسنترات

الله يخلي ايام ماجد عبدالله ايام الانجازات الحقيقيه ( كانو 8 لاعبين من النصر في المنتخب ) وكانت كل بطوله يدخل فيها المنتخب يا ياخذها يايكون الوصيف

اضافه الى ان اللون الاصفر والازرق ينتج منه اللون : الاخضر

وعلى قوله خوينا المصري " الهلال منعرفهوش الا في رمضان "

لي عوده للتعقيب على ردود النجدي

بخصوص سامي الجابر اتمنى تراجع ردي على الاخ حسام , اما بخصوص فشل المنتخب في تحقيق الإنجازات فهذا من بركات حبيبكم سلطان ونائبه اللي هو عضو شرف في ناديكم أسير الشوق

وياليت تذكر لي إنجازات ماجد مع المنتخب .

[راعي الأوله]

جمهور النادي الجار يعانون من عقد نقص مستعصيه

اتمنى اقفال اي باب للمناقشه معهم حتى يبلغوا مابلغ الزعيم او حتى يقتربوا من انجازاته

ولكل حاث حديث الله يعطينا وياكم طولة العمر

[حسام الكثيري]

شيء أخير , عندي ملاحظة على تناقضك في الردود مرة تقول جمهور الهلال مايعين ومرة تقول الهلال عربجي ! وحسب معرفتي ما فيه اي وجه شبه بين الصفتين ! ولكن اعتقد ان هذا احد الدلائل على تناقضاتكم يالنصراوية اللي تعانون منها .

النجدي حبيبي تراك نسيت ماتكتب من انجازات سامي

السنتره 8 مرات في مباراة واحدة

وفي توضيح بسيط

هو عبارة عن قاموس

مونديالي = يشارك في بطولة مونديالية ومعترف فيها دوليا وجماهيريا

عالمي = فريق يلعب في بطولة عالمية ورسمية ومع اكبر الفرق

عريجي = مأخوذه الكلمة من حي عريجاء وهو المكان الذي يتواجد فيه النادي اللي خبركم ولم يستطع ان يتعداه >> حدهم

تحياتي لك وترى الدعوه فضفضه

[النجدي]

والله فعلاً مثل ما قلت في ردي السابق الاخوان النصراويين عندهم افلاس في الردود والحجج المقنعة

فأنتم يا اخ حسام عندكم مواضيع معينة تحبون تلفون وتدورون تحولها !

اما بالنسبة للعالمية فـ ترى ما تنقاس بالمشاركة في كأس العالم ! هذا اولاً

ثانياً اذا اعتبرنا ان النصر عالمي لأنه شارك في كأس العالم فأنا اقول مثل ما قلت قبل إن النصر "عالمي تجريبي" بما ان البطولة اللي شارك فيها اعتبرتها الفيفا تجريبية .

ثالثاً للمعلومية ترى مقر نادي النصر في العريجاء ومايبعد كثير عن نادي الهلال ! اللي يشوف ردودك وانت ماسك سالفة العريجاء يقول شكل مقر نادي النصر في ماربيا

اخيراً .. سامي سنتر 8 مرات ! طيب ؟ وين المشكلة ؟ كأنه يعني كان يلعب لحاله خخخخخخخخ , وعلى فكرة ترى نجمكم الأول ابو احمد كان السباق للسنترة لانه مسنتر 6 مرات في مباراة المنتخب مع المانيا اولمبياد لوس انجلوس 1984 م , وبرضه لاعبكم مرزوق العتيبي مسنتر 8 مرات في مباراة المنتخب ضد البرازيل في كأس القارات 1999 م ! .


رجاءً جيبوا لنا شي جديد والله ودنا نغير , من زمان عن نقاشات الكورة فما ابي اعيد مواضيع قديمة تكلمت فيها اكثر من 100 مرة , بحكم انكم يالنصراويين ماعندكم الا كم موضوع تعيدون وتزيدون فيها .


في الختام اقول الاختلاف لا يُفسد للود قضية <-- من اشهر العبارات اللي كان يرددها عبدالرحمن بن سعود الله يرحمه .


ولكم مني التحية,,

[Secur1ty]

النجدي حبيبي تراك نسيت ماتكتب من انجازات سامي

السنتره 8 مرات في مباراة واحدة

وفي توضيح بسيط

هو عبارة عن قاموس

مونديالي = يشارك في بطولة مونديالية ومعترف فيها دوليا وجماهيريا

عالمي = فريق يلعب في بطولة عالمية ورسمية ومع اكبر الفرق

عريجي = مأخوذه الكلمة من حي عريجاء وهو المكان الذي يتواجد فيه النادي اللي خبركم ولم يستطع ان يتعداه >> حدهم

تحياتي لك وترى الدعوه فضفضه

حسافه تشلسي مو عالمي :eek3:

وبعدين سامي مشكلته كان في منتخب سلطان الفاشل
مو ذنبه إذا كان المدرب هو سطان بن فهد

[star top]

طيب هل هو مسلم !

طيب مدام انه مو مسلم
هل دينه يمنعه من انتاج الخمور !

وعندهم صنع الخمور شغله شريفه
مادري وش العقليه عند الجمهور النصراوي !



اشبهم باللي يدخل مرحله الشيخوخه
60 عاماً
اذا وصل الشخص لهذا العمر ماتقضب له جاده
يعني بالعربي كل شوي معطيك رائي

[Design4arabs.com]

UP