[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[Dragon2oo2]

العفو أخوي شاعر الظلام ..

وشوف هالموقع .. يبيع شغلات غريبه .. أنا ماتعاملت معاهم بصراحه .. بس احتمال اشتري منهم في القريب العاجل

Perpetual Kid - Unique Gifts to Entertain Your Inner Child

[M. Al-Dhafeeri]

لا تفكر اخوي اوكسجين اذا في شغلات تبي تشتريها ومو موجوده بدولتك وارخص من النت على طول توكل على الله

وتبي تجرب شي يديد الشراء من الانترنت يسهل وايد امور لدرجة اني قمت اشتري كاكاو وحلاو من برى :nice:


السلبيات اممم والله ماكو سلبيات وايده.. يمكن السلبيه الوحيده اللي اشوفها انه يمكن تنخدع بالمواقع اللي تشتري منها

مثلا لقيت موقع وتبي تشتري منه يمكن يطلع هالموقع عباره عن خدعه لسرقة الاموال!! << وهذا نادر جدا ولكن مو لكونه نادرا نغفل عنه!! لا طبعا..

فالاحسن انك تشتري من المواقع المعروفه.. والموقع اللي تلقاه وتبي تشتري منه ومو متأكد من صحته

تقدر تحط الرابط هني واحنا ان شاء الله نساعدك ونقولك اذا اوكي ولا لا



وبالتوفيق اخوي

[YASSEROVIC]

شاعر الظلام .. الف الف مبروك اللقب الجديد وتستاهل يابطل

[M. Al-Dhafeeri]

Dragon

سامحني يالغالي والله توني اشوف ردك :\

مشكور وايد على الموقع وجاري تصفحه وراد لك الخبر باذن الله
ولاتحرمنا من الجديد والغريب
++++++++++

عاشق يبارك فيك يا حبيبي والله تستاهل الطيب

[M. Al-Dhafeeri]

والله عجيب الموقع يا Dragon :|

شي خيالي والله :nice:

جاري الشراء والاكتشاف والله خوش موقع لاتطوفونه

[Dragon2oo2]

وشوف التطور بهالموقع

Our Products - usbcell.com

[M. Al-Dhafeeri]

واااااااااااااو :|


شي مو طبيعي والله :| صج صج خطير.. بطارية تلفون و USB معض بعض :| شي والله رهيب

بس انطر ان شاء الله يومين وشاريهم

تسلم والله مواقع خطيره عندك لا تبخل علينا :nice:

[M. Al-Dhafeeri]

في Section بأمازون سواء كان UK او US

مختص بالتنزيلات والعروض..

بأمازون UK
اسم ال Section
Deals of the Week

وبأمازون US
اسم ال Section
Today's Deals
ومن خلاله في Friday's Sale وهوا فقط للتنزيلات اللي تصير بيوم الجمعه واغلبها تنزيلات قويه ورائعه لسلع مرغوبه..


فأغتنموا الفرصه :nice:

[M. Al-Dhafeeri]

موقع يديد نفس طقة Ebay

بس موقعه بأستراليا << لازم نغير كله نشتري من امريكا وبريطانيا

OZtion Auctions - Online auction site, buy & sell ipods, SatNav, GPS, laptops, mobiles and more at bargain prices.


ان شاء الله يعجبكم فيه شغلات والله حلوه

بالتوفيق

[M. Al-Dhafeeri]

مو تنسون باجر اليمعه.. وفي تنزيلات كل يمعه بأمازون US

Amazon.com: Online Shopping for Electronics, Apparel, Computers, Books, DVDs & more


بالتوفيق

[3Rbi.Org]

يعطيك العافية يا زميلي الغالي =]..

شلونك يا غالي إن شاء الله بخير ..

حبيبي أنا ودي أفتح لي صندوق بأرامكس ، بس ما ادل وين بالضبط بالكويت ، وانا شفت خيار بموقعهم أنه نقدر نطلب من موقعهم الصندوق البريدي ويمكن يوصلون الاشتراك لحد البيت ههههههه اذا صارت ماله داعي اطلع من بيتنا بعد =] ..

يزاك الله ألف خير ، بصراحة تارك الفاينلات وقاعد اقرى الردود ، موضوع جبار ـ و تستاهل اللقب والله =] ..

عندي سؤال من بعد اذنك ، بالنسبة لموقع الmobilefun.co.uk موقع رائع ومسوين خصومات بشهر يناير .. علشان السنة الجديدة :nice:

المهم أنه هالموقع بالنسبة لأسعار التلفونات ، فهي بنفس اسعار الكويت تماما ، يعني مافي اي خصم . .

ولاحظت من كلامك انه الليرة البريطانية :app: Pound تعادل نصف قيمة الدينار تقريبا ،
يعني كل 2 باوند بريطاني يساوي دينار كويتي تقريبا ..


وسؤالي الأهم ، أنه لو طلبت باستخدام ارامكس ، وأبي الأغراض تضل بصندوقي بأمريكا أو بريطانيا يعني مابي اشحنها الكويت على طول ، في هالخيار ؟ ولا بروحهم يدزونه الكويت بدون ما اطلب منهم :shy:
ومتابع لموضوعك القيم :] ..

[M. Al-Dhafeeri]

هلا فيك خيوو

تسلم والله ماتقصر ويبارك بعمرك..

بالنسبه لمكان فتح الصندوق في بمجمع البستان اللي بصفة الفنار خل الفنار على ايدك اليمين وكمل شويه سيده بتشوفه وراه على طول..


او بالعارضيه الصناعيه

هذا رقمهم اذا تبي تعرف متى الدوام 820011

وبالنسبة لموقع mobilefun عجيب حده وانا كنت اطلب منهم شغلات حق تلفوني وحق ال Ipod

اسعارهم حلوه..

وبالنسبه لاسعار التلفونات طبعا حسب الخطه او الشركه اللي تختار منها

يعني ديربالك تأكد انه التلفون Sim Free او Unlocked

لانه الباجي تلقاهم مثلا T-mobile او O2 وغيرها << مثل عندنا الوطنيه وزين

بس اهما يقفلون التلفون بحيث انه مايشتغل الا على شبكتهم..


واذا طلبت من اي موقع بالعالم.. بس حطلهم عنوانك كامل مال اراميكس (وحسب الاقرب من الدوله اللي انت شاري منها مثلا اذا شريت من فرنسا حط عنوان اراميكس ببريطانيا.. الخ)

واهوا ال Package بس يوصل ال mailbox مالك راح يوصلك ايميل يقولك انه في شي دخل بال mailbox (ملاحظه كل اثنين وخميس يتم فحس ال mailbox مالك اذا كان في شي يدزونه الكويت طبعا كل اثنين وخميس في توصيل شحنات)

وبس يوصل الكويت يوصلك مسج بتلفونك انه وصلتلك شحنه وتروح تستلمها او تخليهم يوصلونها لك البيت طبعا كل الخيارين ببلاش فقط تدفع اللي اهيا الفلوس اللي تكلمت عنها حق الشحن فقط اللي تعتمد على الوزن..


وبالتوفيق اي سؤال انا حاضر

[3Rbi.Org]

الله يعطيك العافية ، ومشكور حيل ما قصرت =] ..


ممممم يعني أفهم من كلامك أنه الأغراض بتوصلني الكويت غصب ههههه ما راح تتم بصندوقي هناك "بأمريكا أو بريطانيا" .. الا استلمها على طول يعني لووووووووووول .. يتندز الكويت خير شر خخخخخ

بالنسبة لشراء تلفونات عبر الانترنت . . هل تنصح بهالشي؟ واذا عندك موقع معين ثقة واسعاره أرخص من الموقع السابق، لأني ما شفت أي فرق بينه وبين الكويت =] الا بالأكسوورات حيل ارخص ..

وودي أشتري كاميرا ديجتال تكون رخيصة وعملية ما تقل عن 5 ميجابكسل أو أكثر وبشاشة LCD .. تنصحني بنوع من الأنواع يكون رخيص وعملي وما يخترب بسرعة =] إذا كنت شريت من النت مثلا ..

ويزاك الله كل خير .. ما قصرت تستاهل وسام على صدرك .. وسام المبدع

[M. Al-Dhafeeri]

لا لا ما افتيلك واجذب عليك بالنسبه للشي اللي تبيه انه اغراضك تتم هناك مادري دق عليهم احسن وتأكد :|!! ماحب اطلع جذاب ومفتري :P

وبالنسبه للتلفونات والله ماكو موقع زين الى الان بالعكس اذا تبي تشتري تلفون من الانترنت Sim Free او Unlocked راح تشوفه غالي اكثر من الكويت

يعني اذا تبي تشتري تلفونات مو شي حلو وقوي يعني الواحد يجازف ويشتري والله شرق ارخص بوايد منهم..


وبالنسبه للكاميرات احسن وارخص كاميرا يوفون ويكفون احسن من الماركات.. وهذي المجموعه ان شاء الله تعجبك

وماعليك من شغل الماركات بالعكس الماركات اهيا اللي تدوخك مو كل واحد يصلحها..

الالكترونيات اذا حافظت عليها تحافظ عليك << قويه تحافظ علي!! لووووووول

هذي بعض الكاميرات اللي انصحك فيهم اسعارهم حلوه

Amazon.com: Kodak EasyShare V530 5MP Digital Camera with 3x Optical Zoom (Black): Camera & Photo

Amazon.com: Vivitar 5386 -5MP -3X Optical 4X Digital Zoom: Camera & Photo

Amazon.com: Kodak EasyShare C340 5MP Digital Camera with 3x Optical Zoom: Camera & Photo

Amazon.com: 5.1" Megapix CAM-4XZOOM- 2"TFT LCD-16MB Storage- Avi: Camera & Photo

Amazon.com: Sony Cybershot DSCP100 5.1MP Digital Camera with 3x Optical Zoom: Camera & Photo
وبالتوفيق (على فكره امازون الامريكي amazon.com احسن الصراحه source حق الالكترونيات )

[3Rbi.Org]

حشى حبيبي ، الكلام اللي تقوله كله عسل مثلك ما قصرت والله يا غالي ..

يعطيك العافية والله شغل قوي ومتعوب عليه :] تعبتك معاي الصراحة .. بس اذا خلصت امتحانات بتعبك وايد :P

استحملني مو زميييييلك انا

معلومات رائعة والله ....

وعلى فكرة وينك بموقع كويت ميتس ، بيسووون مسابقة جرافكسية لا تطوفها =] أدري انك مبدع ;p لازم تحتل الصدارة =)

ودي أقعد اشوف المواقع ، بس بشوفهم عقب الامتحانات حدي متوهق .. الله يستر ..

<<- أحد قالك تصير كمبيوتر انجنير ..

يعطيك العافية حبوووب :]

سلملم =]