-
مافي شي اسمه لعب لابد الواحد يتأثر بالي يجري حوله ، ولاكن فترة التأثير تختلف من شخص للأخر ويمكن يتعلق قلبك بشخص بس من الكتابه وانا ادري الواحد منا يدخل الشات حتى يخوز الهم هنه وكذالك يسوالف عن بعض الاشياء الي تهمه وهذا رايي يمكن اكون فيه غلطان والسموحه .
-
كلامكم صحيح ما قلت شي ،
بس الشات لوين راح يوصلهم
-
لو فرضنا ان جريمه وقعت والعياذ بالله
راح تتسجل ضد مين ؟
-
شو قصدك بالجريمه ممكن توضح شوي
-
كل واحد لة نظرتة لهذا الموضوع...
والله يا قوس الحب اتمنى اعرف الأجابة لهذا السؤال لأني يوم أسال الناس الي متعلقين في الشات ما يكون عندهم جواب و ما يفكرون في العواقب.....
-
لنفرض ان واحد حب وحده
وهي كانت تمزح معاه لاخر السالفه
ويوم قرر انه يبي يخطبها
ينصدم ان البنت اللي حبها مي هي البنت اللي حبها
لا وكل ذنبه ان قلبه ضعيف ، قام وانتحر ، شو
راح يكون الذنب عليه لوحده ،
لو تتحاسب الشخصيه اللي قصت عليه معاه
اقصد يوم الحساب
-
أنا بعد ما فهمت... وضح سؤالك لو سمحت....
-
والله هذا الأنسان الي بينتحر على شي ما يستاهل بيكون ضعيف الأيمان و الي يبدا غلط ينتهي غلط و البنت الله بيحاسبها بس مو هي السبب في موتة...ما كان لازم يصدقها.....
-
عيون المها :
انا اقول رايي بصراحه
المشاعر ما تتكون نتيجة نظره او كلمه او رساله
المشاعر تجي من الاحساس الداخلي ، واي شي من الذكور يقدر يحرك المشاعر
بصراحه ، انا ما اقدر اقول ان الشات شات وبس
لاني اتفاعل معاه ، مره يضحكني ومره يبكيني ، وفيه بعض الكلمات تلمس قلبي
قبل ما تقراها عيوني ، ويش تنتظرون مني يمكن اكون حساس بس ،
امي وابوي سقوني الحب والعطف ، وتعودت ان كل كلمه تأثر فيني
ما اكذب اذا قلت حتى النور اللي يبعثه القمر يأثر في مشاعري
-
على طاري الانتحار ، فعلاً نسبة الانتحار في دول الخليج زادت عن الاول بشكل كبير ــــ المشكله ان الذي ينتحر في الغالب الولد ماأدري هل البنات في هذا الزمن يحبن العب والاستهتار بمشاعرالاولاد لانهن يحسن بالضعف فيستقلن قدرتهن بالتلاعب بالعواطف ويحطمن الي بيحبهن بصدق ، والله اتكلم جد في الموضوع وايد الي اعرفهم صار هذا الشي فيهم .
-
عندكم حق في كل كلامكم
لازم الواحد يكون ايمانه بالله قوي
بس ما اخبركم عنه
الصدمه مسحت كلمة حب من قاموسه
يعني هو ما انتحر
حبه انتحر .
[b]<small><small>[ تم تعديل الموضوع بواسطة قوس الحب يوم 01-07-2000]
-
انا وياك يا قوس الحب لأني وايد شفت ناس يتاثرون بس الواحد لازم يحاول يتحكم بعواطفة عشان ما ينجر للغلط دون ما يحس بعمرة...
-
تدرون بعد ان الواحد اذا حب وتعلق بالي يحبها وتتركه علشان شخص ثاني شو يصير فيه تموت المشاعر داخله ويمكن يحب ان يلعب بعواطف البنات الي بيتعرف عليهن لانه يخاف يحب مرة ثانيه وخوفه من الحب الاول بيدمر الاحساس في داخله وهذا واقع صـــــــــــــــــــــــــــــــــــــــــــــــــ ـــــــــــح
-
ظبياني الواحد يوم يحب لازم يتاكد من الطرف الثاني و اذا البنت كانت تلعب بعواطف الولد أحيانا فالولد دايما يحب يقص على البنية و يقولها كلام كلة جذب بجذب و في النهاية يتركها بكل بساطة و البنية المسكينة بسرعة تصدقة....عشان جذي علاقة الحب الحقيقية الي تبدا بالحلال و الولد لو صدق يحبها بيخطبها....
-
الموضوع يطول فيه النقاش
يالله واحد منكم يعطينا الخلاصه ،،،،
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
أضف موقعك هنا |
اضافة محتوى فريد لموقعك
