[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[ctrl]

مشرفنا الغالي:-

شاعر_الظلام ( أبو جاسم )

الله يعطيك العافية على دليل الموقع الرائع ,,,

عندي أقتراح لو تسمح لزوار لتعليق على الموقع و تقيمها راح تكون فكرة جديدة و ممتازة

|
ياليت تفيدنا بموقع لبيع معدات المختبرات الطبية يعني بيكون مناسب لطلاب الجامعات الطب و علوم الأحياء

[M. Al-Dhafeeri]

مليار..

هلا فيك اخوي الغالي..

اذا مايوصلون الا لأمريكا بسيطه عندك صندوق أراميكس بأمريكا اهوا الحل ^_^ اشتر ودز لعنوان أراميكس بأمريكا (صندوقك)

وبس

موفق يالغالي وعطنا آخر الأخبار

++++++++++++++++

ctrl

هلا فيك خيوو الموقر..

بخصوص اقتراحك اممم الصراحه مو خوش فكره وخوش فكره << شكلك مافهمت انا افهمك..

اذا كان الدليل فقط (لطش مواقع) راح تكون فكره حلوه

واذا كان الدليل مهتمه فيه ادارته ومايقبلون أي موقع، فالفكره ماراح تكون حلوه ^_^ اتمنى وصلت المعلومه


بس انا مفكر اني احط (تقييم stars) على حسب الزيارات كل زائر يدش يقيم الموقع اللي زاره طبعا التقييم من 5 stars

على ما اعتقد فكرة التقييم راح تكون افضل ^_^


والف شكر.. الحين انا شغال على فتح الروابط بصفحه يديده (خل يرد علي اخوي Garebooo واخلص من الروابط وبعدين ابدي بالتقييم باذن الله )


الف شكر..


بانتظار المزيد من الاقتراحات والملاحظات

[ctrl]

مشرفنا الحبيب [ أبو جاسم ] ... كنك نسيت

|

ياليت تفيدنا بموقع لبيع معدات المختبرات الطبية يعني بيكون مناسب لطلاب الجامعات الطب و علوم الأحياء )~


>>> ماني شايف أحد جب طاري لموقع أكسسورات و زينة السيارت مـــــ ــول كـــلــش غريبة (*_)

[الاخصائي]

سلام عليكم

هذي اول مشاركه لي معاكم

صراحه انا متضايق من رفعه اراميكس سعرها للكيلو , ما ادري بالزبط من متى وهم رافعينها بس اخبرها اول ارخص بكثير ما كنت توصل 60 ريال تقريباً الان 100 !! اخوي جاء يشتري كتابين طبيات من الامازون حجمهم تقريباً 5 كيلو طلع توصيله حدود 500 ريال !!! اجل وش استفاد !

هل يوجد غير أراميكس يقدمون نفس الخدمة ؟

هل DHL عندهم هالخدمة ؟

صراحة شئ يقهر تدفع ال 100 ريال سواء وصلت كيلو او لا ! وفوق هذا سعر غالي ! اخربيت الاستغلال بس !

[M. Al-Dhafeeri]

ctrl

لول سوري يالغالي والله من العفسه مانتبهت :\

بخصوص المعدات الحين حاليا ادخل ebay.com او amazon.com راح تلقى وايد

ولو تقدر تكتبلي اسامي المعدات الطبيه او بشكل عام مثلا شي يدل على المعدات الطبيه بالانجليزي عشان ادورلك عليه واييبلك مواقع ممتازه ان شاء الله..

بس قبل لا ادور لك وتكتبلي الاسم بالانجليزي.. تذكر انه لو في موقع متخصص ماعتقد راح يكون ارخص من ebay او امازون..

موفق ^_^

بخصوص اكسسوارات السيارات.. في واحد ياب طاري بس من زمان بس ليما الحين شي أكيد ماكو لانه اكثرهم من تصاميم مواقعهم شكلهم نصب :\

++++++++++++++++++

الاخصائي

هلا فيك اخوي الغالي شرفتنا ^_^

بس ماقلتلي انت من وين؟ لانه في شركة U Shop We Ship تكلمنا عنها وايد انها ارخص من اراميكس..

عموما لها افرع بقطر والامارات والسعوديه ومادري بعد وين بالضبط ما اذكر.. تقدر تشوف من موقعهم او تراسلهم من موقعهم

اسعارهم بالشحن ممتازه وارخص من اراميكس اول نص كيلو بسعر (دينارين ونص كويتي) وكل نص كيلو زياده (دينار و 750 فلس)


موفق واي سؤال حاضرين ^_^


بيني وبينك اراميكس صاروا تافهين وبطيئين حيييييييل والله.. رفيجي صارله اسبوع وليما الحين شحنته ماطارت (يعني ما انشحت له للكويت) مع انها بالصندوق من اسبوع!!!!!


الله كريم

[M. Al-Dhafeeri]

آخر المشتروات ^_^

نظارة Prada عندنا سعرها بالكويت 111 دينار كويتي

اشتريتها من ebay بسعر 48 دينار ^_^
صورتها



رابطها بموقع ebay
PRADA SPS 54H SPS54H BLACK 1BO-1A1 SUNGLASSES - eBay (item 120307091548 end time Dec-16-08 18:51:47 PST)


++++++++++++

واليوم اشتريت هذا



رابطه..
NEW FART MACHINES Remote Control @$8.23 WHOLESALE COST - eBay (item 370117114638 end time Nov-21-08 02:58:13 PST)

[الاخصائي]

^^

مرحبا

أنا من السعودية خيي

اجل تعتقد U Shop We Ship ارخص واحسن من ارامكس ؟ انت جربتهم ؟ وهل تعتمد عليهم بالكامل الان ولا كيف ؟ اسعارهم ؟

عموماً بلف الموقع وان شاء الله نجد البديل من اراميكس السيئة الذكر !! صحيح شكل اراميكس شبعوا من كثر القروش !! وبدوا يفسقون !!

[M. Al-Dhafeeri]

^^

مرحبا

أنا من السعودية خيي

اجل تعتقد U Shop We Ship ارخص واحسن من ارامكس ؟ انت جربتهم ؟ وهل تعتمد عليهم بالكامل الان ولا كيف ؟ اسعارهم ؟

عموماً بلف الموقع وان شاء الله نجد البديل من اراميكس السيئة الذكر !! صحيح شكل اراميكس شبعوا من كثر القروش !! وبدوا يفسقون !!

والله ياخوي تقريبا الحين اغلب الاعضاء الحين من ushopweship واولهم العضوه الغاليه (يوفاويه)

وانا الطلبيات اللي فوق طلبتهم اخترت أراميكس للأسف لانه ماكان عندي عنوان ushopweship


الفرق بين ushopweship و أراميكس فقط.. اهوا التوصيل (اراميكس يوصلون الشحنات من صندوقك إليك يومين بالاسبوع.. اما ushopweship يوم بالاسبوع فقط)


موفق ^_^

[الاخصائي]

والله ياخوي تقريبا الحين اغلب الاعضاء الحين من ushopweship واولهم العضوه الغاليه (يوفاويه)

وانا الطلبيات اللي فوق طلبتهم اخترت أراميكس للأسف لانه ماكان عندي عنوان ushopweship


الفرق بين ushopweship و أراميكس فقط.. اهوا التوصيل (اراميكس يوصلون الشحنات من صندوقك إليك يومين بالاسبوع.. اما ushopweship يوم بالاسبوع فقط)


موفق ^_^

طيب بالنسبة لاسعارهم ؟

ارسلت لهم ايميل ابي اعرف اسعار التوصيل من امريكا للسعوديه من ساعتين تقريبا ولا ردوا << دمه حار ومستعجل يبي يعرف

بالنسبة للتوصيل الاسبوعي ما يفرق معي بالعكس ممكن تكون ميزه حتى تجمع مشترياتك وتوصل بوقت واحد عموماً ما اشوفها مشكله كبيره الان

وشكراً لك تعبناك معنا

[الاخصائي]

مرحبا ,

معليش توي انتبه انه فيه RATE CALCULATOR بالصفحة الرئيسية لهم ,

صراحة انصدمت بالاسعار غااالية جداً للاسف حتى بهذي الحاله تعتبر اراميكس ارخص منهم بكثييرررر !!

جربت حطيت شحنة بواحد كيلو و باطوال جربت تكون كلها 1 سم و مره ثانيها كلها 10 سم و مره ثالثه كلها 5 سم بالنهاية السعر واحد وهو ان تكلفه الشحن للرياض توصل الي 40 دولار !! يعني حدود 150 ريال وكم هلله !! الله يرضى على اراميكس الكيلو عندهم ب 100 ريال ولا يحاسبونك لا بطول ولا بعرض !!

للاسف خيبة أمل

طيب ايش رايكم بالـ DHL ? ولا بعد اسوء و اغلى من اراميكس ؟ وهل فعلاً عندهم خدمه مشابهه ؟

[M. Al-Dhafeeri]

مرحبا ,

معليش توي انتبه انه فيه RATE CALCULATOR بالصفحة الرئيسية لهم ,

صراحة انصدمت بالاسعار غااالية جداً للاسف حتى بهذي الحاله تعتبر اراميكس ارخص منهم بكثييرررر !!

جربت حطيت شحنة بواحد كيلو و باطوال جربت تكون كلها 1 سم و مره ثانيها كلها 10 سم و مره ثالثه كلها 5 سم بالنهاية السعر واحد وهو ان تكلفه الشحن للرياض توصل الي 40 دولار !! يعني حدود 150 ريال وكم هلله !! الله يرضى على اراميكس الكيلو عندهم ب 100 ريال ولا يحاسبونك لا بطول ولا بعرض !!

للاسف خيبة أمل

طيب ايش رايكم بالـ DHL ? ولا بعد اسوء و اغلى من اراميكس ؟ وهل فعلاً عندهم خدمه مشابهه ؟

هلا فيك اخوي الغالي..

ushopweship يحسبون على الوزن!! ومايحسبون على حجم ومقاسات الشحنه..

اذا يحسبون على حجم ومقاسات الشحنه فهذي فقط اذا انت كنت تبي ترسل شي لبرى

اما المشتركين عندهم فقط يستخدمون نظام الاوزان نفس اراميكس..

موفق ^_^

[star wolf]

هلا أخوي شاعر .. أولاً أحييك على الموضوع اللي لاقا تفاعل كبير من الأعضاء

ثانياً عندي كم إستفسار ..

أنا طلعت بطاقة ماستر كارد من البنك الأهلي "السعودية" ...

هل ممكن الأشياء اللي اشتريها توصلني بدون ما يكون عندي إشتراك حق صندوق أو غيره ؟!

خصوصاً عند موقع amazon و ebuy

[الاخصائي]

هلا فيك اخوي الغالي..

ushopweship يحسبون على الوزن!! ومايحسبون على حجم ومقاسات الشحنه..

اذا يحسبون على حجم ومقاسات الشحنه فهذي فقط اذا انت كنت تبي ترسل شي لبرى

اما المشتركين عندهم فقط يستخدمون نظام الاوزان نفس اراميكس..

موفق ^_^

مرحبا ,

ما ادري صراحه لكن ,

امس وصلني ردهم , ويقول ان اول نصف كيلو من امريكا سعره 25 دولار واي نصف كيلو ثانيه ب 15 دولار ! يعني الكيلو ب 40 دولار ... هذا هو ردهم ولا جابوا طاري لا لطول ولا لعرض

عموماً المحصلهم هم اغلي من اراميكس للاسف

الله يجزاك خير

[M. Al-Dhafeeri]

star wolf

هلا فيك خيوو الموقر ^_^

بخصوص انه في احتمال انه توصلك السلعه بدون الاشتراك باراميكس وغيرها، نعم أكيد تقدر..

بس مو منamazon يعني amazon فقط يوصل الكتب لأي مكان بالعالم international shipping اما الاغراض الثانيه فقط لحدود النطاق اللي فيه امازون مثلا amazon.co.uk فقط لبريطانيا.. و amazon.com فقط لأمريكا..الخ

وبخصوص موقع ebay أغلب البائعين يوفرون ال international shipping باستخدام UPS او Fedex يعني في احتمال انك تشتري من موقع ebay بدون الاشتراك باراميكس وغيرها..

بس طبعا لازم يكون البائع ذاكر هالشي بصفحة البيع انه يشحن لدول العالم..


موفق ^_^

+++++++++++++++++++++

الأخصائي..

عدل كلامك.. بس مو عدل كلامك بالنسبه للأسعار..

ushopweship ارخص ^_^ وراجع حساباتك

مستحيل اول نص كيلو بـ 25$ يمكن انت متخربط ال 25$ هذي للتسجيل والاشتراك بخدمة ushopweship

موفق ^_^

[Abachy]

خيو شاعر كيفك اخبارك احوالك ماشي الحال اشتقتلك كتير كتير يعطيك الف عافيه ومبروك على صفحة دليل مواقع الشراء من النت حدها عجيبة واذا تسمحلي ابي ادزلك جم موقع فوق البيعه :1power:

عندي سؤال بخصوص (وبخصوص موقع ebay أغلب البائعين يوفرون ال international shipping باستخدام UPS او Fedex يعني في احتمال انك تشتري من موقع ebay بدون الاشتراك باراميكس وغيرها..

بس طبعا لازم يكون البائع ذاكر هالشي بصفحة البيع انه يشحن لدول العالم..)

الحين اذا شفتلي واحد وعنده بضاعه معينة وكاتب انه يوصل عالميا وبالمبلغ الفلاني الحين انا شريت منه البضاعة هل اعطيه عنوان بيتنا بالكويت واهو يدزها وتوصلي لي البيت؟ ولا اذا استخدم Fedex او UPS بتوصل مكتبهم بالكويت واهم يتصلون علي واروح اخذها منهم؟ ياريت تفيدنا بخصوص هالموضوع ولك الف شكر