السلام عليكم
الموضوع كان غريب و فكرت فيه قبل مكتبه بس فعلا كان لازم اشهد لشركه مصراوى انها من افضل الدعم اللى شفته حتى الان.
الحكايه انى كان عندى بريد على مصراوى و حصل مشكله ان البريد اتقفل و مش قادر ارجعه لانى مكنتش فاكر الباسورد بتاعته المهم كانوا كاتبين رقم الدعم الفنى اتصلت بيهم و قلتله المشكله و فعلا اخد رقم موبايلى و قالى حنتصل بيك لما نحل المشكله ، تانى يوم الصبح لاقيت اتصال بيقولولى ان البريد اتفعل و طلب منى الدخول على النت و اجرب معاه، انا كنت نايم لسه :looking: طبعا كنت مكسل اقوم المهم قالى حيتصل بيا بعد ساعه، فعلا بعد ساعه اتصل بيا تانى على الموبايل و ابتديت ادخل على الموقع و اجرب ادخل على البريد و فعلا خطوه بخطوه كان معايا لغايه مخلصت بعد حوالى 18 دقيقه :eek2: و كل ده على الموبايل، مع العلم ان الايميل مجانى يعنى مش بدفعلهم حاجه :funny:
بجد كنت مزهول من قوه الدعم :app:
الفكره هنا ليه الشركه بتكلف نفسها التكلفه دى كلها؟
و ليه الدعم العربى فى المواقع البسيطه ميكونش زى كده مع العلم ان اكيد الدعم ده مش حيخسر شركه زى مصراوى يعنى اكيد حيعيد عليهم بفلوس اكتر من اللى اتصرفت؟
عايز اشوف ارائكم فى الموضوع ده :app: