السلام عليكم ورحمة الله وبركاتة
الى كل صاحب منتدى ...
تذكرون من قبل 6 او سبع شهور لما وضع الأخ الكهف وقال فيه ان الاخ illogicalx صاحب موقع فنتازيات وضع موضوع مهم للغاية واقفل منتداه عشان سوالف اصطياد البنات من خلال المنتدى ...
يااصحاب المنتدى لا بارك الله في موقع يكون افه على ديني ومجتمعي
لا بارك الله في موقع راح يجيب لي المال بس ارضى واوافق على اللي يحصل فيه ..
التبليغ ياشباب بلغوا وانصحوا ... بلغوا وانصحوا
تفتكرون عملنا يوم وقلنا هاليوم راح نضع فيه رسالة توعية للشباب والبنات وان شاء الله تكون هي الهداية لهم ...
هالمرة الفكرة مختلفة ...
نبي نضع بنر صغير او زر على صفحة وهالصفحه كل صاحب منتدى يعملها بأسم منتداه ويضع فيها رسالتة ...
وياليت نسمي هالرسالة بأسم
قبل استخدامك الرسائل الخاصة اقراء هنا
ولما يضغط على ماسبق تفتح له صفحه فيها رسالة وراح اذكر نص الرسالة فيما بعد ...
البعض يقول ليش مانقفل الرسائل الخاصة ... ومالفائده ...
ممكن راح تقفل هالرسائل الخاصة عندك والاعضاء يروحوا لمنتدى اخر ويستخدموها ...
احنا نبيهم يقرو هالرسالة مرة واثنين وثلاثة .. صدقني في يوم راح يفهموا معنى هالرسالة ...
احنا مانبي نفرض عليهم امر بقفال الرسائل الخاصه ... لا نحاورهم باللتي هي احسن ...
كلمات المؤثرة والعبر هي اللي راح تجعلهم يدركون انهم في خطر ..
انا فكرت وقلت ليش مااسوي هالبنر في الصفحه الرئيسية للمنتدى
بس قلت لا من الافضل انها تكون في الرسائل الخاصه عشان النصيحه تكون قريبة اكثر ...
الرسالة هذه صاغها وكتبها الأخ webHuNtEr
وفي وسطها رسالة من ألاخ illogicalx
وفي الأخير تحتوي على كلمه من اخ لا اتذكر اسمه
هذه هي الرسالة :
بسم الله الرحمن الرحيم
الأخوه الأعزاء .. أعضاء وزوار منتدى ( .....ضع اسم منتداك .......... )
السلام عليكم ورحمة الله وبركاته ..
نبلغكم والله يشهد وهو خير الشاهدين ولتبرئة ذمتنا أمام الله عز وجل هذه الرساله ..
تعلمون ان المنتديات صارت افضل وسليه واسهل وسيله لصيد الفتيات ؟ وحين نقول كلمة فتيات نتمنى أن كل واحد يتذكر اخته وامه وبنته ، صارت المنتديات بصوره عامه وقليل منها اللي يستثنى من هذه الظاهره ، اصبحت مصيده قويه جدا للفتيات تكون اضرارها في النهايه وقوع البنت في المصيده وخياتنها لربها ودينها واهلها وتضيع شرفها .
حدثت قصص يشيب لها الرأس نساء متزوجات يبحثن عن الحب والمتعه تخون زوجها كيف ؟ فقط تتعرف على عضو وتكتمل قصة الحب اللي هي تبحث عنها ولكن تنسى ان القصه هذه فيها ضياع لها ولشرفها .
والكثير والكثير من القصص اللي صارت حتى أصبح الشخص يقول هذه الجمله عن البنات " كلهن خائنات والشريفه منهن لم تسنح لها الفرصه " من كثر ما شاب شعر راسه من البلاوي اللي يشوفها .
طبعا الفتاه تفكر انها قويه وذكيه ووليس هناك من يستطيع التغلب عليها الخ الخ الخ وتضحك على نفسها بكلمة ((اهلي واثقين فيني وانا عارفه نفسي وعارفه الاعيب الشباب وحركاته )) ، لكنها تنسى انها تصادف مخلوقات شريره تتفنن في اللعب بها والتسليه عليها . وفي النهايه يقع الفأس في الرأس وينضحك عليها وهي المسكينه تركض ورى شي اسمه الحب ونست ان الشخص اللذي أمامها لايمكن أن يفكر في انسانه مثلها تبيع نفسها بكلمتين .
واذكر كل انسان وانسانه خان ربه انه بيجي يوم يصير فيهم نفس الشي .
وكما تدين تدان .
والزاني ينزى في اهله ولو بعد حين ( يعني لايجيني انسان ويقولي انا شديد واقدر واقدر واسوي ومحافظ على اهلي - احب اقوله مثل ما سويت في الناس الله بيردها ولا انت بتقدر توقف قدام امر ربك وفي النهايه بيوقف مكتوف اليد قدام هالموقف لانه بيتذكر اللي كان يسويه ويسكت )
============
الأخ المبرمج الغالي illogicalx صاحب منتديات فنتازيات يقول :
والله العظيم والله العظيم والله العظيم وعلي لعنة الله ان كنت كاذب هذا هو اللي يصير دايما وفي اغلب المنتديات العربيه ، الحمدلله الذي عصمني من الخطاء والوقع في هذه الزلات ولكن رأيت اشياء كثيره حصلت ومازالت تحصل وماني قادر اسكت والله العظيم اني ما اقدر انام بالليل من اللي اسمعه واشوفه والله العظيم اني ماني قادر انام والله والعظيم .
والله العظيم اني كل ماوصلني خبر عن بنت ضاعت اجلس مقهور واحاسب نفسي مليون مره واقول ليه اللي يصير ليه احنا نقلب كل شي جميل الى وكر دنئي للدعاره والمنكر ليه نغير مبادئنا ونخون ربنا ودينا .
ويكون في علم البنات جميعا اي شي يحصل لهم ترا الشباب يتناقلوه بينهم يعني لاتفكر انها ساتره على نفسها . لانها وللاسف مفضوحه 100 % .
ونصيحه مني لاي فتاه اذا شفتي واحد معاكي على الماسنجر وتكلم معاكي في شي خاص بالاحاسيس والمشاعر اعرفي مليون بالميه انه ناوي عليكي نيه افلتي منه بقدر الامكان ولا تضيعي نفسك مثل غيرك والله العظيم انتبهي على نفسك وابعدي عن الشباب واضافتهم بالماسنجرات والله العظيم ابعدي والله العظيم ان شرهم اكثر من منفعتهم .
انتهى مااقالة الأخ illogicalx
وفي اخر رسالتي هذه ..
ورب العزه بأن منتدى (... ضع اسم منتداك ..) لم يخلق الا (...ضع هدف منتداك ...)
اللهم اني بلغت اللهم فاشهد
اللهم اني بلغت اللهم فاشهد
اللهم اني بلغت اللهم فاشهد
همسه في أذن رب العائله :
لابارك الله في رجل رفع من مهر أبنته وجعل حال شبابنا هكذا . أمين
همسه في أذن الشباب :
انظروا الى الحياه بشكل أحلى وأسمى وأطلقوا أفكاركم الصامته وأجعلوا الامكم سبيل لتحفيزكم على الأبداع
مجتمعكم امانة عليكم ..
والله من ورا القصد .
(( ضع اسمك ))
=========================
هذه الرسالة لها تأثير جيد ان شاء الله
هل ستتفقون على هذه الرسالة ام تريدون رسالة اخرى ، ضعوا ماعندكم والتي تأثر في النفوس اكثر نضعها ...
ولكن ياعرب
هل ستتفقون ان تجعلوا هذا الموضوع بشكل واقعي وعملي ...
مثل ماقلت لكم الحوار هو أفضل شئ ...
المنتديات كثرت بشكل لايطاق .. والكل يريد تحقيق مصلحته الشخصية ومصلحه موقعه ولو على حساب مجتمعه ودينة ...
دعوا الرسائل الخاصه لمن يريد .. ولكن بلغوا ... بلغوا ...
التبليغ لان كما نعرف ان الأمر او الشدة لا تنفع
اذا قفلنا الرسائل وش راح يصير ...
احنا نبي نغير طريقة تفكير العضو ومافي نفسة ونجعله مو على النت فقط ، حتى في حياته يحذر ويجعل مخافة الله امامه ..
نحوارهم بطريقة افضل ...
وفي الأخير بالفعل اتمنى من كل اصحاب المنتديات الاتحاد ووضع بنر او زر لزيارة هذه الصفحه والتي تحتوي على الرسالة السابقة في الرسائل الخاصة ...
وفي الأخير ...
الله يهدينا ويهدي الجميع
والسلام عليكم
=============
اتمنى عدم طي هذا الموضوع وارسالة الى اصحاب المواقع الغير مسجلين في سوالف ... والله يجزيكم خير
اخوكم الصغير ..