السلام عليكم
حركة حقيرة يتبعها صاحب قروب الملاقيف للترويج عن قروبه بطرق اوصفها " بالملقوفه " مثل اسم قروبه الغبي ،يقوم بارسال رسائل الى اصحاب القروبات ، بالايميلات اللي يرسلون فيها لقروبهم
يعني انا ارسل لقروبي من عنوان yousif.group at gmail.com
يقوم قروب الملاقيف بارسال رساله بنفس البريد اللي ارسل منه لقروبي ..وطبعاً يرسل الرساله لعنوان القروب وتوصل مباشره للاعضاء ..
عن نفسي حصلت تقريبا رسالتين في لوحة التحكم محجوزين من قروب الملاقيف ، لو اني مب مسوي خاصية حجز الرسائل للاشراف كان وصلت للقروب بكل سهوله
ووصلتني رسائل لقروب الملاقيف من اكثر من قروب انا مشترك فيهم وهي نفس الرسائل اللي ارسلها صاحب الملاقيف لقروبي انا ..
وللاسف اصحاب القروبات هذي مب مسوين خاصية حجز الرسائل للاشراف ووصلت لكل الاعضاء عندهم وهنا المصيبه !!!
اللي بقوله لصاحب قروب الملاقيف لو انك تراسلني وتقول لي حط لي بنر بقروبك بسوي لك واخدمك بعيوني ، لكن بطريقتك هذي تنشر قروبك بقولك بس استح ع وجهك وعيب عليك
المشكله مسمي نفسه ملكة الحب علشان يجذب الشباب ليتشركون عنده
ونصيحتي لكل شخص يملك قروب على القوقل ..ضروري جداً تسوي خاصية حجز الرسائل للاشراف لانه بالفترة الاخيرة انتشرت مثل الحركات هذي للدعايه والترويج وتوصل لاعضائك غصبن عنك لو انك مب مسوي هالخاصية ..
الله يحميكم من مثل هالملقوف ومن هم على شاكلته ...