دام سوالف العامة للفرفشة .. فرح نفرفشكم شوي ولا يزعل مســـــــــيو
و رح نبلش سلسلة سيناريوهات قلعاوية
الحلقة الأولى : الارهاب و السلام
الزمان : قبل شهرين
الحدث : البدء بعملية خارطة الطريق
الأشخاص : شارون , جورج بوش
المكان : شارون في وكره , جورج بوش في البيت الأبيض
في الساعة 4 صباحاً ,, يرن هاتف شارون في البيت
شارون : ألو
بوش : هالو مستر شارون .. شلونك؟
شارون : يا اخي ما بتعرف انه هذا وقت نومي ؟.. بس يالله انت صاحبنا.. هالو مستر بوش.بوش : اسف استاذ شارون ما تواخذني ..
شارون : ما بتتواخذ خيو بوش .. خير شوفي ؟
بوش : مستر شارون .. انا شايف الفلسطينيين عم يؤذوكم كتير بضرباتهم .. وهذا شي ما منرضى عليه نهائيا نحنا ,, لانو نحنا ضد الارهاب والعمليات الارهابية التي يقوم بها الارهابييون الفلسطينييون ضد الدولة المسالمة اسرائيل
شارون : ايه والله يا بوش .. شايف الارهابيين شايف .. طلعو مظاهرة على اثر اغتيال هادا الفلسطيني الارهابي .. شوف الارهابيين شوف .. لك طلعو يحتجو انو نحنا عم نقوم باعمال ارهابية .. مع انو شوفت عينك نحنا ما اغتلنا الا كم واحد يعني مو محرزين تنعمل عليهم هالمظاهرة الارهابية
بوش : لك ليك الارهابيين ليك.. عم يعملو مظاهرة ارهابية ضد المسالمين .. لااااااا هي ما منرضاها
شارون : ايه والله هادا الي صار .. وصحي بطريقك بترفع بيانات امريكي يندد هالمظاهرات الارهابية وبتدعس على تم كل دول العالم وبتخليها تقول انو المظاهرات ارهابية وعم تادي نشاطات ارهابية
بوش : طبعا طبعاً مستر شارون .. اكيد هالشي .. والله لاخلي الفيتو يحرق الارهابيين ويلي معهم .. لك لك هادا مو حكي يا اخي.
شارون : لا تخاف مستر بوش املنا فيكم كبير وبمحاربتكم للارهاب الفلسطيني..
بوش : هادا فخر النا مستر شارون
شارون : صحي بدي اسالك شو صار معك بخربطة الطريقة
بوش : لا تخاف كل شي تمام .. الخربطة عفواً الخارطة ماشية متل ما انتو بعتولنا ياها بالضبط
شارون : هادا العشم فيكم يا بوش .. ما بدنا شي من برا كلو من جوا
بوش امرك امرك مستر شارون ولا يهمك الي بدكم ياه بيصير من عيني هي قبل هي.
خمس ثواني صمت ومن ثم :
بوش : صحي مستر شارون .. انت بتعرف انو عندي هلء انتخابات رئاسية .. فشو رايك بشي طلة لعنا هيك تعملك شمة هوا بالكونغرس مع اصحابك
شارون : خهخهخهخهخهخهخهخه .. فاهم عليك يا ملعون.. ايه ماشي ماشي لازم اعملي شي طلعة لعندكم تكرم عيونك .. بس شايفني ما عم افضى والله
بوش : مستر شارون باتنور بلدك وبيتك ميت اهلا وسهلا
شارون : تسلم والله بس اصبر علي شوي لخلص هالكم اغتيال الي عندي وبيجيك على طول .. لازم اغتال هالارهابيين هدول
بوش : هاهاهاهاهاهاهاهاها يحرق حريشك يا مستر شارون.. طول عمرك بتحب الاغتيالات ..
شارون : خهخهخهخهخهخهخهخ يا بوش.. انا بحب اغتال الارهابيين فقط !! مو الكل
بوش : باعرف باعرف مستر شارون ولو .. ما بدي مين يقلي.. ولو انت لازم يعطوك جائزة نوبل للسلام .. بس لا تطول علينا يعني مر لعنا شي زيارة منشان يحمى وضع السلام على الانتخابات
شارون : تكرم ولا يهمك .. يالله اسمحلي ارجع نام بكرا عندي اغتيال بسيط لشي خمسين عنصر ارهابي
بوش : ايه الله معك مستر شارون .. لكان لقوم حضر بيان التنديد بارهابية هدول الخمسين الي بدك تغتالهم ..
عنجد ارهابيين يه ما عندهم جنس السلام
شارون : اوكي باي يا بوش
بوش : الله معو معلم الله معك مستر شارون حبيبنا والله... باي باي يا روحي
........................................................
لنتظرونا في سسناريوهات قلعة العرب.. مع اجزاء جديدة