السلام عليكم ورحمه الله
جدد من عندنا ولافارق ماني معطيك مواقعك وابفرمت السيرفر
هذي جملة أطلقها الموظف في شركة العربية عندما طلبنا الانتقال الى شركه دوك
هل وصل اسلوب الشركات الى هذه البجاحة وسوء التعامل
سؤال : هل يحق للشركه المستضيفه للسيرفر ان تقفل سيرفرك قبل انتهاء العقد بـ 3 ايام ؟؟
القصه ومافيها
انا كنت اخذ سيرفر من عند www.arabih.com
وكثرت المشاكل في السيرفر حتى انه اصبح يفتح بالنهار ويسكر بالليل >>> حشى بقاله صار مو سيرفر
ولما اتصلت على خالد اللي شغال دعم فني بالعربية قلته له السيرفر طافي له من امس قال شوي وارد عليك
تخيلوا وش كان رده يقول السيرفر معلق لانه فيه موقع يسوي اسبام في السيرفر
هههههههههههههههههههههههههه سمعتوا اخر نكته يقول فيه اسباام
انا كل المواقع اللي عندي 8 مواقع موقعين حقات الشركه وموقع شخصي لواحد وموقع عقارات
وموقعين حاطهن انا اجرب عليهن وموقع واحد حاجزه ومحوله على موقعه الثاني
والموقع الاخير منتدى وصاحب المنتدى مايعرف حتى يدخل على لوحة الادمن
طبعا انا يوم قال اسبااام وفتح لي السرفر رحت اشيك على الباند ويث
طبعا اعلى موقع لقيته مستخدم 3 % من الباند ويث
طيب ماعلينا قلنا اوكي سباام بعدها بعشر ساعات قفل السيرفر مره ثانيه
وعقبها رحت حجزت رسيلر عند دوك لاني مابيي اخسر الاربع زباين اللي عندي :nice:
طبعا الكلام هذا قبل يومين يعني بيوم 29 يعني باقي يومين وينتهي مدة السيرفر عند العربيه
وارسلت للعربيه طلبت الباسوردات حقت الدومينات علشان انقل
طبعا هم دروا اني بنقل على طول غيروا باسورد الروت
انا تفاجات من تصرفهم طبعا البطاقه ماردوا عليها لقيتها من ضمن البطاقات المقفله
معلينا رجعت انا لدوك وطلبت ينقلون المواقع ردوا علي يقولون لم نستطيع نقل المواقع
تدرون ليش لان السيرفر معلق وطافي :>
دقيت على العربيه قلت ليه السيرفر طافي قالوا حنا موقفينه علشان ماتنقل الا وانت مجدد شهر قدام لانه لازم تخبرنا قبل النقل بـ 10 ايااام
ليه اخبرك ؟ من وين جبت هالشرط انا مالقيته موجود بالعقد
ثانيا مو من حقك تقفل السيرفر الا بعد تاريخ 30 يعني بتاريخ 1 اللي هو اليوم طبعاا
ثالثا اذا انت خدمتك مو زينه وسيرفراتك طافيه من حق الغير تنقل الى دوك وغيرها لانها تقدم خدمه افضل من خدمتك
تخيلوا ياجماعه اقوله مكتوب بالعقد اذا وقف السيرفر اكثر من اربع ساعات فعلى الشركة المستضيفه انها تدفع قيمة تجديد شهر مجانا لو كان هذا الشرط يطبقونه صح كان اخذت منهم سنه قدام
طبعا انا قلت له هالشرط قالي ارسلت بطاقه طبعا انا ارسلت له بطااقه يوم علق سيرفر الشات
وكان مصيرها سله المهملات
ويوم قفل المساحات رحت للمكتب طبعا هالمكتب اللي ماشوفه مفتوح الا اخر الشهر علشان اجي اسدد
كل ماجيت ماحصلت فيه احد او بالاصح موجودين بس مقفلين الباب
جيت المكتب ماحصلت احد دقيت عليه جوال وكلمته واخبرته بتوقف السيرفر
المهم يوم جيت اطالبه بالشرط اللي بالعقد قال مارسلت بطاقه قلت له شلون ارسل بطاقه
واناعارف انها بتصير بسله المهملات انت مارديت على اللي قبل علشان ترد عليهاا
قلت له ليش انا مادقيت عليك قال الا قلت ليش انت مو كلمتك كلمة رجال ؟؟؟
هذا شي ثاني بعدين انا خلاص نقلت ونقلت مواقعي طبعا بعد مافك السيرفر طبعا هو مادري بالسيرفر يحسبه هو اللي مطفيه مادري انه كان معلق
انا بسرعه ارسلت لدوك وكالعاده خلال ساعتين نقلوا لي المواقع يدويااا
هالحين نقلنا وارتحنا منهم لكن باقي 4 دومينات لموقع القصيم كنت حاجزها عن طريقهم
تدرون وش سوى النظيف حول جميع الدومينات على شركتهم
الدومنيات هي
www.q21q.com
www.q21q.net
www.q12q.com
www.q12q.net
الرجال متتعب ودافع قيمتهم ويجيك هذا يسرقه..!! ليش ؟ لانه يبي اجدد عنده بالفين ريال
اذا انت محتاج الفين قلي اسلفك
مابي اطول عليكم لكن للامانه انا حبيت انزل الموضوع علشان غيري ياخذ الحيطه من بجاحة الشركات التي تمتاز بسوء الخدمه وسعة الوجه وسرقة الدومينات :nice:
الحمد لله ان اغلب الدومينات عندي والا كان سرقتوها بعد
سؤال هل توجد شركات تتعامل مثل العربيه والا بس هم افيدونا علشان مانتوهق مره ثانيه
يالله سي يووووووووو