الى كل من ضحى من اجل الوطن ، الى ابطال الشعب الكويتي الصامد ، الي شهداء واسرى الكويت .. بحروف الدم الزكي الطاهر نسجتوا ملحمة الشجاعة والفدا وبحروف النور نكتب باقين انتم في قلوبنا ذكرى عطرة وفي عقولنا علامات بارزة في تاريخ المقاومة الكويتيه الى كل من ضحى لأجل وطنه اهدي هذه القصيده ...
يقولوا وش فايدة الدموع ماراح ترجع لك غالي
أجل وش فايدة الدموع ليما ماانبكت على عزيز على فوادي
مل الصبر مني ومليت انا حالي
ردولي احبابي...
ردولي اخوي اللي انجبر يودعني بتهديد رشاش المجرم الغازي
ردولي اختي اللي جروها من غير رحمه تترجاه الله يخليك ارأف بحالي
ردولي امي اللي لطخوها بالدم لأنها دعت ربها يفرج كربها ويخلصها من مجرم غدار
ردولي ابوي اللي انكوت عيونه بالنار
ردولي ولدي اللي انأسر.. اللي ماادري وش مصيره بين ايدي اوسخ انسان
من بقا فينا ما انظلم؟
وتقولي وش فايدة الدموع ماراح ترجع لك غالي
اجل وش فايدة الدموع ليما ماانبكت على عزيز على فوادي
ردولـــــــي أحبـــابـي
بنت الكويت جوريه