رسمت الدنيا بعيونك شتا دافي وصيف وبرد
وفي عيوني رسمتك يا عيوني شمعة سنيني
رسمتك بالسما نجمه مضيئه بين برق و رعد
وغيمه وين ما أرحل..تظللني وترويني
رسمت احساسنا صوت الوله بين اللقا والصد
إذا لحظه تفارقنا.. يناديك و يناديني
براءتنا..شقاوتنا..سوالفنا مزاح و جد
من أول ما تلاقينا..أداريك..و تداريني
له الله كل ما يقدم هوانا زاد..و تجدد
وكل ما عمرنا تقدم.. جمالك زاد في عيني
مثل ما الورد كل ما هو تفتح..زان و تورد
و انا مثل الندى في خدك الزاهي عناويني
جميع اللي تمنيته..لقيته فيك ماله حد
دلالك..فتنتك..ما فيك شي إلا ويغريني
تميز شخصك بعيني..و حبك ساد و تسيد
من أطراف النظر لاقصى حدود العاطفه فيني
__________________
أحب الليل *** لأنك قمرته وضيه
وأحب النور *** لأنك نور هالدنيا