هذا النص ليس مجرد حديث عابرانه أعمق من ذلك بكثير،اذ يحمل فلسفه انسانيه عميقه وأخاذه تلامس أوتار القلوب وخفايا الروح.كتبه بدر البلالي..
*****************************************
في واحده من الجامعات
كانوا ثلاثه
حصه..وسعاد..وصفيه
غير عن كل البنات!!
كانوا قمه في الغثاثه والاذيه
وكانوا أشقى الطالبات
وف محاضرة من المحاضرات
جلسوا سوى..في اخر القاعه ورى..
سارحات بالحديث ومع أغاني العندليب
زي الهوى ..زي الهوى!!
وفجأه دخلت الابله -عليه-!!
كانت قويه..
يهابونها كل البنات
حتى المكان واثاثه..يهابها
الا الثلاثه
حصه ..وسعاد..وصفيه
ما حسبوا ف يوم احسابها!!
وفي ظرف وهلة..رفعت يدها صفية
أبلة أبلة..عندي سؤال
وش كثر ضامني جهله!!
هو حرام ولا حلال
لابعت أنا الكون..لعيون رجال؟
وثارت القاعه كلام..
وابتسام وجدال
وثار حتى المكان !!
وبارتباك يفضحه شكله
صرخت الابله-عليه-
يا صفيييييه
وش بلاك ..وش ذا السؤال؟!
وين الحيا والاحترام؟ياشقيه!!
وش هو الحب ف قاموسك؟!
واحد يبوسك..يثيرك يجوسك
والا واحد ..أي واحد
-فراغ-..وشماغ!!
يا شقيه..اتركي عنك الغرام
وارمي أوهامك وراك..
موتمام ..ياصفيه تكوني سهله
ولقمه ف حلوق الرجال!!
كوني أقوى من قويه
كوني..و كوني ..وكوني..
صدقوني يا بنات
خلقت الانثى ملاك
وقارها شرفهافضيله
وعارها..يمكن يحط ب قبيله!!
وفجأه قاطعتها سعاد
أبله أبله..لو صحيح
كيف -عبله-ماعابها الحب الصريح؟!
وصفقت جنبها حصه
يا سلااااماسردي القصه
يوووه..اسرديها يا غبيه!!
بس خساره..دق الجرس
يعلن وداع محاضره
ومصادرةدرس كل أبوه مكابره!!
ااااااه..انتهى الدرس
والسؤال المر..يمر في فكر كل البنات
على مهله..على مهله
تخيلوا..في فكر كل البنات
حتى-نهله-!!!!!
-----------------
انتهى
ماني معلقه على النص ..لانه اكثر من اي كلام يمكنه ينقال عنه.ولا شرايكم!