السلام عليكم ورحمه الله وبركاته .......
ياناس ما يصير اللي يحصل في المنتدى ولا يمكن ان احد يرضى ان منتدى عريق وقديم تحصل فيه الخزعبلات هذي؟ الفاظ وتافهات وكلام فاضي ومواضيع لاتمس للفائده بصله.
لو كان منتدى ثاني كنت قلت ما يخالف منتدى جديد لازم نصبر عليه الين ينشف عوده ... لكن منتدى من اقدم المنتديات تحصل فيه امور والله ان الواحد يستحي انه يقرا المواضيع اللي تنكتب؟
واحد يروح يحط لي ملف تجسس ويقولي ملف مهم ؟؟؟؟
والثاني يجي و يكشفه ويقلبها هوشه معه ولا كان فيه اشراف ولا غيره ؟
والثالث يروح يحط لك وصله ملف تجسس يقول استخدموه ؟( من متى سوالف صار منتدى هكر؟ )
والرابع مسكين يطلب مساعده عشان بنته ولا احد حوله حتى كلمه جبر خاطر ما فيه ؟
انا عارف الموضوع كالعاده يا يبي ينحذف ولا يبي ينقل لكن ماعاد له اهميه ...
ولو اجلس اعد العيوب والله ما راح تنتهي بس اللي ابي اعرفه ليه المستوى نزل بعد ما كان المنتدى من اقوى المنتديات ؟ شي غريب ؟ مادري وين العيب فيه بالظبط لكن ابي منكم تسمحون لي بالانسحاب من المنتدى الين يعيدون النظر فيه اصحاب الشان وشكرا