السلام عليكم
كيفكم يا شباب ... ان شالله تكونون باحسن حال
قبل تقريباً سنه قبل لا تبتدي الشركه نشاطها كنت في احد الاسواق
انا والشباب فكان لزين مكتب وحاطين عرض اختر رقمك بنفسك فدخلنا انا وصاحبي
واخترنا رقم لي و رقم له انا اخترت الرقم 059x9x9x9x
وصاحبي مماثل لي باختلاف الرقم وقال لنا قيمته 1000 ريال دفنا 100 والباقي بعدها
بشهر كملنا 900 ريال وكانت الباقه شهر بشهر بدايه الاستعمال كنا شغالين على ابراج موبايلي
المشكله بس في السفر كانت الشبكه ضعيفه المهم ارتحت شوووي كان اجمالي مكالماتي
بحدود 350 الى 400 ريال في الشهر
والشهر الثاني يرجع لي كامل المبلغ والشبكه في تحسن
في يوم وليله الشركه صارت تعمل على الرصيد الي يرجع من تفتح الخط يخصم دقيقه كامله
حتى لو كانت المكالمه ثانيه واحده للرصيد الاضافي يعني الاساسي ما يشمله الكلام هذا
تضايقت من عدم مصداقيتهم واتصلت على خدمة العملاء وقال لي والله ما اعرف وش اقولك
حنى غيرنا النظام قلت له وش تغيرون على كيفكم الكلام ابي مسؤول قال ما في غير ترسل الشكوه عن طريق الفاكس
وبعدين اعطاني رقم اتصل عليه خطا في الاتصال وكل يوم الموظفين يماطلون معاي
مين يجيب لي حقي ؟؟
ليه كل من حب ينصب يجي ينصب علينا البلد ليه ما فيه قانون ليه المواطن السعودي دايم ضايع حقه وربي انصب علي بفواتير من الاتصالات السعودي بما فيه الكفايه
الاتصالات الخط مفصول الحد الائتماني 500 ريال والنت يحسب من ذاك اليوم الين الان واصل
2000 ريال طيب كيف تحسب علي وانت فاصل التلفون وحدي الاتماني 500 ؟؟
الى متى يعني ؟؟
تبي تشتكي ما في احد يسمع لك حقوق مرميه في الزباله اجلكم الله
وحقوق الشركات يطالبون فيها ويرجعونها لهم
حالنا كل ماله يتردا شوفو الامارات شوفو الكويت قطر وربي حقوق المواطن عندهم اهم شي
حسبي الله ونعم الوكيل
هيئة الاتصالات ما عندك احد نايمين
في حالة وجود شكوى من الخدمة المقدمة، أو اعتراض على الفواتير عن خدمات الاتصالات المقدمة من أي مقدم خدمة اتصالات، أو عدم رضا عن أي من الخدمات التي يقدمها مقدم الخدمة, فيجب أولاً تقديم شكوى إلى مقدم الخدمة نفسه,
الخبر هذا بجريد امس
إدراج عملاء الاتصالات المتعثرين في قوائم سمة بعد 6 أشهر
وعن تأثر عملاء شركات الاتصالات غير الملتزمين بالسداد في تعاملاتهم البنكية بتضمينهم في قوائم المتعثرين قال المبارك لدى العملاء 6 أشهر لحل المشاكل المتعلقة بانظمة الفوترة في شركات الاتصالات.
http://www.alriyadh.com/2010/06/24/article537805.html
انا مكلم موظف الاتصالات وقلت له زمان وربي لو توصل فاتورتكم مليون مو بس الفين ريال
انا يا شباب خلالالالالالالالالالالالالالالالالالالالالالالالال الالالالالالالالالالاص
بشوف لي ديره ثانيه مفكر اروح زمبابوي او اذربيجان اطق لي اقامه ابرك لي
ورساله مني لكل مستثر اجنبي اقسم لك بالله تعال استثمر في السعوديه
خلال اشهر اقلب نشاطك وخليه نصب في نصب الدوله تساندك وتدعمك
وحقوق مواطن ابشرك ما فيه المواطن الي يزعل يروح ينتحر محد يرد عليه
راح تصير ملياردير باختصار الي ما تعلم النصب يجي عندنا ويتعلم