بسم الله الرحمن الرحيم
السلام عليكم ورحمة الله وبركاته
الموضوع المطروح للنقاش هو موضوع كثيراً ماتكثر الشكاوى عليه
وهو تاخير المصمم للتصميم او التصيميم وعدم التركيب
قصه حصلت لي
انا طالب من شخص اماراتي تصميم
كان الاتفاق المبلغ على 4600 ريال
تصميم موقع ودليل فقط علماً بان السعر مرتفع لكن تكفل فيها اخي الاكبر
بدفعها وعندما قالنا المصمم لزم تدفع المبلغ كامل لكي اخلصكم بسرعه
قلت له اوكيه لانه مصمم مشهور وله تصاميم كثيره اكيد مراح يكذب
ارسلت له المبلغ قال بـ 45 يوم كل شئ تمام ويمكن اقل قالت اوكيه
المهم بعد 45 يوم ماشفت شئ اتصلت عليه مايرد كلمت على الاميل
كذلك مايرد المهم مره من المرات اقبله وينك يافلان قال والله
انا مشغوول كانت واعتذر عن تاخير التصميم قالت اوكيه طيب
كم يبغلك قال عطني 15يوم قالت لك ماطلبت المهم انتظرت
15 يوم ونفس الحكايه مايرد ومطنش الوظع بعد شهر من 15 يوم
بالصدفه لقيته في الماسنجر وكان نكه فيه سب للسعوديه بشكل عام
دخلت عليه قالت له وش عندك يابو (( طبعاً المثل وش يقول اذا كان لك عند الــ ؟ ؟ ؟ قله ياسيدي ))
قالت طيب وش هذا النك ماتستحي على وجهك قال انقلع وقام يسب والله انا ماصقرت سبيت لليل
قالت الفلووس الله لايردها اهم شئ الكرامه
المهم بعدها بكم شهر بحدود شهرين دخل اخوي وتكلم معاه بطريقه تذكري بالنار والدنيا فانيه ومثل هذا الكلام
المهم الرجال فكر الظاهر وبعد كم شهر يرسل لي شكل تصميم بس وقال التركيب ان شاء الله اذا
وفقت على التصميم قالت انا موافق لو تركب لنبه في الموقع وتكتب اسم الموقع انا موافق على كل شئ
المهم الرجال جلس يماطل يمكن حدود 3 شهور ثانيه
وبعدين صار يركب التصميم في المنتدى قلنا وش هذا الكلام المهم قلنا خليه يركب لين ينتهي
كل يوم ندخل المنتدى وكل شئ على حطه يده من اول يوم بداء
المهم بعدها الموقع يخترق مو قبل شخص سعودي طلبه هذا الاخ بتركيب المنتدى ولا اعطاه ولا شئ
الشخص السعودي والله لو يدري ان الموقع لي واني سعودي يمكن يكلمني ويقولي وانا والله لدفع له
بس مابي الموقع ينزل ترتيبه لان ترتيبه كان داخل تحت الميه
المهم اخترق الموقع وخرب كل شئ سواه وصراحه من حقه الشخص المصمم لم يعطيه حقه اكيد راح يسوي مثل كذا
واكثر
كلمت الرجال المصمم قال هذا من ديرتكم وانتم يالسعوديين فيكم وفيكم قام يتكلم وانا خليته لين ينتهي وقلت طيب الحين
انتهيت انا ابي حقي وقام يتكلم علي دقيت عليه مايرد
المهم بعد مشوره حدود 4 شهور وصلني التصميم عن طريق البريد ملف مظغوط
فيه التصميم بصيغه PSD وفوقها كم سبه لا والتصميم الله بالخير من زينه
والحين انا اعاني من نفس المشكله عند مصمم ثاني
طلبت منه التصميم وصمم لي وبعد كم يوم يوريني التصميم
وبعد كم يوم يقلون تغيير الاداره وبعد فتره انتظار يعطوني شكل
للتصميم والى اليوم لم يتم التركيب
يعني الطيب في هذه الدنيا لزوم يناكل حقه
ماقول غير حسبي الله ونوع الوكيل
والحين جاء دور النقاش حول هذه القضيه
قضيه تاخير التصميم والبرمجه ويمكن يكون مافيه لا تصميم ولا برمجه
يعني سرق الفلووس :anger1:
ولاتقول حطيتها قضيه لانك مادفعت من جيبك شئ ولا مجرب هذا الشئ انت :anger2:
واسف على اطاله الموضوع بس لان الموضوع مهم :eek2:
يمكن يكون فيه اخطاء املائيه لاني توني قايم من النوم وطفشاان :app:
تقبلو تحياتي وخالص احترامي