السلام عليكم ورحمة الله وبركاته
بالمختصر المفيد امبارح موبايلي رن ببص لاقيت مكتوب رقم خاص فتحت
لاقيت وحده بتتكلم انجليزي وواضح ان لــكنتها امريكيه رديت عليها
قالتي انها من دعم جوجل ادورد واني مشترك معاهم وان جالي كوبون علي البريد ودخلت واستخدمته لكن ما كملتش
قالتي فيه مشاكل حصلت معاك؟ قولتها اه فعلا انا جربت الكوبون لكن علي ما افتكر ان فيه شئ وقف معايا وما كملتش قالتي اه الكوبون بيتنشط ب 5 دولار قولتها لا هو كان طالب اكتر من 5 دولار علي ما اظن قالتي لا تنشيط الكوبون 5 دولار فقط واعدت تتكلم معايا اكتر من 7 دقائق تسالني عن خدمات جوجل ويا تري بستخدم برامج اعلانيه تاني زي فيس بوك او ياهو ؟ وقالتي عندك اي نصائح او تحسينات لادوراد تنصحنا بيها
فعلا عجبني جدا اسلوب شركة زي دي بتهتم بزبائنها رغم ان جوجل اقوي شركة حاليا فى هذا المجال لكن بتسال وتستفسر وتحاول تفضل علي القمه دائما لذالك فعلا لازم يكونو فى هذا التقدم وهذا الرقي