السلام عليكم,
و انا على المسنجر دخل على واحد اسمه James و الراجل ده مستقصدنى و الله..!!
اول مرة خالص كان من فترة طويلة اول ما عربت mtl الخاصة بسباق المواقع , دخل و قال لى انت عدلت فى الحقوق اللى فى السكريبت ياريت ترجعها كما هى.. قلنا ماشى الراجل عنده حق و ظبط الحقوق بتاعته.
بعدها بيومين دخل يقولى كويس انك ظبط الحقوق لحسن ماكانش حصل طيب.. (لا اله الا الله.. يعم انا رجعتها كما كانت عايز ايييه؟!) قمت قايل له مطلوب منى اى حاجة تانية..؟ قال لى لا بس خلى بالك بعد كدة و خرج
اول امبارح دخل على تانى على المسنجر يقولى شيل السكريبت من موقعك !! قلت له ليه؟ قال لى انه ممنوع السكريبت يتم وضعه فى اى موقع غير موقعه.. قلت له ما دى ترجمة للنسخة و المترجم يوزعها قال لا و اتنرفز و قال لى طيب انا حكلم مستضيفك و اخليه يقفل الموقع.. قلت له انا مستضيف نفسى قام قال انا حرفع قضية و حاجات عجيبة..
انتوا قولوا لى اعمل ايه مع واحد زى ده!!
مستقصدنى !