بسم الله الرحمن الرحيم
((وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُون))
صدق الله العظيم
حملة ازرع الابتسامة في وجوه الاطفال اللي نظمتها الولايات المتحدة الفلسطينية
للتفاصيل هنا
الحمدلله اليوم انتهت على خير وسلامة
وحققنا نجاح حلو كتير
بجهود الاعضاء ، بجهود محبي الولايات ، بجهود الجميع
جمعنا مبلغ محترم وتم تقسيمو على جزئين
الجزء الاول كان من نصيب الاطفال الايتام بمدرسة المهد في محافظة بيت لحم
اللي استقبلونا استقبال غير شكل ومدحو وشكرونا كتير على هالوقفة الجميلة
وتمنو يكون كل شباب فلسطين تفكيرهم متلها >> هيك حسب قولهم
طبعا احنا فرجيناهم الموقع وشرحنالهم شوي عنو وعن الحملة تاعنا وانبسطتو منا كتير
وشكرنا مدير المدرسة ووعدنا بشهادة كتير مصدقة من وزارة التربية والتعليم العالي >> بس ما كان في وقت لأنو رحنا متأخرين ، ان شالله بنصورها وبنحطلكم صورة منها بعد العيد لما ناخدها .
تاني جزء من المبلغ
كان من نصيب جمعية الاحسان الخيرية لرعاية وتأهيل المعاقين في محافظة الخليل
برضو ما قصرو الله يجزيهم الخير ، استقبلونا منيح وعرفناهم بحالنا ومين احنا
وفرجيناهم الموقع وقعدنا معهم شوية من لوقت وكان اليوم بيجنن ..
وبكفينا فخر ...
هاي هي حملتنا والحمدلله
خلصت ع خير
ونجحت نجاح كبير
وكل الشكر لأعضاء الولايات المتحدة الفلسطينية ما قصرو بالمرة بالمرة
رمضان ودعنا والعيد بهنينا
وكل عام وانتو بألف خير .