عملية نصب حصلت !! هل يمكن استرجاع الـ .. (القصه كامله) ومن يساعد له $$
السلام عليكم ..
احد الاخوان تعرض لعملية نصب ..
اتفقوا بالبداية على اخذ خطة استضافه مع ديجي شات بسعر حلو وممتاز ..
ارسل خوينا الفلوس وصلته وقال انها وصلته واستلمها .. وشغل له الموقع ..
للان الوضع طبيعي ..
قاله تشاركني بموقع بيجيب لك اقل شئ 10الاف ريال انا ابدفع 3000 وانت 3000 واقل شئ بعد شهر شهر وشوي ينباع بـ 10 بالقليل ان شاء الله ..
دفع له 3000 خوينا..
شغل الموقع ولا بعد بدا بحملته الاعلانية على كلامه ..
دق عليه بعد فتره يبغى مبلغ سلف ويرجعه بعد مايشغل السيرفر الجديد لانه نقصه كذا الف عشان يستاجر سيرفر مدري من وين ..
ابو الشباب خوينا دفع له ..
بعد فتره وطول طلب منه مبلغ عشانه بيفتح حساب ومدري كيف معه شيكات بحوالي 100 الف ريال واكثر وماتنصرف الا من بلده ( الاردن)
قاله ياخي انا طفشت ومدري كيف اقنعه بكتابة وصل امانه ! :con2:
والشيكات ارسلها له على الكمبيوتر صورة له
وايضا وصل الامانه .. وقاله باذن الله اوصل الاردن بكره بعده بيوم ارسل لك كل فلوسك اللي دفعتها لك ..
طبعا كلامه كان يحسس صديقي بالثقة حيث انه حلف بالله وقال انا عارف وش اسوي ماقاعد العب معك !!
والحين راح اكثر من يوم على الوعد
بانه يرجع له كما وعده وحلف بالله انه يرجعه صباح السبت المبلغ كامل وهو فوق 10 الاف ريال واليوم الاربعاء ..
حاول يدق عليه مقفل وجوال ولد عمه يدق عليه ويقفل بوجهه ويعطيه بزي اكثر من مره ؟؟؟
ارسل له رساله مانفع ..
علما بانه عنده صورة وصل الامانه على الكمبيوتر.. على فكره مكتوب بالوصل [ادفع بموجب هذه الكمبيالة بتاريخ 10/9 لامر..] .. واوراق التحويل له !!
وش رايكم ؟؟
من يكلم ؟؟ انا سمعت انه يكلم السفاره الاردنيه يجيبونه له صحيح هالكلام ؟؟
ملاحظه :
وصل الامانه مكتوب اسمه واسم كفيل وموقع عليه :anger1: ...
رايكم تكفووون الرجال مهمووم وحالته حاله !! وش السواة ؟؟
الرجال وعد اللي يجيب له الرجال والمبلغ بمكافأه $$
__________________
ابونوافــ