اولا السلام عليمك ورحمة الله وبركاته ..
انا والله مادري وين بحط وجهي منكم .. قطعتكم فترة وبدال ما ارجع بالمواضيع الحلوة رجعت بالطلبات ..
عموما ..
انا كطالب .. اطبع شهريا مالا يقل عن 200 صفحة .. متفرقات ..
ولكن مغامراتي مع برنترات الـ hp والـ epson الرخيصة ..
جعلتني في النهائية استقر على ان اشتري برنتر ليزر ملونة ..
سعرها يتراح على الـ 1000 ريال ..
لان البرنترات العادية ابو 400 ريال و 300 ريال .. تشتغل عليها شهرين ولا 3 .. بعدين تبدا حركاتها .. مرة ما يتعرف عليها الكمبيوتر .. مرة سكانر مو شغال .. مرة ما تسحب ورق .. مرة تسحب ورق ويصير paper jam .. ومرة مادري شصير .. ولحبر يخلص وانا ما مداني اطبع شي .. واذا بتشتري حبر جديد .. بيكلفك قد سعرها .. واذا بتعبي حبر .. التعباية بتاخذ وقت وجهد واخر شي يطلع الالوان غلط .. او ساعات يطبع ساعات لا او البرنتر م داخل يفور فيها الحبر .. و لما تخترب ما يسوى توديها الوكالة مع انه عليها waranty .. و و و و
يعني بصراحة انا تعذبت من ورا هالبرنترات التعيسة ..
فقلت بشتريلي برنتر ليزر .. بس لقيت اسعارهم شوية غالية ..
يعني مثلا 2600n ..
عجبتني هذي .. بس مادري اذا عندكم مقترحات ثانية او تنصحوني اجيب نوع ثاني غير HP
لاني بصراحة ابي وحده تشتغل شغل ثقييل وما تعذبني وياها ..
يعني مابيها كل ساعه تخترب .. ابيها heavy duty ..
ننتظر ارائكم ومقترحاتكم يا شباب ..
مشكورين مقدما .. :nice: