بسم الله الرحمن الرحيم
حمل البرنامج مو على جهازك حمله بقلبك عشان يبقى طول العمر ..
اخواني للاسف احنا محتاجين لتطوير اخلاق وتطوير تعامل قبل تطوير مواقع فمثل ما انتم شايفين في كثير من التخوف والتشكيك بين كثير من الاخوان وسببها حالات نصب او حالات اختلاف كبيره او اسلوب رخيص بالدعاية عن المواقع .. و لهذا هذا الموضوع دعوه لكل شخص ليقوم بتحميل برنامج الموضوع هذا بقلبه وراح ألخص الموضوع بنقاط .:::
1- مو كل موقع فيه صور بنات هو إلا راح ينجح
2- مو كل صاحب شركة الكترونية لازم يقول لدينا فريق عمل وهو يشتغل لوحده او مع شخص واحد ما تليق كلمة فريق فيه..
الفردية بالشغل مو عيب ولا شي يقلل من حد ، العمل الغير متقن هو العيب لانك تبيه على انه متقن ... وان كان يفضل التعاون وهذا ما ذكره الله بالقرآن واذا لم يوجد اذا دون مبالغه .. كذا الناس تحترمك اكثر لان الكل عارف ان اكثر العبارات كاذبه .
3- مو دايما اللون الوردي او البناتي بالتصاميم هو الناجح ، ممكن يكون هو المطلوب اكثر وهذا سببه ان المصممين ما يحطون ألوان جديده .. الوان لها طابع حلو عشان تنتشر بالنت ويحبونها الشباب ( " ما ابغى ادخل بقصة الالوان البناتية " ) .
4- مو عيب لو راح شخص لشركة اجنبية وما نقدر نشكك بعروبته لانه ما راح من فراغ قبل ما نحاسبه او نعترض على كلمه ذكرها بالموضوع ، خلنا نحاسب انفسنا ونحاسب اصحاب المواقع العربية الخاصة بالاستضافه اللي خلت هذا الشخص يهرب لشركات اجنبية .
5- ما نتلاعب بكلمات رنانه من حماية وامن استحالة الاختراق لو اخذت مني كذا وكذا الحافظ هو الله ، وما اتوقع في سيرفر يكون صاحبه حاط فيه كل وسائل الامن العاديه و ساد اي طريق بحاجه لحمايه ... الاختراق ما يجي من فراغ لا يجي من نقص بالسيرفر يكون ناسيه صاحب السيرفر لسببين :
1- اما ضعف لغته الانجليزية وبالتالي ما يقدر يتخاطب مع الشركة الانجليزية عشان يعرف ايش يسوي
2- لعدم متابعته امور السيرفرات ومواضيعها وعدم اشتراكه بشركات معروفه .. لدينا " نيوز لتر " اي اخبار دوريه مثل موقع redhat
::: اذا ما نتلاعب بعواطف وجهل ( جهل اقصد عدم معرفه وانتم اهل العلم ان شاء الله ) بعض الاشخاص عن المعلومات
6- ما نتدرب على مواقع المستخدمين ونقول اسوي لك كذا وكذا بمبلغ كذا ويكون متدرب مو على قدر العمل اذا نتدرب اول شي بمواقع خاصه فينا او حتى بـ سيرفر شخصي وبعدين ننزل السوق وبعد تجارب كثيره .. مو نعتمد على انه لو صار معنا اي خطأ نروح ونركض على المنتديات ونقول الفزعه :::::
9- نتقي الله بكل شي وبشغلنا وبمواقعنا ومحتويات مواقعنا ، الناس بتجي المواقع بتنشهر ولكن باسلوب مو رخيص .
10- ما ابغى ادخل بمواقع الاغاني بصراحه لاني انا نفسي اسمع اغاني وادخل طرب كثير ولكن اقدر احمل ذنب نفسي ولكن ما اقدر احمل ذنب أمة تدخل كل يوم 1000 و عشره منها على الموقع وكل ما زاد عداد الموقع زاد العذاب اذا الخسران هو صاحب موقع الاغاني اللي كل ما زاد زواره زاد عذابه
في نقاط كثير بس اخاف اكتبها .. تشوفون الموضوع طويل وما حد يقراه لهذا بكتفي لهنا
و آسف على الاطاله
طور نفسك وشخصيتك وعقلك وقبل كل هذا اخلاقك يتطور موقعك
عالم التقنية