بسم الله الرحمن الرحيم
السلام عليكم
انا ناوي ابيع سيارتي البي إم لانها معي من حوالي ثلاث سنوات واكثر بعد
وابي اشتري لي سياره جديده وكاله تكون موديل 2006 او 2007 من بين هذي القايمه اللي انا حددتها:
1- جمس سوبربان فل اوبتشونز دفرنسين موديل 2006
وانا اميل لهذا الاختيار لانه الواحد يقدر يحط عليه أي جنط وبشكل عاااام يقدر يضيف عليه اي اضافه او تعديل وفي نفس الوقت هي سياره شبابيه وعائليه وحق بر ووسيعه من جد من الداخل بعكس اليوكون اللي مافيه مساحه ورا المقعده الخلفيه الأخيره
2- جمس سوبربان دينالي موديل 2006
عيبه الوحيد انه الواحد ما يقدر يضيف عليه كفرات الشاهين ذيك الكبيره لانه وجه الجمس الدينالي ما يساعد هذا بنظري أنا
3- جمس يوكون فل اوبتشونز موديل 2006
مثل ما قلت لكم انه عيبه المساحه الضيقه والصغيره اللي ورا المقعد الخلفي الأخير
4- جمس يوكون فل اوبتشونز موديل 2007 لانه نزل موديل ال2007 في المعارض السعوديه الآن
كل شي فيه حلو سواء الشكل الخارجي والداخلي لكن عيبه المساحه الضيقه والصغيره اللي ورا المقعد الخلفي الأخير ويصلح عليه كفرات الشاهين الكبيره بنظري
5- جمس يوكون دينالي موديل 2007 لانه نزل موديل ال2007 في المعارض السعوديه الآن
كل شي فيه حلو سواء الشكل الخارجي والداخلي لكن عيبه المساحه الضيقه والصغيره اللي ورا المقعد الخلفي الأخير ويصلح عليه كفرات الشاهين الكبيره بنظري
6- جيب لكزس موديل 2006 لانه ما بعد نزل ال2007 في المعارض السعوديه
ما يمدحونه من ناحية انه عملي يعني اللكزس يشكل عاااااام كل فئاتها مو عمليه وهذا حسب كلام بعض اصدقائي موب حسب خبرتي وتجربتي لاني ما امتلكت خير سياره وحده هي البي إم
7- جيب لاندكروزر في إكس آر موديل 2006 لانه ما بعد نزل ال2007 في المعارض السعوديه
مادري انا متردد لانه اللاندكروزر موب حق طلعات لشارع التحليه والا التخصصي الخ ولا هو حق التكشيخ لانه بنظري حق بدو مع احترامي للبدو وغير هذا يقولون انه مرررره موب حق سفر مو مريح الخ لكنه في داخل المدينه والبر من السيارات الممتازه
8- جيب نيسان باترول موديل 2006 لانه ما بعد نزل ال2007 في المعارض السعوديه
برضو متردد فيه ويقولون انه مريح في السفر بعكس اللاندكروزر
9- جيب نيسان آرمادا موديل 2006 لانه ما بعد نزل ال2007 في المعارض السعوديه
هذا والله شكله حلو والواحد يقدر يكشخ فيه في شارع التحليه الخ بعكس اللاندكروزر والباترول
10- جيب همر إتش 3 موديل 2006 لانه ما بعد نزل ال2007 في المعارض السعوديه
هذا احلى مافيه اسمه ومن دون ما الواحد يضيف عليه رقم الثلاثه اما من ناحية الشكل فمو هذاك الشكل الحلو بعكس الهمر اتش 2 وال1 اللي للأسف غالي سعرهم علي
11- جيب فولكس واقن طوارق موديل 2006 لانه ما بعد نزل ال2007 في المعارض السعوديه
هو من ناحية الفخامه والشكل برضو حلو لكن شكلي ما راح اختاره في الأغلب
12- انفينيتي FX35 موديل 2006 لانه ما بعد نزل ال2007 في المعارض السعوديه
هذي شكلها روعه وفخامه لكن يقولون انه الانفينيتي خرابه سريع ومو عملي!!!!!!
13- انفينيتي FX45 موديل 2006 لانه ما بعد نزل ال2007 في المعارض السعوديه
ملاحظات
- السيارات اللي اخترتها في هذي القايمه هي اللي اعجبتني من بين كل السيارات الثانيه اللي انا ما ذكرتها
- السيارات اللي انا كتبتها لكم راح تلاحظون انه سعرها ما يتعدى ال200 ألف ريال سعودي وهذي هي ميزانيتي + حوالي ال10 آلاف ريال راح تكون مخصصه حق الاضافات مثل الجنوط او السستم ستيريو او اي اضافه والا تعديل
- وراح تلاحظون انه السيارات اللي انا كتبتها من الحجم الكبير و فور باي فور لاني ابي سياره كبيره هذي المره مابي سياره صغيرة الحجم
ملاحظه ثانيه غريبه
يقولون في العيسى وكثير من المعارض انه السوبربان موديل 2007 اللي للحين ما بعد نزل!!!!!!! انه ما راح يتغير شكله بعكس اليوكون اللي تغير شكله ونزل في المعارض!!!!!!! غريب مع انه المفروض اذا تغير شكل اليوكون 2007 يتغير شكل السوبربان والا وش رايكم؟
مع تحيات راعي البي إم