السلام عليكم ورحمة الله وبركاته..
أولاً نستفتح بهذي الصوره اللي صورتها قبل جم يوم:
http://www.flickr.com/photos/q8ieng/6277006666/
لما كنت بشيكاغو دخلت مجال اني اشتري كاميرات قديمه جدا، وأصوّر فيها.. أشتري لها افلام، واحاول اجربهم على الكاميرات..
بعضهم يضبط اذا كان مقاس الفيلم مضبوط، وبعض الافلام مايضبط مايركب على الكاميرا، فيحتاج لطريقه انك تزيد من طوله يسمونها re-spooling ولازم تكون بالغرفه المظلمه! Darkroom مظلمه جدا..
فكنت اسوي هالشغلات، وادمنت عليها..
ومن ثم تتم عملية تحميض الافلام واستخراج الnegatives، عن طريق استخدام بعض المواد الكيميائيه، لتحليل الفيلم والحصول على الـnegatives..
عموما، ردينا الكويت الحمدلله.. بعد شهر من الراحه قررت العوده!
الصوره اللي ارفقتها فوق، هذي صورة احدى الكاميرات اللي املكها.. اسمها Yashica 635 معروفه جدا بالTwin Lens واشهرها كاميرا Rolleiflex ..
عندي صور أيضا للكاميرات الاخرى التي املكها، لكن أحب ان اصورهم بطريقه professional افضل من الصور المتوفره حاليا، بعدين اسدحها هني ان شاء الله
هذي صورة للnegatives اللي حصلت عليهم بعد تجربتين لي:
- التجربه الأولى:
http://twitpic.com/4p0p25
لو تلاحظون الexposure كان عالي فأغلب الnegative لونه أسود.. محاوله لا بأس بها..
- التجربه الثانيه:
http://twitpic.com/4p0p9c
هذي بحسب نظري أفضل من اللي قبلها! الnegatives كلهم واضحين تقريبا..
والحين ان شاء الله جاري طلب Epson V500 Scanner يقوم بعمل scan للـNegatives الى الكمبيوتر ويحمضهم لصور عاديه بالكمبيوتر..
هذا اللي حبيت اشاركه وياكم، اللي عندي أي سؤال بهالمجال انا بالخدمه ان شاء الله..
بالتوفيق..