اصبروا قبل ما تفرحون , الشركه فعلا تعاقدت مع شركة تقدم خدمه في مجال الانترنت , لكن مو لكم انتم, الخدمه للاتصالات بس عشان تساعدهم على النهب اكثر , اجل على بالكم بتسوي شي لسواد عيونكم؟
السالفه و مافيها ان شركة الاتصالات السعوديه بتتعاقد مع شركة Narus عشان تسوي لهم خدمه تصيد اي احد يستعمل برامج اللي تعتمد على تقنية الـVoIP . البرامج مثل Skypeو ياهو ماسنجر و قوقل ماسنجر تستعمل هذي التقنيه اللي تخليك تتكلم مع اصدقائك اللي ضايفهم معك ببلاش و بصفاوه عاليه.
طبعا شركة الاتصالات ما راح تخليك تتهنى فيها, و بدال ما يدفعون فلوس عشان يطورون خدمتهم راحوا يدفعونها عشان يمنعون اي احد من استعمال هذي البرامج. البرنامج اللي بيركبونه عنده قابلية ايقاف خاصية الـVoIP في البرامج المذكوره و الاخرى اللي تستعملها, و عندها ايضا خاصيه تخلي الاتصالات يدفعونك على الوقت اللي تستعمل فيه هذي البرامج, يعني كانه فاتورة تلفون , كل ما تكلم اكثر كل ما تزيد عليك الفاتوره !
يعني لو الشركة زي الناس كان قلنا يالله يحق لها تسوي خدمه كذا تحمي نفسها شوي , اما الحراميه ذولي يسوونها قويه شوي !
ما اقول الا حسبي الله و نعم الوكيل بكل من كان مسؤول عن "شفط" المواطنين...
مصدر الخبر:
http://www.narus.com/press/2005/0418.html