السلام عليكم :shy:
<<<<<<<< ماسكه معاه غلط :funny:
عندي سيدي محتفظ فيه بقصائد كنت أشارك فيها بالمنتديات قبل لا أسوي منتدى وياليتني ماسويته![]()
نرجع لموضوعنا![]()
كنت أفتش بالسيديات القديمة عندي وشفت قصييييييييييدة ماحصلتش على لسان أحد الشعراء وسواها رديه بين العلج بوشوالعلج التقليد ( جيانق زيمن) رئيس الصين :funny:
حبيت ان تقرونها مع انها قديييييييييمه :shy:
محاورة شعرية بين الرئيس الامريكي المخنز( جورج بوش ) والصيني ( جيانق زيمن).
الجميع يذكر قصة الطائرة الأمريكية التي تم إحتجازها في الصين لتسببها في سقوط طائرة صينية ومقتل قائدها
وقتها حدثت هذة المحاورة الشعرية بين الرئيس الامريكي ( جورج بوش ) والصيني ( جيانق زيمن).
جورج بوش ،،، خلووووها
سلام رديه على حاكم الصين=بالخير ياراعي النظام الشيوعي
ياجيانق بن زيمن نبى معك قافين=والبرق عانه في المخايل يزوعي
جيانق زيمن ،،، خلووووها
يامرحبا ياقايد الغرب واهلين=ترحيبتن ترضي غفير الجموعي
البرق عانه يبرق يسار ويمين=يوم الرعد حدر السحايب يروعي
جورج بوش ،،، خلووووها
ماجيتنا ليلة لفونا المهنين=يومن واشنطن تشب الشموعي
ليلة حكمت الكون في عام الالفين=جوني هل الطالات غصبن وطوعي
جيانق زيمن ،،، خلووووها
ارسلت لك يابن النشامى خطابين=جت لك مناديبي تبارك فزوعي
وانا حكمت الشرق من عام سبعين=ما اعلنت للحكام قبلك خضوعي
جورج بوش ،،، خلووووها
انته تحسب الكون باقي بقطبين=الراسماليه وطت كل شوعي
يانايم اصحى مرت اعوام وسنين=ماعاد فيها يابن زيمن رجوعي
جيانق زيمن ،،، خلووووها
يابوش حنا بالسياسه ملمين=ومن دون هيبتنا بنينا الدروعي
ليتك تحل المشكله في فلسطين=عز الله ان ابوك ماهو طقوعي
جورج بوش ،،، خلووووها
ياجيانق انا طوفت وحده وثنتين=والثالثه بتكون بين الضلوعي
الطايره وش علمها فالها شين=اللي لها بحماك حول السبوعي
جيانق زيمن ،،، خلووووها
الطايره ماردها غير بكين=جانا يقالبها خبيث الطبوعي
وين احترام الانظمه والقوانين=مثلك عن سلوم الدول مايتوعي
جورج بوش ،،، خلووووها
ماهي بيمك رايحه للفلبين=فوق المحيط الها نزول وطلوعي
مير اعترضتوا دربها يالشياطين=عز الله اني من سواتك جزوعي
جيانق زيمن ،،، خلووووها
يابوش يابن بوش تلعب على مين=ماهوب انا اللي بالكلام مخدوعي
يابوش وطتها في الارض الشياهين=كانت تجسس وهزعتها هزوعي
جورج بوش ،،، خلووووها
هات الادله كان عندك براهين=يومك تقول ارخت علاك السموعي
مخطين ياهل الصين منتم بمقدين=وشيهانكم عود غرابن خروعي
جيانق زيمن ،،، خلووووها
ركابها يابوش خمسه وعشرين=عسكر من الجيش النظامي نزوعي
حاصرتهم يابوش بالجيم والسين=حتى خذيت العلم منهم قطوعي
جورج بوش ،،، خلووووها
عينت طيارك غدا راسه طحين=وامه على قبره تهل الدموعي
الطايره ترجع لنا بعد يومين=اخذ الكلام ولاتطول تعوعي
جيانق زيمن ،،، خلووووها
خل العلوم قصار واسمع لنا زين=عسكرك جولك يالسنافي رجوعي
والطايره لاعاد تنشد لها وين=راحت ديه في واحدن من ربوعي
وسلامتكم![]()