معناتي مع الاتصالات وخدمة الدي اس ال
تصدقون اني اطارد ورا ذا الخدمه من رمضان
واخيس شركة اتصالات بالعالم الي بالسعوديه وربي قهر
تخيلو رحت لسعودي نت ابي اركب الخدمه وطلبتها بما انهم هم مقدمي الخدمه
عبيت البيانات وقالو كم يوم ونكلمك اذا سوينا الخدمه قلت اوكي
والله وكيلكم اسبوع وانا ملطوع وادق عليهم قالو تليفونك عليه مديونيه
مير ادق على 907 واسالهم عن المديونيه قالو ماعليك شي
ودق على سعودي نت قالو احنا نكلم ويومين وهم لاطعيني قالو عليك مديونيه قلت 907 يقولون ماعليك وهم حقين الثابت انتم من وين جبتو الخبر
قالو هذا الي طلع لنا مير ابحص واكلم من هنا وهنا
وربي طلع لي رقم تليفون ثابت مدري من وين جاء
وطلع عليه فاتوره 500 ريال قلت الشكوى لله وش نسوي نسدده مير وانا اشكهم بخطاب ابي اعرف الرقم من وين جاني
وادق على سعودي نت قلت لهم فكينا المديونيه قالو اوكي احنا نكلمك
واربع ايام وانا ملطوع واتصل عليهم
قالو تليفونك بارقين ولازم تحوله برايمري يحووووووووووووول
وش السواه وانا اقعد شهر ادور احد اعرفه
ومن 907 الى 904 الى خدمة كبار المشتركين ومن واحد لواحد وشهر واماطلعت بنتيجه
وبالاخير واحد بالاستراحه قال انا اعرف واحد بغيت اصفقه وربي مير وحنا نتصل على الرجال قالي اوكي بكره احوله لك
واسبوع ويالله يحولونه
وادق على سعودي نت قلت لهم حولته خلاص
قالو طيب واسبوع ملطوع قالو البرايمري الي ركبته ماستغل عليه الدي اس ال وربي شوي وابكي من جد انقهرت
وش السواه قالو حوله لبرايمري ثاني قلت طيب
واكلم الرجال الي حولوه لي قال انا بدوره وارجع بعد شهر
ابشركم الشهر خلص وبكره موعدي مع الرجال يارب يخلصوني وربي مليت من ذا الاتصال العادي
انا طالب سرعه 256 بالاخير نبي 64 اي شي
وربي هذا الي صار معي وربي في مواقف واتصالات انا ماذكرتها بالموضوع المهم تخيلو من شهر رمضان يعني حوالي 4 شهور وانا اطارد ورا ذا الخدمه
حبيت اقول افشل شركه اتصالات بالعالم واكبر شركة نصب
شركة الاتصالات السعوديه
تخيلو تمشي علي خدمة الدي اس ال 200 ريال شهري والخدمه مب شغاله عندي تقولون كيف اقول والله مدري
بس وربي قاعدين يحسيونها علي
ادعوووووو لي ان الرجال يحل مشكلتي والا والله فلوس الدي اس ال اني لحطها بمراقص الشام