اسعد الله اوقاتكم بالخير . .
تخيلو معي شخص متحمس وعنده فكرة ممتازة لموقع . . اخذت الفكرة تطبخ في راسه . . وبعد تعب في كتابة الفكرة ودراسة جدوى الموقع من كل الجوانب قرر ان يتوكل على الله وينفذ الفكرة . .
جت مرحلة التنفيذ وبدأ الشغل . . البحث عن مبرمج جيد قادر على تنفيذ الفكرة . . وهنا المشكلة ان لقيت مبرمج متمكن بتكون تكاليفه مرتفعه وان حصلت مبرمج تكاليفه معقولة تلقى شغله اي كلام . . بعد ما تتفق مع مبرمج ويبدا يحول لك الموقع من فكرة الى اكواد برمجية و دفعت في هالشغلة المبلغ الفلاني تبدأ تشتغل مع المصمم لتصميم ديزاين الموقع . . وبرضه بتدفع المبلغ الفلاني . . بعدها بتبحث عن شركة استضافة وهذي مشكلة ثالثة وين تحصل شركة الاستضافة الي ما ترسل لك كل اسبوع رساله اعتذار عن توقف السيرفر للصيانة ونقل المواقع . . ومع كذا برضه بتدفع المبلغ الفلاني ..
لكن مو مهم كل هالتعب والمبالغ الي دفعتها في سبيل ان الموقع خلاص صار جاهز و مستعد لاستقبال الزوار بالالف . . الان الموقع جاهز لاستقبال الزوار . .
بعد فترة من الحماس والاثارة خلال فترة الافتتاح تتفاجئ وتنصدم وقت ما تكتشف انك الوحيد الي قاعد يتصفح موقعك . . مع زيارات متقطعه من اصداقائك الي ازعجتهم بسوالفك عن الموقع وفكرته . .
تحاول تنشر الموقع من خلال كذا طريقة . . لكن مافيه فايده مجموع زيارات الموقع خلال شهر مايتعدا المئتين زيارة . .
وتحاول مرة ومرتين وثلاث تجلب الزوار لكن النتيجة ماتغيرت . . الموقع بدون زوار
وقتها بعد الاحباط تهمل الموقع ويقل حماسك له . . وتروح تسأل يمين ويسار عن الحل . .
واكيد بتفكر تسأل اعضاء سوالف عن الحل . . وودك تستفيد من تجارب اهل الخبرة واصحاب المواقع . .
وبتسألهم . .
ماهي افضل طرق تسويق ونشر المواقع العربية ؟
وانت متأكد ان عند اعضاء سوالف الخبرة والتجربة الكافية عشان يجاوبون على سؤالك
ملاحظة : القصة خيالية وافتراضية بغرض فتح باب النقاش
sultan_85