قالت من انت وقلت مجموعة انسان
............... من كل ضد وضد تلقين فيني
فيني نهار وليل وافراح واحزان
...............اضحك ودمعي حاير وسط عيني
فيني بداية وقت ونهاية أزمان
...............اشتاق باكر واعطي أمسي حنيني
واسقي قلوب الناس عشق وضنيان
...............واهدي حيارى الدرب واحتار ويني
واحاوم طيور السما حوم نشوان
...............واسيل الوديان دمعي حزيني
في عيني اليمنة من الورد بستان
...............وفي عيني اليسرة عجاج السنين
تهزمني النجلا وانا ند فرسان
...............واخفي طعوني والمحبة تبيني
ان ما عرفتيني فلاني بزعلان
...............حتى انا تراني احترت فيني