ادريان هو مدير العمليات في شركة Internet Brands
وشركة Internet Brands هي المالكة لموقع vBulletin
اليوم جالس فاضي وشايف القسم نايم قلت خليني اترجم هذه المقابلة لواحد مهم من فيبولتين عشان عيون سوالف مو صاحبها وبعض المشرفين اللي واحد منهم وقفني اول ولا حد فكر انو يقولي معليش او يتاسف ، ياالله مو مهم اهم شي سوالف الله يعمرها
نروح الحين على المقابلة
ممكن تتكلم عن نفسك شوية؟
اهلين ، عمري 26 ، أعزب ، أَحب الاكل والدراجات البخارية والرحلات والناس
تعرفت على المنتديات قبل 6 سنوات لمن كنت ادور على مسائل وانا موظف في شركة فورد للسيارات ، في المنتديات كنت الاقي اجوبة سريعة اكثر مما الاقي من مهندسينا مع انني واحد من هذول المهندسين . تعلقت اكثر بالمنتديات وكملت المشاركة والتفاعل مع اعضاء المنتديات ، في الاخير صرت مراقب بعدين مشرف بعدين ادمن واخر شي صرت مدير موقع ، هذا خلاني اقابل كثير من الناس البروفيشنل وحبيت المنتديات اكثر وفي اخر 2007 منتدى vBulletin تم شراءه من قبل Internet Brands وانا كنت محظوظ عندما عرض علي الاشراف على جميع العمليات واقسام Internet Brands وهذا خلاني اتواصل مع كل العالم وانا كنت اشتغل في ملبورن في استراليا وهذي قفزة كبيرة لي من مهندس ، ما ادري كيف حسبتها بس استغليت الفرصة وجت معي صح ، والحين بدال ما اتفاعل مع منتدى واحد صرت اتفاعل مع 700 الف منتدى
كيف لقيت الوضع مع Internet Brands ؟
الوضع منتاز ، ارتحت لكن العمل يبغاله شوية تركيز ويمكن انا مالقيت مكان زي هذا الناس يشتغلون فيه وهما يحبون شغلهم وينجزونه بسرعة
كيف تشوف مستقبل vBulletin - وش راح نتوقع نشوف في vBulletin 5؟
شوف المنتديات تتطور ونحنا نحتاج اليها ، انا ما ابغا مميزات محددة لكن عموماً اكثر الحاجات اللي نشوفها مهمة مع vb5 هي التفاعل مع برامج التواصل الاجتماعي والمجموعات الاجتماعية
هل راح تعيدون كتابة برنامج vBulletin 5 ؟ ومتى الموعد التقريبي اللي ممكن نشوفه فيه ؟
شوف الاصدار الخامس ما راح نكتبه من جديد ، اللي راح نسويه هو اننا نراجع الكود الموجود ، وعموما بعض مزايا vb4 راح نخليها وراح نبني عليها ، والوقت ما اقدر اعطيك موعد محدد
هل راح تعترف انو فيه اخطاء في vBulletin 4؟ وكيف راح تعوضون زبائنكم عن هذه الاخطاء؟
هل راح يكون اطلاق الذهب vBulletin 4 قوى؟ اكيد ، هل ممكن برنامجنا يكون افضل الموجود ؟ اكيد ، خلينا نكون حقانيين كل البرامج ممكن تتحسن اكثر ، خلينا نكون حقانيين ونقول انو في كثير من التعليقات والاراء اللي كتبها زبائننا ونحنا التزمنا فيها وحاولنا اننا نوفر افضل برنامج ممكن نقدر عليه ، وترى عندنا مخطط للمزايا في vb4 اللي حطيناها مع زبائننا وممكن تشوفها هنا http://www.vbulletin.com/forum/showt...lletin-Part-II
كمان نحنا جالسين نحل مشاكل البق اللي يتم اكتشافها ونكمل التحديثات والتطوير اسرع من وضعنا قبل vb4 ، كمان نحنا زودنا ادارتنا والدعم عشان نقدر نخدم عملائنا وعشان نحقق طموحنا في تطوير المنتدى لاخر درجة
ايش هي الهاكات الافضل اللي تشوفها لمنتدى vBulletin ؟
اعتقد هاك الشكر وبلق المنتديات الفرعية ، الاثنين بسيطين وجميلين بس فعالين
ونحنا الحين في ايام ترقية ايش تنصح ويب ماستر المواقع عشان يحسنوا ويشهروا مواقعهم؟
شوف فيه حاجة معروفة جدا ولسع ليها فايدة كبيرة وهي انك تحط وصلة لموقعك في المواقع المحترمة المشابهة لموقعك عشان تزيد الزيارات على موقعك ويزيد تقييم موقعك في محركات البحث ، حاجة ثانية انك تحاول تهتم ان يكون لموقعك حظور في الوسط الاجتماعي في الفيس بوك والتويتر واليوتيوب بوصلات الاحالة المناسبة واللي ممكن توجه الزوار لموقعك وتكون مفيدة جدا ، واهم شي في نظري المحتوى المحتوى المحتوى ، يعني حاول تحط محتوى جديد وتحاول تجدده باستمرار هذا اكثر شيء ممكن يفيد موقعك ، اصعب شيء هو اصحاب المواقع الجديدة اللي ما عندهم سالفة ولا اعضاء ممكن يبنون المحتوى عشان كذا ممكن تدور على محترف او كتاب شبه محترفون ممكن يكتبوا محتوى جديد ودائم لمجلة المنتدى وهذا افضل شيء ممكن تعمله عشان تجيب الزوار اللي مهتمين بتخصص منتداك
ايش راح يكون تأثير المواقع الاجتماعية على المنتديات ؟
الاثنين بينهم تنافس وومكن يعيشوا مع بعض، بس اقولك الصدق اكيد هو سوق صعب لنا المستعلمون يتنافسون على شراء جرار في لعبة والا يرسلون صورة رحلتهم الى اسبانيا الى الفيس بوك او فليكر او بيكاسا ، والا تخبر كل واحد عن طريق لعبة الاجتماعية والا جوالا انك موجود في ستاربكس ، او تحط تعليق في تويتر وواحد ثاني جالس يتابع فيلم على اليوتيوب ، بعد كل هذا مين اللي راح يفكر يروح منتداك والا حتى راح يدخل البريد ، عشان كذا المنتديات لازم تهتم بالوسط الاجتماعي اللي جالس يكبر بسرعة عشان تحجز لنفسها مكان والمنتدى يعرض مجموعةادوات وتحقيق امثلية مكائن البحث والمجموعات الاجتماعية
ايش تتوقع ل vBulletin وInternet Brands بعد 10 سنوات؟
والله مدري وش اقولك ، بس عشر سنوات ما هو وقت بسيط لمظمة او منتج ، وعموما انا اللي ابغاه ان يكون هناك مجال لعرض محتويات اكثر ، ولمن تظهر ادوات جديدة ابغا vBulletin وInternet Brands تكون موجودة وفي وسط هذا
الحين خلينا نسأل عن المنتدى المنافس الجديد ، وهل راح تجدد وسيط التحويل من XenForo الى vBulletin؟
شوف فيه مئات من برامج المنتدى ونحنا نزود دعم اذا كان عليه طلب في السوق واذا كان فيه حاجة للتحويل من XenForo الى vBulletin فنحنا راح نعمله
مؤخرا نشرت بعض المعلومات عن القضية المرفوعة ضد XenForo. ، السؤال هل نشر المعلومات عمل دعاية غير مقصودة لXenForo ؟
نحنا نشرنا المعلومات عشان نخبر زبائننا ونتعامل معاهم بشفافية ونخليهم يشتركون معانا في التفاصيل ، واعترف ان هذه الطريقة ممكن تضعف موقفنا قدام محكمة الراي العام ، وفي الاخير نحس ان اهم شيء هو مصلحة زبائننا
كثير من مستخدمين vBulletin معارضين للدعوى ويشوفون ان مالكم حق ترفعون القضية ، فهل انتم زعلانين علشان هذا الشيء؟
انا اقدر شعور بعض زبائننا لكن صعب جداً نحط اي تعليق الحين على اللي قاعدين نسويه الين تنتهي القضية او نلقى حل وسط ، يعني ما نبغا نسبق حكم المحكمة
http://forumpromotion.net/forum/blog.php?mode=view&b=20
وسلامتكم
رد مع اقتباس
المشاركة الأصلية كتبت بواسطة ahmed-samara 
