مبزرة ترايدنت

[عواد شمر]

السلام عليكم ورحمة الله وبركاته

تم حضري اليوم بترايدنت ، والسبب عنطزة بعض المشرفات هناك


اقسم لكم بالله يااني شفت العجب بترايدنت ! اعضاء غالبيتهم خرفان ومبزرة

من ناحية خرفان ان راح عضو يمين راحوا كلهم معه وان راح يسار راحوا معه شخصيات ضعيفه جدا


عنطزة المشرفات حدث ولا حرج ، تتحدث عن موضوع يخص النساء تحذف ردك لانه مااعجبها !

اشتكيت عليهن بقسم الشكاوي وترد علي نفس المشرفه هههههههههه

انا ماانتقص من المعهد بكبره ولا انتقص الاخ تركي الودعاني الشهم ، المعهد استفدت منه ، لكن فيه اعضاء ومشرفين اقل مايقال عنهم بزران !

[لامارتين]

ترايدنت كلهم صغار في العمر

والفئة هذي هي اللي تفيد ترايدنت

تفاعل كبير + يتحمسون للإشراف + ضغط على الاعلانات


علشان كذا لا تتوقع ترايدنت يهتم بنا مثل مايهتم بهؤلاء

[مغرور]

واحنا وش نستفيد من موضوعك ؟؟
أو من ناحية اخرى أنت وش راح تستفيد ؟
هذا منتدى وذاك منتدى الله يرضى عليك

[عواد شمر]

ترايدنت كلهم صغار في العمر

والفئة هذي هي اللي تفيد ترايدنت

تفاعل كبير + يتحمسون للإشراف + ضغط على الاعلانات


علشان كذا لا تتوقع ترايدنت يهتم بنا مثل مايهتم بهؤلاء

على طاري الاشراف ، لاحظت الاعضاء يحتكون بالمشرفين، يحطون لهم لايكات كثير

[# عبدالعزيز الحربي #]

ما يعيب ترايدنت فقط المشرفين !
وقد تحدثنا سابقا واشخاص اعرفهم طردوا لاسباب تافهه ..

سوالف لو طبقت المجتمع بالشكل المطلوب + قامت بحملة تنشيطية للموقع .. راح يرجع سوالف لاوج عطاءة كما كان بالسابق

[مجود الحفر]

عليكم السلام ورحمة الله وبركاته

ماعجبك ترايدنت لا تدخله ولا اعتقد يستحق ان تكتب موضوع

حبيبي المنتديات الان تغيرت كثير

اتمنى من سوالف ان تطبق فكرة المجتمع لان لي تقريبا اكثر من سنة اسمع بها ولم تطبق

سوالف لابد ان تعمل وتترك البرود والكسل

في الحقيقة لاشئ مميز في سوالف الان

لذالك لابد ان يعيدو حسابتهم


الا صحيح نسيت اسلم عليكم وابارك لكم في هالشهر الفضيل

[سلوكا]

يالطيب .. انت خطاب ؟ الي بترايدنت ؟

اذا انت هو بقول اسف انت الي ردودك كانت كـ الاطفال .. مو كل موضوع لازم تكتب فيه رد يسيئ الى الكاتب او احد الي ردو بالموضوع .. كونك كنت تحط صورة الخطاب المجاهد .. فتحلى باخلاقه.

[عواد شمر]

يالطيب .. انت خطاب ؟ الي بترايدنت ؟

اذا انت هو بقول اسف انت الي ردودك كانت كـ الاطفال .. مو كل موضوع لازم تكتب فيه رد يسيئ الى الكاتب او احد الي ردو بالموضوع .. كونك كنت تحط صورة الخطاب المجاهد .. فتحلى باخلاقه.

نعم


اذكر هالردود اللي تقول ردود اطفال

ردي لايسيء للكاتب ، بل لايعجب المشرفين


احد اخلاقه قوة الشخصية ، والمشرفين هناك مايحبون قوي الشخصية ، يبون الخروف اللي يقول سم وابشر ، وانت اخبر بهالكلام


ردود يعتدى عليها بالحذف ، اعضاء غالبيتهم مع الخيل ياشقرا ، مشرف بزر تكتب موضوع عادي يجيك ويقفله بس تكتب موضوع واطي يخليه

الشمس لاتغطى بغربال :nice:

[alotaiby]

أذا كان تركي الودعاني مجبرك تسجل الله لايوفقه

[بوابة التميز]

أخواني ترى كل صاحب موقع , مسؤول عن موقعه , وراح يتحاسب لو كان فية ظلم ولا تعدي ,,, وهذا ينطبق على تركي الودعاني , وجميع اصحاب المواقع الثانية ,,,

بالذات المُنتديات لابد للشخص أن يكون حذراً ومُتابعاً لموقعه أولاً بأول ,,, لآنك ماتدري يمكن دعوة مظلوم واحد تجيب لك مُصيبة ,,

[لامارتين]

أخواني ترى كل صاحب موقع , مسؤول عن موقعه , وراح يتحاسب لو كان فية ظلم ولا تعدي ,,, وهذا ينطبق على تركي الودعاني , وجميع اصحاب المواقع الثانية ,,,

بالذات المُنتديات لابد للشخص أن يكون حذراً ومُتابعاً لموقعه أولاً بأول ,,, لآنك ماتدري يمكن دعوة مظلوم واحد تجيب لك مُصيبة ,,

+1

[وليد]

ابشر بالعوض يا عواد شمر
عندي 50 دعوة في ترايدنت
كلها تحت امرك

اذا ما كفتك خمسين عضوية
علمني اجيبلك غيرها

[عواد شمر]

ابشر بالعوض يا عواد شمر
عندي 50 دعوة في ترايدنت
كلها تحت امرك

اذا ما كفتك خمسين عضوية
علمني اجيبلك غيرها

تسلم وبيّض الله وجهك ماتقصر ، بس طابت النفس دام مشرفينهم النفسيات موجودين

[ميسي الروقي]

لي سنَة أراسلهُم آبيهم يفعّلون نكي المميز xD ~> ميسي الرووقي
بس قبل كَم يووم عرفت ان مآعند أعضائهم سالفه ..
المششكله مايصلح تدخل غير المُنتدى العام ..
أُقسم بالله أغلب الأقسام الباقية مواضيعهاا مسرووقه والعمّ قووقل والبآندا حقته ماكأنهُم يدروون ..
كم موضوع كتبته من مدونتي وبحثت بقوقل لقيته بترايدنت وبأول النتائج ؟؟