الموضوع: ماأفتكينا من الإتصالات جتنا البنوك

السلام وعليكم ورحمة الله وبركاته
ياإخوة أغلبنا عارف مشكلة البنوك وخصيصاً في فتح الحسابات رحت لاأكثر من بنك أبي أفتح حساب يقول مافيه رح مانفتح لطلاب أيش السبب يعني كل البنوك الراجحي , الرياض , الأهلي , الأمريكي و الهولندي كل شيء أنا بس أبي أفتح حساب
كل البنوك مافيه علاطول بوجهك مانفتح حساب عندنا زحمة طيب ياعالم لو انكم خلصتوا الناس كان ماجت الزحمة
وقصتي مع الهولندي وهي إني رحت للبنك وقلت أبي أفتح حساب طبعاً قبل كل شيء أنا أقولكم أن شكلي صغير يعني اللي يشوفني يعطيني 16بالكثير وأنا بالحقيقة 19 المهم شاف شكلي قال كم عمرك قلت له 19 طبعاً ماصدق وبعد ماوريتله البطاقة صدق بس ماوده يفتحلي حساب قال لازم تودع 1000 ريال قلت أوكيه أفتحلي يوم عرف إن معي 1000 قال دقيقة أتصل ماأدري على من وقال تغيرت القيمة لازم تودع 5000 قلت له طيب وطلعت وجيتله بعد شوي ومعي 5000 قال لا أسف عزيزي المدير يقول 10000ريال أنا زعلت صراحة وطلعت

أما سامبا رحتلهم قالوا لي جب تعريف من الجامعة قلت له أنا أدرس برا المملكة من وين بجيب لك تعريف قال رح سولك برنت من الأحوال المدنية ويوم درت 2ساعتين بشوارع الرياض أدور على الأحوال المدنية ويوم لقيتها قالوا لي علشان تسوي برنت لازم يكون عندك خطاب رسمي من الجهة الطالبة للبرنت

ياإخوة أيش هالتعقيد يعني خلاص شكلي صغير تبون تعذبوني هذه خلقتي ربي أيش أسوي يعني والله إني أتكلم وانا مقهور ولد عمتي عمره 15فاتح له حساب لاإنه لقى له واسطة :anger2:

علشان كذا ياإخوة اللي عنده واسطة يعلمنا وندعيله بالجنة

هههههههههه
شو دخل الشكل بالموضوع ؟؟؟
مادام ان في ID ومسموح لك تفتح بعمر معين ( ولنفرض 18 )
يعني غصباً عن الموظف انه يفتح لك الحساب ..!! شي غريب الي يصير عندكم

الله يكون في عونك ، وانصحك تشوف لك بنك عالمي وفيه موظفين اجانب مو عرب!!!
الاجانب فاهمين شغلهم ويشتغلون بضمير .. اما العربي ( للأسف ) يبي يلحق على الغدا

<<<<<<< اتكلم عن واقع شفته بعيني




تحياتي

ياعمي

عندك الغرفه التجاريه

روح أشتك عليهم ووالله يتأدبون

ماخذها انا ترى قاعده

أي محل تجاري أو جهه من الجهات تختص بالتجاره ويجي أحد يسيء معاملتي

والله أهدده بالغرفه التجاريه ويتأدب معي

إذا عندك فراغ روح للغرفه التجاريه وقول له الكلام وخاصه عن الهولندي لأه شي مايدخل في البال يقول

أول شي ألف بعدين خمسة آلاف ولا عشره

والله لو أنا كان سويت في البنك شي

لأني ماعندي قوة تحمل يجي أي شخص في العالم يتلاعب فيني ويضيع وقتي وكل شوي له كلمه

المشاركة الأصلية كتبت بواسطة pro-des

ياعمي

عندك الغرفه التجاريه

روح أشتك عليهم ووالله يتأدبون

ماخذها انا ترى قاعده

أي محل تجاري أو جهه من الجهات تختص بالتجاره ويجي أحد يسيء معاملتي

والله أهدده بالغرفه التجاريه ويتأدب معي

إذا عندك فراغ روح للغرفه التجاريه وقول له الكلام وخاصه عن الهولندي لأه شي مايدخل في البال يقول

أول شي ألف بعدين خمسة آلاف ولا عشره

والله لو أنا كان سويت في البنك شي

لأني ماعندي قوة تحمل يجي أي شخص في العالم يتلاعب فيني ويضيع وقتي وكل شوي له كلمه

الله يعينك...ممكن تسوي إزعاج في البنك وترفع صوتك على الوظف وتسوي شوشرة في البنك
وتدخل على المدير و إذا كان المدير طيب راح يحاول يراضيك ويفتحلك حساب...أما إذا المدير
قطاع طرق ينادي على الأمن و يرموك من فوق السطح...هذا الحل والحيد في نظري...
<<< لا تزعل مني أمزح معاك... :nice:

البنوك مالها شغل في الغرفة التجارية ..

إذا تبغى تهددهم قول لهم برفع برقية إلى مؤسسة النقد ..

نفس الي حصل معي ايام ما كنت بفتح حساب عقدوني
الراجحي طبعا معروف انه بنك حرامي قالي رح الفرع الثاني رحت الفرع الثاني قال الطلاب لهم البنك الي حول الجمعات بالرياض المهم الحمد لله ما فتحت
رحت سامبا وكان وقت رواتب قالي بعد الرواتب طبعا اعرف الموظف لاكن فتحلي حساب ما قصر وكم شخص كانو موجودين بذاك الوقت ولا دفعت ولا ريال

والمره الثاني فتحت حساب في بنك الجزيرة وطلبو 20الف وعطيتهم
بس بنك محترم بصراحة

اخوي انا مدري انت متى رحت !

بس اذا كان هالايام فانسى تفتح حساب

والسبب اكتتاب ينساب ، تعال لهم بوقت مافية اكتتابات ولا هو وقت رواتب يعني آخر الشهر ، ويفتحون لك وبدون ماتدفع ولا ريال

صراحة أفضل بنكية تعاملت معهم
بنك الجزيرة
البنك السعودي للاستثمار

وخصوصاً الجزيرة ! فهو فعلاً بنك بمعنى الكلمة
بس مشكلته بعض الفروع تطلب إلى 50 ألف ريال !

وبعضها مثل ماقال الاخ تطلب 20 ألف وغيره !

علشان كذا اذا كان عندك افتح حساب ببنك الجزيرة وريح بالك ،

بعد هالبنكية يجي بنك سامبا
فالمعروف عنه بانه ممتاز ! وخصوصاً ان كثير من عملاء هالبنك طلاب ، لتعاملة مع الجامعات وغيرها !

بس يمكن مثل ماقلت لك الوقت والفرع له دور ، رح بفرع رئيسي له ويكون مافية اكتتابات ولا فية وقت رواتب ويفتح لك غصب عن خشمة !

اذا عندك جواز سفر تقدر تفتح حساب ببنك عالمي وامريكي ومن جهازك بعد بلا تعقيد بلا هم ! << شوفوا الناس اللي متطورة !

فمان الله

المشاركة الأصلية كتبت بواسطة Mhohmmad Ali

اخوي انا مدري انت متى رحت !

بس اذا كان هالايام فانسى تفتح حساب

والسبب اكتتاب ينساب ، تعال لهم بوقت مافية اكتتابات ولا هو وقت رواتب يعني آخر الشهر ، ويفتحون لك وبدون ماتدفع ولا ريال

صراحة أفضل بنكية تعاملت معهم
بنك الجزيرة
البنك السعودي للاستثمار

وخصوصاً الجزيرة ! فهو فعلاً بنك بمعنى الكلمة
بس مشكلته بعض الفروع تطلب إلى 50 ألف ريال !

وبعضها مثل ماقال الاخ تطلب 20 ألف وغيره !

علشان كذا اذا كان عندك افتح حساب ببنك الجزيرة وريح بالك ،

بعد هالبنكية يجي بنك سامبا
فالمعروف عنه بانه ممتاز ! وخصوصاً ان كثير من عملاء هالبنك طلاب ، لتعاملة مع الجامعات وغيرها !

بس يمكن مثل ماقلت لك الوقت والفرع له دور ، رح بفرع رئيسي له ويكون مافية اكتتابات ولا فية وقت رواتب ويفتح لك غصب عن خشمة !

اذا عندك جواز سفر تقدر تفتح حساب ببنك عالمي وامريكي ومن جهازك بعد بلا تعقيد بلا هم ! << شوفوا الناس اللي متطورة !

فمان الله

عطنا هالبنوك اللي تفتح حساب من جهازك
وبصراحة بعد مايخلص إكتتاب ينساب رأح أرجع مرة ثانية لسامبا والله يعيننا ونشوف وش سواتهم والحين ماصاروا يفتحون لك محفظة إلا أظن يكون برصيدك أقل شيء 200000الف صحيح هالكلام ولا لا

المشاركة الأصلية كتبت بواسطة Mhohmmad Ali

اخوي انا مدري انت متى رحت !

بس اذا كان هالايام فانسى تفتح حساب

والسبب اكتتاب ينساب ، تعال لهم بوقت مافية اكتتابات ولا هو وقت رواتب يعني آخر الشهر ، ويفتحون لك وبدون ماتدفع ولا ريال

اخوي هنا السر
عشان اكتتاب ينساب
انت تعال يوم السبت وبيفتحون لك لان اخر الاكتتاب بينتهي اخر الاسبوع

لا السالفة انه فيه عميلة وراك تصير ههههههههااااااااع
يارجل شو لعبة ذا يقولك اول ب ألف بعدها خمس و بعدين الدبل عشرة الف
ههههه يزايدون عليك ؟؟
ولا شافوك كذا ورع صغنوون خلنا نلعب .. <<< مزحة Joking

الله يعينك حببووووب
اخوك المحب الغريم

سبحان الله نفس معاناتي
أنا عندي حساب جامعي لكن بغيت أطلع حساب مثلك والله تبهذلت (بطاقة الجامعه ذي مافيها مزايا الحساب العادي)
أخس بنك الراجحي شف البجاحة يقول
أول شيء قال هذي تعليمات أنه لازم تجيب خطاب تعريف جهة العمل
وإذا طالب يقول أفتح من البنك الموجود داخل الجامعه
ثم قال شف إذا تعرف أي واحد يقرب لك أو شيء خله يعطيك تعريف أنك موظف عنده !!!
والله العظيم لو معي واسطه ما طلب هذا الشيء

الشرهه علي اللي تأخرت ما فتحت حساب قبل سنه
لأن قبل سنه ما كانوا يطلبون هذا الشيء !!

باقي الأهلي والبلاد
الأهلي إن شاء الله بفتح معهم لأن يوم جيت لهم بفتح حساب قال أعذرني الحين زحمة أكتتاب وموقفين فتح الحساب
سألته عن الشروط قال ما نبي شيء بس تعال وتعبي بياناتك عندي وبس هذا الأهلي (هالكلام قبل 6 شهور ومافضيت للحين !!)
وبجرب البلاد

مع أن ودي بالراجحي لأن مزاياهم كثيرة وبنفس الوقت الراجحي داخل البنك زفت مره أما إذا خلاص خلصت شغلك وصار تعاملك بالبطاقه ما راح تحتاج تدخل البنك أبد


والله أني محرج كل مابغيت أحول ولا شيء أنحرج مع الناس
خاصة إذا كان التحويل خارج المملكة
ولا مثلاً إذا واحد بيحول لك
أروح أعطيه حساب واحد من الشباب ثم لازم أفهم الرجال أن أسم الحساب اللي عطيتك بيطلع غير أسمي لأن ماعندي حساب ثم أتحمل شكوكه إلين يحول !!

صراحة شيء مرة يقهر أول شيء ماأنقبلنا بهالجامعات والحين يعذبوننا بالبنوك بعد
طيب من وين أجيبلك تعريف عرف الله مخك
حتى أنا قسم بالله عملائي أخليهم يحولون على حساب الوالد وإذا رحت لاأبوي أخذ البطاقة يسألني 100000000سؤال قبل لايعطيني إياها

المشاركة الأصلية كتبت بواسطة متابع

باقي الأهلي والبلاد
الأهلي إن شاء الله بفتح معهم لأن يوم جيت لهم بفتح حساب قال أعذرني الحين زحمة أكتتاب وموقفين فتح الحساب
سألته عن الشروط قال ما نبي شيء بس تعال وتعبي بياناتك عندي وبس هذا الأهلي (هالكلام قبل 6 شهور ومافضيت للحين !!)
وبجرب البلاد

غريبة ألحين سووا بنك البلاد عندنا في الأحساء مافي بنك إسمه البلاد.

المشاركة الأصلية كتبت بواسطة أحمدVIP

غريبة ألحين سووا بنك البلاد عندنا في الأحساء مافي بنك إسمه البلاد.

أهلين أخوي فيه فرعين بالأحساء
توه جديد فاتح البنك 11 ديسمبر

شف هنا آخر شيء فروع الأحساء
تحياتي ..
وتراهم بنك البلاد شاركوا بإكتتاب ينساب

انت الغلطان ...


اي مكان تروح فيه للبنوك هاذي ، احرص انه يكون معك تليفون الجيل الثالث ، و ادخل و انت مشغل الجهاز و خله يسجل الي بينكم ، و اذا خلصت سمعه اياه ، و قله هذا الليلة على بريد مؤسسة النقد .


قسماً بالله ان يفتحون لك الحساب و يحطون هم الفلوس لك فيه بس لا تفضحهم ، يا رجل مؤسسة النقد ماسحه فيهم الأرض و تدور الفلطة و لا تتعامل الا مع الرؤوس الكبار ، يعني عادي يطير مدير المنطقة الوسطى لبنك معين بسبب حطاب من مؤسسة النقد .