الموضوع: تنبيه وتحذير ... لكل مستخدم جوال في السعوديه

السلام عليكم ..

قبل فترة تقريبا جت الفاتوره لأحد الشباب فيها زياده 250 ريال

وهو عميل عند شركة الإتصالات

بعد مااستفسر عن زيادة الـ250 ريال ..

قالوا له ان تعيين الشبكه عنده اوتوماتيك .. وفيه اماكن يكون فيها اشاره ابراج موبايلي اقوى من الإتصالات ..

وبكذا يتحول جوالك على شبكة موبايلي ..( استقبال وارسال)..

وفي حال انك صرت تستقبل وترسل من شبكة موبايلي يدبل عليك من الإتصالات

وعلى ماظن ان السعر ثابت .. يعني من يوم تحول الشبكه كذا مره يثبتون عليك 250 ريال << مجرد اعتقاد لاني شفت كذا شخص نفس السعر جاهم

حل المشكله .. انك تخلي تعيين الشبكه في جوالك يدوي


شبكة الإتصالات : ALjawal

شبكة موبايلي : Ksa03

..

الكلام كله موجه لعملاء شركة الإتصالات السعوديه


والسلام عليكم ..

صحيح توني مسويها

لكن شباب إذا كنت في البر وإنقطعت بك السبل لا تنسى تحط آلي لعل وعسى

مشكور أخوي

والله انا اول ما طلعت موبيلي طلعت لي شريحه مسبقه الدفع

الحقيقه هي فاشله بذاتها ارسال ضعيف كل يوم يرسلون لك رسايل

دعايات اكثر من ثلاث الى الست رسايل فيه ميزه وحده الي هي ارخض

من الاتصلات لكن الواحد يبي يكلم وهو مرتاح مهو يقطع وتضطر تعيد مرتين

وثلاث واللحين الاتصلات تبي تاكل العملاء وتستفيد من موبيلي ومفروض

يعطى تنبيه انك الان على موبيلي والشئ الاخر ليش نتحملها احنا رسوم

هاذي ليش هم ماوفرو ابراج بدل موبيلي ولهم بسعوديه سنواات كثيره

غريبه لكن أخوي طلع من الدمام شريحة في بداية الإجازة
وإلى الحين ما أرسلوا له ولا دعاية وحدة

انا استخدم موبايلي ....


والله الحمدلله ماجتني دعايات ولا شي ....


بس اعتقد اخوك يجيه تحديث كل شوي على شكل رساله ...


شكرا لك اخوي NaIeF على التنبيه ...

اللحين استخدم موبايلي والاتصالات مسبوقة الدفع وارتحت من فواتير آخر الشهر ...


بالتوفيق للجميع ان شاء الله

الله يعطيكم العافيه جميعاً على مروركم . ؛

بالنسبه لكلامك اخوي wexw.com ..

مادري ناس تشتكي من موبايلي وناس تمدح

لكن الإرسال عندهم والإستقبال ضعيف شوي ..

وترى بالنسبه للمكالمات والرسائل الإتصالات أرخص ..

وليت محد يكتب رد حتى يحسبها بنفسه

..

وش نخليه يدوي اختيار المشغل
او عرض معلومات الخلايا

انا تحولت على موبايلي كله عناد في شركة النصب و اللطش "الإتصالات السعودية " ...

المجرمين ، الحرامية ، النصابين ...


صحيح ان السعودية بلد كبيير وممتد ، لكن هذا ما يعني انهم يسرقون الشعب كذا ...

شي يقهر .

المشاركة الأصلية كتبت بواسطة khobar

وش نخليه يدوي اختيار المشغل
او عرض معلومات الخلايا

اختيار المشغل :nice:

مشكوووووور حبيبي على التنبيه

تحياتي تركي القحطاني

المشكلة اذا جيت تعترض

ما تدري وش تسوي هم الخصم والحكم

يقبلون اعتراضك وبعد فترة ويردون عليك انه تمام مافي شي غلط

المشاركة الأصلية كتبت بواسطة pxlls.com

مشكوووووور حبيبي على التنبيه

تحياتي تركي القحطاني

العفو اخوي تركي ..

بس سؤال يقرب لك ياسر القحطاني >> خاش عرض :1power:

المشكلة اذا جيت تعترض

ما تدري وش تسوي هم الخصم والحكم

يقبلون اعتراضك وبعد فترة ويردون عليك انه تمام مافي شي غلط

والله بالفترة الأخيره قلت ويمكن تكون انعدمت الشكاوي على شركة الإتصالاات

ولو صارت لك مشكله بالفاتوره دق على 902 .. وكلم المأمور ويحل لك المشكله سريع سريع