الموضوع: مساعة من اهل الأحساء

السلام عليكم.. شحالكم يالربع عساكم طيبين

ياهل الاحسا بغيت منكم مساعدة
واحد يقرب لي بروح الاحسا خلال الأسبوع القادم بيشتري قطع غيار حقت نيسان.. فسألني وين شارع الملكي حتى يروح للمحل ومحتاج للمساعدة وجزاكم الله خير

هلا بالضابط الدحمي ..

العام الماضي جيت قطر عشان قطعه لنيسان واذكر اني كلمتك وصحيح اني حصلتها بقطر !! تخيلوا ! لا البحرين ولا السعوديه ( لا الشرقيه ولا جدة ولا الرياض حتى) وحصلتها بدولة قطر هالقطعه للماكسيما

على كل حال .. شارع الملكي بالاحساء سهل ...

اذا جيت من قطر بيجيك اول شئ الدوار (دوار قطر وانت عارفه المنفذ الثالث او مدخل الهفوف طوالي) .. اطلع سيده بتجيك اشاره اطلع سيده بتحصل مطعم اخوان على يسارك <<< الي ذابح اهل قطر كله فيه بتجيك اشارة لف يمين مع السجن (يسارك جامعه الملك فيصل) وبعدين كله سيده بتجيك اشاره اطلع سيده بيجيك السوق واطلع سيده بتحصل اشاره واطلع سيده بيجيك شارع الملكي .. سهل جداً ( يعني اشارتين وتلف يمين مع الاشاره الثانيه حقت السجن وكله سيده )

واما وكالة نيسان على شارع الظهران نفس الطريق الي تروح له للدمام انت ( قريب من مستشفى بن جلوي ومستشفى الموسى) بس لهم فرع بشارع الملكي لقطع الغيار

وبعدين اذا راح قريبك للحسا .. اهلها ماراح يقصرون معكم التوصيف جداً سهل

يامرحب يابوتركي فديت خشمك
والله كنت حاس ان انت بترد علي في اللموضوع هههههه

بخصوص السجن .. الي هو السجن العام ماغيره الي جمبه محطة بترول و بنك صح ؟

اكمل سيدة بتجيني بعد اشارة بعد بطلع سيدة بتجيني اشارة ثانية الي هي االاشارة حقت السوق صح

وبعد لين ماوصل عند الاشارة الاخيرة الي فيها أسواق السفير؟
طبعاً المحل الي انا ابي اروح له اهو اسمه . ابوراشد لقطع الغيار

واسمحلنا على الازعاج يابوتركي

بعد السجن العام سيدا الين تجيك الإشاره الأولى وبيكون على يسارك شركة الأسماك وبعد كذا على طول بيجيك مخابز القصيم وبرضوه سيد بتجيك إشاره ورقمها 2 اللي فيها اسواق السفير على اليسار اول ماتعدي الإشاره بتلاقي مسجد على اليسار مسجد السوق برضوه سيدا بتجيك مطبات السوق والمحلات يمين ويسار برضوه سيدا بتجيك البلدية على اليسار والقيصرية على اليمين برضوه سيدا بيجيك فندق بونيس ( ماني متأكد من أسمه بس فيه بو ) الحين بتجيك إشاره ( يسارك محلاك قطع كهربائية ويمينك بتشوف مواقف التكاسي ( صفرا ) الان دخلت الشارع الملكي ( روووح سيدا الين الأشاره الأخيرة في الشارع الملكي وإرجع بإتجاه السوق عدي وكيل قطع غيار نيسان ( بعد وكيل نيسان ب 300 متر تقريبا ) وعينك على اللوحات على اليمين بيجيك على الزاوية محل أبو راشد.

وبهالمناسبة مقابل محل ابو راشد فيه ورشه لبناني وفلسطيني أفضل من يفتح كبوت السيارات الألمانية يعني ودي لهم البي ام او الأودي أو المرسيدس واتكل على رب العالمين ثم عليهم وبتشوف شغلهم كيف ، تشخيص ولا أحسن وتصلح أجمل وأجمل

هلا عبدالرحمن .. وجاك الرد من الاخ BOMBER يعطيه الف عافيه ووصف لك بالتمام

وكل عام وانت بخير

كل عام وانتم بخير ..


BOMBERاشكرك على الوصف والله اني منحرج منك لاني تعبتك أنت والأخ الباسل..
طبعاً تم الأتصال في ابوراشد وقالي لايوجد الي تبيه ..الي اهو (الصدام الأمامي + الربلة ) فقط يوجد في وكالة نيسان , علشان كذا.. الحين ودي منكم اخر طلبين واسف اذا ثقلت عليكم ..

بس ودي رقم وكالة نيسان بالأحساء
+ مكان الوكالة في الأحساء

وانا اعتذر اذا ثقلت عليكم

فتح الخط للشرقية 03
5821039 لقطع الغيار

فرع المبرز 035311106 فرع الصناعيه 035928266

رقم محل العلوان لبيع قطع غيار نيسان وتويوتا بالأحساء

فرع الهفوف 035868210 فرع الصناعيه 035922766


وهذا رقم الوكالة بالدمام
8424814
6696690

الحمراني الرياض 832430

وهاذي فوق البيعه ههه

اسم المحل : مؤسسة الحميدان
موقع المحل : الدمام شارع الملك سعود
تلفون المحل : 038175363

اسم المحل : مؤسسة الهاجري
موقع المحل : الثقيه شارع مكه
تلفون المحل : 038934641

اسم المحل : شركة الجبر
موقع المحل : الثقبه شارع مكه
تلفون المحل : 038986067

وفتح الخط الدولي : 00966 واكيد انت اخبر مني

والتوصيف بنسبه للاحساء !! شارع الظهران اما بالدقه مااقدر اوصف لك عدل وخصوصاً من الدوار لاني بدخلك نوافذ بتجيب العيد وبتضيع

بس قولي تدل ملاهي الحكير او مستشفى بن جلوي او الموسى ؟؟ او ماكدونلز او كنتاكي او كلية التقنيه بالمبرز؟؟ او حتى النفق << الوحيد الي بالحسا ! على نفس الطريق كانك متوجهه لدمام ,,, اقرب شئ له محلات سوني او جرير واعذرني هالوصف بس قولي وش تدل من الي ذكرتهم لك

وبعدين يارجال دق على جوالي وفك عمرك خلني اشوف كان متوفره طلباتك فديتك انا

ملاحظه بعض الارقام حصلتها بالمنتديات

فديت خشمك يالباسل والله اني تعبتك معي خخخخخخ

بخصوص الأماكن الي قلتها للأسف ولا وحدة ادلها.. طيب شوف ..

لو اني رحت الأحسا واسئل الي هناك عن مستشفى بن جلوي.. هل الوكالة قدام مستشفى بن جلوي؟
يريت تعطيني اسم الوكالة بالضبط + اقرب شي عندها حتى أسئل هناك لان مفيه غير هذا الحل

والله يعطيك العافيه

المشاركة الأصلية كتبت بواسطة عبدالرحمن الدوسري

فديت خشمك يالباسل والله اني تعبتك معي خخخخخخ

بخصوص الأماكن الي قلتها للأسف ولا وحدة ادلها.. طيب شوف ..

لو اني رحت الأحسا واسئل الي هناك عن مستشفى بن جلوي.. هل الوكالة قدام مستشفى بن جلوي؟
يريت تعطيني اسم الوكالة بالضبط + اقرب شي عندها حتى أسئل هناك لان مفيه غير هذا الحل

والله يعطيك العافيه

هلا .. وكاله نيسان بشارع الظهران واقرب شئ له محل سوني للاجهزة(مقابل له) وايضاً مستشفى الموسى

وعلى فكره مافي الا وحده بس بالحسا يعني معروفه

كفيت ووفيت يا ابوتركي جعله يرحم والديك ماقصرت .

واشكر الأخBOMBER على مساعدته..

والله جاي متحمس ابرد بس الباسل ماقصر قام بلواجب