الموضوع: محمد الظفيري " شاعر الظلام " WANTED HERE

السلام عليكم ورحمه الله وبركاته



كيف حالك اخوي محمد .. المعذرة ما اعرف اي وسيلة تواصل معك الا هالقسم


عندي استفسار وااتمنى منك تفيديني فيه ...


عندي الاهل في الكويت حابين يتقضّون للعيد من موقع امازون

ومب عارفين صراحه طريقة الطلب من هالموقع

هل يلزم فتح حساب في الارامكس او الفيدكس

ياريت اخوي تشرح لي طريقة فتح هالحساب ومن اي مكان افتحه وكم يكلف


والشحن كم تكلفته ؟؟ هل بالكيلو ولا شلون طريقتهم


باختصار اخوي محمد ابي الطريقة من الالف للياء


انتظر ردك يالغالي

السلام عليكم

حبيت افيدك يمكن الاخ مشغول

اول شي لازم الاهل يفتحون حساب بأحدى شركات التوصيل ك مثال : DHL
و موقعهم الرسمي http://www.dhl.com.kw/en.html
عنوانهم http://www.dhl.com.kw/en/express/shi...locations.html

يمكنك فتح حساب بالانترنت .. http://www.dhl.com.kw/en/express/shi...n_account.html

راح يعطونك عنوان بريدي بأمريكا ، منه تقدر تطلب بالموقع على العنوان البريدي الي استملته ، راح توصل اغراضك على الصندوق اللي بأمريكا ، الشركة راح اتتباع اي بضاعه توصل على صندوقك البريدي الي هناك و توصلها على طول للكويت ، بعدها يوصلك تلفون يبلغونك انه بضاعتك موجوه وتقدر تستلمها ..

فتح حساب = 10 دنانير

تكلفة التوصيل = رسوم الجمرك + وزن البضاعه بالكيلو..

اممم افضل يتم حصر النقاش هني من بعد اذنك
http://www.swalif.net/softs/swalif81...6/index88.html
لاني بخصوص الشراء متواجد دائما بهالموضوع..

عموما راح ارد على اسألتك.. لكن اتمنى للمزيد من الأسئله توضع في هذاك الموضوع ولكم كل الشكر



أولا شكرا للاخ Al7zen ماقصر.. لكن بعيد صياغة اللي كتبه عشان اكون شاركت على الاقل بالموضوع

طريقة الشراء من الانترنت:
1- لازم تكون عندك فيزا\ماستركارد
2- موقع Amazon لايتطلب اشتراك بموقع paypal.com لذا سيسهل عليك الشراء بعيدا عن دوخة وتعب الpaypal
3- عند الشراء، لازم تكون عندك طريقة لاستلام البضاعه او السلعه، شلون؟ انا اقولك شلون
لازم تفتح صندوق او MailBox Address.. منو يوفر لك هالخدمه؟ في شركات وايد
منها:
DHL
Aramex
ushopweship
TNT

شنو الافضل؟ من حيث الخدمه Aramex وDHL
من حيث الاسعار ushopweship

Aramex اول نص كيلو 4 دنانير
كل نص كيلو زياده 2.750 او 3 دنانير ما اذكر

ushopweship اول نص كيلو 2.750
كل نص كيلو زياده 2.500

طبعا راح تفرق وياك كل مازاد الوزن راح تعرف ان ushopweship افضل..

DHL تقدم لك عنوان\صندوق بأمريكا
Aramex بأمريكا وبريطانيا = اشتراك للأبد 10.750 دينار تدفع مره واحده بدون تجديد
ushopweship بامريكا وبريطانيا والامارات = اشتراك للأبد 8.750 دينار تدفع مره واحده بدون تجديد

4- عند الشراء تضع عنوان بطاقتك الماستر\فيزا لتتم عملية الدفع
ومن ثم على حسب الموقع اللي طلبت منه مثلا amazon.com موقع بأمريكا
لذا تقوم بوضع عنوان الصندوق مالك اللي بأمريكا لاختصار الوقت ولكونه اقرب من البائع
يسمى shipping address
عندما يصل تقريبا بعده بيوم او يومين يتم شحنه للكويت وبعدين تستلمه

طريقة عمل الصناديق مثل ماوضحت.. اذا طلبت شي مثلا من فرنسا تقوم بوضع عنوان الshipping address للصندوق الأقرب من فرنسا.. في هذه الحاله تقوم بوضع عنوان بريطانيا..الخ


موفق ^^

الله يجزيكم كل خير على الاجابات الكافيه والوافية
الأخ الحزن - الأخ محمد الظفيري
بصراحه استفدت كثير من الموضوع
شاكر لكم ردودكم الكريمه ....