مشكلة فى الدومين مع شركة name.com مادرى من وين ها المشكلة

[alzaabi]

الحين الصبح شفت ايميلك يا الشيباني

لحظات وبيكون الايميل عندك

سلام

انا اموت واعرف ليش ماتوصلني ايميلات من المنتدي ان في ردود يديده كنت قاعد امس وسهران الله المستعان


سلام

[Dragon2oo2]

الحين الصبح شفت ايميلك يا الشيباني

لحظات وبيكون الايميل عندك

سلام

انا اموت واعرف ليش ماتوصلني ايميلات من المنتدي ان في ردود يديده كنت قاعد امس وسهران الله المستعان


سلام

السلام عليكم ..

مشكور على الإيميل .. لكن فشلت في تغيير الباسورد .. وأنا أقول لك ليش:

انت بعدما سجلت دومينك alnas.ws غيرت الـ Security Settings .. وحطيت لهم IP ثابت .. واهو الـ IP اللي ظهر لك بعد التسجيل ..

المشكله ياخوي .. إن خدمة الانترنت من اتصالات الـ IP فيه متغير .. ويسمونه Dynamic IP .. وهالشي تسبب لك بالمشكله من الأساس ..

بمعنى .. إن اليوزر كان صح .. والباسورد كان صح .. بس الـ IP كل مره يتغير .. لأنك انت دخلت لهم IP ثابت .. عشان جذي ماتقدر تدش بالأكاونت ..

وانت بصراحه ظلمت شركة name.com .. وتسرعت في حكمك عليهم .. أنا سويت لي أكاونت معاهم .. عشان أكتشف السر ورا مشكلتك .. واكتشفت الحل بعد ..

الحل ياطويل العمر:

However, if you adjust these settings and you are locked out of your account, we will charge a security clearance fee of $25.00 to clear the lock.

All email notifications are sent to the default account administrative and registrant contact email addresses.

This is a good way to lock yourself out of your account and have to pay the $25.00 mentioned above to regain access. You should only use IP access restrictions when the IP address you are using is static.

يقولون لك .. إذا غيرت إعدادات الأمان .. وهالشي أدى إلى إن الأكاونت انقفل .. وماتقدر تدش فيه .. كل اللي عليك تسويه إنك تراسلهم من إيميلك المسجل عندهم وتطلب منهم يشيلون القفل وتطلب منهم يشيلون الـ IP الثابت المحطوط بأكاونتك .. وتسمح لهم يسحبون منك 25 دولار مقابل هالخدمه .. وبعدها تنحل مشكلتك ..وتقدر تدش بأكاونتك بأي وقت ومن أي IP .. ومن غير مشاكل ..

أتمنى إن الصوره تكون واضحه ياخوي

[alzaabi]

كل هذا ومب ظلم؟ وتقول اني تعديت عليهم بالضلم؟

الله يهديك يا اخوي

شوف انا لما سجلت عندهم ماقالولي اي بي ولا مش اي بي وانا مش يديد في سوالف النت وسوالف الريجستر

انا قديم في هذى الامور ولي خبرتي ومن دخلت عندهم الين اليوم ماقدرت ادخل على لوحه التحكم الا في اليوم التالي والي يبين من خلال تاريخ تسجيل الدومين وتاريخ اخر تفعيل ويدل هذا انه في اليوم التالي للتسجيل

والمعني في هذا انهم هم من حطوا الاي بي وهم الي سووا ها الحركه

ومعنى هذا انهم يستغلونا ويقولون دومين اب 6 دولار او 5 دولار والحين قفلناه لك وتعال ادفع 25 دولار يعني معقول عشان فك اللوك الي هم حطوه وانا مادري عنه اني ادفع قيمه خمس دومينات ؟؟!!

بالعقل مفهومه السالفه وانا اصلا ماتسرعت عليهم ولا حكمت عليهم الا من الي شفته

وبعدين من شهر 3 - 2007 يعدي بعد ثلاث شهور من اليوم بكمل سنه يعني معقول اكون اصبر عليهم واحكم عليهم جزافا

حاسب نفسك يا اخوي الله يبارك فيك

وانا للان لو تشوفون غلطان بكيفكم وانا انسان مادفعت فلوس عشان اتضايق ولا عشان يغرموني بدون حق ولا سجلت الاي بي الخاص فيني عشان يقولون تعال الاي بي مالك غير كما احب اقولك ان فيني طبع اي موقع ادخل واسجل فيه اي ريجستر اعمل للصفحه بعد ما اعبي البيانات برنت وبعدها اضغط موافق

وراجعت كل شي وكل شي سليم والله يسترنا من جور الشركات وظلمهم

شكرا عموما لك وللجميع

وفقكم الله انا ماريد اعيد وازيد في موضوع الدومين هذا لانه امره منتهي ولكن للحذر الناس

وفي كذا واحد طاح بنفس المشكله والسبب استغلال هذى الثغرة من الشركه ضد الزباين

والسلام عليكم

[alzaabi]

للملاحظه انت قلت اني رحت على السيتنج وغيرت المعلومات في السيكيورتي بعد التسجيل

وانا اقولك اني مادخلت علا لوحه التحكم ولا غيرت شي غير النيم سيرفر وبس

ولليوم ماقدرت ادخله من هذاك اليوم اصلا ولا اقدر ادخل ولا غيرت اي شي ولا اي بي ولا ثبت الاي بي الي كنت استعمله وانا على خبره في هذا الامر بتغيير الايبيات في الاتصالات

الا الايبيات للسيرفرات الي تشتريها من اتصالات يعطونك اي بي ثابت وللسيرفر فقط

والله المستعان

والسلام عليكم

[Dragon2oo2]

للملاحظه انت قلت اني رحت على السيتنج وغيرت المعلومات في السيكيورتي بعد التسجيل

وانا اقولك اني مادخلت علا لوحه التحكم ولا غيرت شي غير النيم سيرفر وبس

ولليوم ماقدرت ادخله من هذاك اليوم اصلا ولا اقدر ادخل ولا غيرت اي شي ولا اي بي ولا ثبت الاي بي الي كنت استعمله وانا على خبره في هذا الامر بتغيير الايبيات في الاتصالات

الا الايبيات للسيرفرات الي تشتريها من اتصالات يعطونك اي بي ثابت وللسيرفر فقط

والله المستعان

والسلام عليكم

ياخوي ماله داعي كل هالانفعال .. الله يهديك بس ..

قلت لك أنا ماعندي دومينات .. ولا عندي مصلحه معاهم .. عشان أدافع عنهم ..

أنا بس حبيت أحط النقاط على الحروف .. وأبين السبب الحقيقي للمشكله ..

وعشان تتأكد إنه بإمكانك تدش من غير مشاكل .. خذ اليوزر والباسورد تبعي .. وشوف إذا بإمكانك تدش على الأكاونت ولا لأ:

libra76
6655203

وإذا انت متأكد إنك ما حطيت لهم IP ثابت أو غيرت في شي .. راسلهم على إيميلهم support@name.com من إيميلك اللي مسجل عندهم .. واشرح لهم الموضوع .. وان شاء الله يردون عليك وتنحل المشكله ..

الموضوع مايبيله تشنج ياخوي ..

[alzaabi]

الله يهديك اي تشنج اي سوالف تسولفها تراه بعض المرات الكلمه تجر كلمه يا اخوي

والاعصاب في الثلاجه بس مب زين تتهم الناس بدون ماتتيقن الصح من الغلط

بارك الله فيك

شكرا على العموم ماقصرت

جزاك الله خير

ولو تحس اني غلطت عليك حقك على راسي

يعطيك العافيه