طيب ليش ماتحاول تبي لك موقع ... ومع الوقت يكبر وتأسس شركة بأسم الموقع وبكذا تكون ماشي على طريق المواقع الكبيرة مثل Yahoo و Google وغيرهم
وبالنسبة للتعليقات المفروض تكون للأعضاء فقط وليس للعامة ولاتنسى نظام الحماية وهو كود التأكيد عند وضع التعليقات علشان برامج السبام
وعادةً إذا الموقع صار له زواردائمين ونقاش في المنتدى وكثرة التعليقات أنك تبحث عن أبرز عضو عندك يساعدك في إدارة الموقع أو أحد الأشخاص اللي تعرفهم ولهم خبرة في الأنترنت.
أما إتصل بنا فأنت لازم تتحمل هالرسائل , لأنها من زوار موقعك أولاً واعطوا من وقتهم لكتابة الرسالة لك ثانياً
وخدمة البحث اللي يقدمها جوجل تعتبر من الخدمات التفاعلية اللي تقوم عليها كامل شركة جوجل , وأكيد وصلتهم ألاف أو ملايين الرسائل لكن يعطونها إهتمام ويردون عليها لأن هالشيء يدل على تفاعل وإهتمام الشركة بهذا الشخص .
لكن في النهاية الموضوع هذا يحتاج دراية بكيفية إدارة المواقع بطريقة ناجحة والصبر على الإستفسارات ومحاولة التطوير لكن بشكل ناجح ويفيد الموقع لأن أي خطوة تسويها في الموقع ممكن توديك خطوة للأمام أو خطوات للخلف.