السلام عليكم
والله زاد الشي عن حده وطفح الكيل
طحنا بالفنيون السعودين ورحنا لاغلى واشهر استضافه
ودفعت الغالي عشان اضمن تواصل موقعي الدائم
مع ذلك لازم كل شهرين او ثلاث ينقطع الموقع يومين كاملة او اكثر
شيء مزعج ومحبط ..
نحط اعلانات لموقعنا وندفع ماورانا ودوننا فيها
وبالاخير ينقطع الموقع بكل بساطة
اقسم بالله مايردني اخذ شركة اجنبيه الا ان لغتي سيئة
والادهى والامر ان الدومين باسم الاستضافه
ماانكر صاحبها نشمي ولاقد ردني
لكن مو معقول ابدا ان الموقع الكبير الي عنده شغال ولافيه اي مشكلة
وانا عشان موقعي متواضع ينطله باي سيرفر وبحريقه تحرقه لو انقطع حتى اسبوع
يعني ودي اعرف وش النهايه ..
لااحد يجي يحط لي عروض خياليه وحنا ازين شي وحنا ارخص شي
انا ماانتظر عروض الله يجزاكم خير
والعذر والسموحه على اسلوبي لانها من جد وصلت حدها
مستعد ادفع حتى 3000 بالسنة بس القا استضافه تحترم عميلها
واردى ماعلي اني الجأ لاجنبي وصخ واترك العربي (النشمي) !!!!
لكن يحدون الواحد بإستهتارهم وعدم اهتمامهم
والا يقولي ماارجع موقعك لانك تمهزلت في تحديث بياناتك؟؟؟
يقولي اكتب تاريخ بدأ استضافتك ولا يبيني اتمهزل؟؟
بالله من المسؤل عن بدأ تاريخ استضافتي انا والا هو؟؟
والله حاله
لاحول ولاقوة الا بالله العلي العظيم
المشكلة ان الواحد حتى لو قرر ينقل
تلقا صاحب الاستضافه يتهدد ويتوعد عشان الدومين باسمه
وصعب شقا عمري كل هالسنوات يضيع عشان دومين